2 Edk 18:31 - BAEBOLO ANZƐƐ BULUKU NWUANZANWUANZA

³¹ Yemɔti mɔɔ safohyenlema ne nwunle Gyɛhɔhyafate la, bɛdwenlenle kɛ Yizilayɛ belemgbunli ne ɔ, na bɛhakyile bɛ nye kɛ bɛ nee ye kaho. Gyɛhɔhyafate deanle nuhua na Ɛdɛnkɛma raboale ye. Nyamenle manle menli ne mɔ hwenle bɛ nzi,

2 Edk 18:31 ပူးပေါင်းရင်းမြစ်များ

1 Edk 5:20

Bɛvale bɛ rɛle bɛwulale Nyamenle anu na bɛzɛlɛle ye kɛ ɔboa bɛ. Na Nyamenle diele bɛ nzɛlɛlɛ na ɔmanle bɛlile Heegama nee bɛ boavolɛma anwo zo konim.

2 Edk 13:14

Na mɔɔ Dwudama nwunle kɛ konle ne ɛzi bɛ nyunlu nee bɛ nzi la, bɛzunle bɛvɛlɛle Ɛdɛnkɛma, na sɛlɛvolɛma ne mɔ bɔle bɛ aweɛne ndendenle ne mɔ anu.

2 Edk 13:15

Akee Dwudama bɔle bubu na Nyamenle manle Gyɛlɔbowam nee Yizilayɛ ɛlɔnema ne lile akoatɔ wɔ Abaegya nee Dwuda ɛlɔnema anyunlu.

2 Edk 14:11

Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”

2 Edk 18:30

Selea belemgbunli ne ɛze ye safohyenlema mɔɔ nea ɛlɔnema mɔɔ fa ehwili ko la kɛ, “Bɛ nee awie biala mmako, kakula o, kpanyinli o, kɛ Yizilayɛ belemgbunli ne ala.”

2 Edk 18:32

ɔluakɛ mɔɔ safohyenlema ne nwunle kɛ tɛ Yizilayɛ belemgbunli ne a bɛdoa ye ndinlizo la, bɛgyakyile ye ɛvoanlɛ.

2 Edk 26:7

Nyamenle boale ye manle ɔlile Filisitiama nee Arelabema