2 Edk 18:7 - BAEBOLO ANZƐƐ BULUKU NWUANZANWUANZA

⁷ Yizilayɛ Belemgbunli Ehabe zele Gyɛhɔhyafate kɛ, “Ko bieko tɛbɔ ɛkɛ mɔɔ yɛkola yɛbiza ye yɛtie Ɛdɛnkɛma anloa edwɛkɛ a. Yemɔ a le Yemela ara Maekaya; na mekyi ye kɔkɔkɔkɔ, ɔluakɛ ɔnva Nyamenle nrɛlaleɛ kpalɛ ɔmbɛlɛ me kɛ munzule nrɛlaleɛ ngome ala a ɔfa ɔbɛlɛ me a.” Gyɛhɔhyafate zele ye kɛ, “Nana, mmaka ye zɔhane.”

2 Edk 18:7 ပူးပေါင်းရင်းမြစ်များ

1 Arl 18:17

Ehabe anye bobɔle Yilaegya ala la, ɔbizale ye kɛ, “Ɛnee ɛdawɔ Yilaegya, mɔɔ wɔgyegye Yizilayɛ maanle ye kpole la ɛhye ɔ?”

1 Arl 18:4

Mekɛ mɔɔ Gyɛzɛbɛle kuhu Nyamenle kpɔmanvolɛma ne mɔ la, Obadaya liele bɛ nuhua ɛya ko ngoane. Ɔvale bɛ abulanlu abulanlu ɔveɛveale awolɛ mbɔne nu na ɔmanle bɛ aleɛ nee nzule.)

1 Arl 19:10

Ɔbuale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛgyakyi wɔ edwɛkɛ ne anzi ɛlilɛ, bɛbubu wɔ azukponle ne mɔ, na bɛhu wɔ kpɔmanvolɛma ne mɔ amuala; me ngomekye ala yɛɛ meha a, yɛɛ eza bɛlɛkpondɛ medame noko bɛahu me.”

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

1 Arl 22:8

Yizilayɛ belemgbunli ne hanle hilele Gyɛhɔhyafate kɛ, “Sonla bieko wɔ ɛkɛ mɔɔ yɛkola yɛkɔnwu ye yɛmaa ɔbiza Ɛdɛnkɛma ɔmaa yɛ a. Yemɔ a le Yemela ara Maekaya. Na mekyi ye kɔkɔ kɔkɔ zɛhae, ɔboalekɛ ɔmbɔ me munzule kpalɛ; dahuu munzule ɛtane ala a ɔbɔ me a.” Gyɛhɔhyafate buale kɛ, “Nana, mmaka mɔɔ ɛlɛka la.”

2 Arl 9:22

Dwɔlam bizale Gyihu kɛ, “Ɔle bɛtɛɛ ɔ?” Na Gyihu buale ye kɛ, “Kɛ ɔsi ɔyɛ bɛtɛɛ ɛ, wɔ mekɛ mɔɔ ɛ nli Gyɛzɛbɛle ɛva ye ayɛne nee awozonle ɛzonlenlɛ nu tuutuulilɛ ɛbɛla ɛyɛ maanle ye totɔɔ zɛhae la?”

2 Edk 18:13

Maekaya zele ye kɛ, “Meka tease Ɛdɛnkɛma kɛ, mɔɔ me Nyamenle ne kɛva kɛmaa me la, yemɔ ala yɛɛ mebaha a.”

2 Edk 18:6

Na Belemgbunli Gyɛhɔhyafate mɔɔ vi Dwuda rale la bizale kɛ, “Nyamenle kpɔmanvolɛ bieko ɛnle ɛkɛ mɔɔ yɛbiza ye yɛtie Ɛdɛnkɛma anloa edwɛkɛ a ɔyɛ boɛ ɔ?”

2 Edk 18:8

Na Belemgbunli Ehabe zoanle ye mbɔlɔba mgbanyinli ne mɔ ko kɛ ɔhɔva Yemela ara Maekaya ɔrɛla ndɛndɛ.

Edwɛndolɛ Buluku ne 34:21

Ɛtane bahu amumuyɛma; yɛɛ bɛbabua bɛdabɛ mɔɔ bɛkyi tenlenema la ewule fɔlɛ.

Edwɛndolɛ Buluku ne 55:3

Me kpɔvolɛma alɛrayɛlɛ ne kpu me ɛbolɛ, ɔlua amumuyɛma nzisi ne ati. Ɔluakɛ bɛgyegye me, bɛva me nwo ɛya, yɛɛ bɛkyi me.

Edwɛndolɛ Buluku ne 69:14

Fa wɔ nɔhalɛ moalɛ ne die me, mmamaa memi mekɔ moto ne abo; die me fi me kpɔvolɛma asa anu, nee azule buma ne anu.

Mrɛlɛbulɛ Buluku ne 25:12

Saa sonla mɔɔ ze nrɛlɛbɛ la twi sonla mɔɔ le tieyɛ la anyunlu a ɔle kɛnlɛma kɛ ezukoa nvutuke kpɔdelera anzɛɛ kpɔba.

Mrɛlɛbulɛ Buluku ne 29:10

Menli mɔɔ ku menli mgbane mgbane la kyi sonla mɔɔ di pɛlepɛle la, na menli mɔɔ le tenlene la kpondɛ zɔhane sonla ne nee ngoane.

Mrɛlɛbulɛ Buluku ne 9:8

Mmatwi sonla mɔɔ bu ɔ nwo bie la anyunlu, anrɛɛ ɔkɛhyi wɔ. Twi sonla mɔɔ ze nrɛlɛbɛ la anyunlu, na ɔbahulo wɔ edwɛkɛ.

Ayezaya Buluku ne 30:10

Bɛka bɛkile ɛnyelɛzodeɛnwunlɛma kɛ “Bɛmmanwu debie,” na bɛaze Nyamenle kpɔmanvolɛma kɛ, “Bɛmmaka Nyamenle nrɛlaleɛ biala mɔɔ le nɔhalɛ la bɛkile yɛ. Bɛha mɔɔ le menlemenle nee nrɛlaleɛ mɔɔ ɛnle nɔhalɛ la.

Gyɛlɛmaya Buluku ne 18:18

Akee menli ne hanle kɛ, “Bɛmaa yɛva Gyɛlɛmaya anwo adwenle, ɔluakɛ ɔwɔ kɛ sɛlɛvolɛ a kilehile mɛla ne anu a, na nrɛlɛbɛvolɛ tu folɛ, yɛɛ Nyamenle kpɔmanvolɛ ka Nyamenle nrɛlaleɛ ne. Bɛmaa yɛdo ye ɛzonle na yɛduodua yɛ nzo wɔ ye edwɛkɛhanlɛ nwo.”

Gyɛlɛmaya Buluku ne 38:4

Na mgbanyima ne mɔ hanle hilele belemgbunli ne kɛ, “Maa bɛhu nrenya ɛhye, ɔluakɛ ɔlɛka edwɛkɛ yeamaa ɛlɔnema mɔɔ ɛha suakpole ye azo nee menli ne amuala asa anu atuto. Nrenya ɛhye ɛnzuzu maanlema boɛ, ɔsuzu bɛ nee ɛtane.”

Emɔzo Buluku ne 5:10

Bɛkyi awie biala mɔɔ twi sonla mɔɔ ɛnli pɛlepɛle la anyunlu, yɛɛ bɛngulo awie biala mɔɔ ka nɔhalɛ la edwɛkɛ.

Maeka Buluku ne 2:7

O Yizilayɛma, asoo edwɛkɛ mɔɔ bɛka la ɛne? Asoo Ɛdɛnkɛma ɛnlɛ abotane? Asoo ɔdaye a yeyɛ ɛhye mɔ a? Asoo ye edwɛkɛ ne ɛnle kpalɛ ɛmmaa mɔɔ di boɛ la?

Edwɛkpa ne kɛmɔ Maake hɛlɛle la 6:27

Ɛhye ati ɔzoanle sinzavolɛ ko ɔmanle ɔhɔle efiade ne ɔhɔpɛle Dwɔn ati,

Edwɛkpa ne kɛmɔ Luku hɛlɛle la 6:22

“Nyilalɛ ɛha bɛ, wɔ mekɛ mɔɔ menli kɛkpo bɛ, kɛyɛ bɛ aholoba, na bɛkɛze bɛ kɛ bɛle musuofoɔ, wɔ mame Sonla Ra me ti la!

Dw 15:24

Saa meambanyɛ nwanwane gyima ɛhye mɔ mɔɔ awie ɛtɛyɛle bie ɛlɛ la wɔ bɛ avinli a, anrɛɛ bɛnli ɛtane nwo fɔlɛ; na kɛkala, bɛnwu mɔɔ menyɛle la yɛɛ bɛkpɔ me nee Egya a.

Dw 7:7

Ɛtane ewiade ye ɛmkpɔ bɛ, na mame, ɔkpɔ me, ɔluakɛ meka mekile ye dahuu kɛ ye ndenle ne mɔ ɛnle kpalɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:16

Na kɛ ɔyɛ mɔɔ kɛkala angome bɛmaa meyɛ bɛ kpɔvolɛ kɛ meha nɔhalɛ ne mehile bɛ la ɛ?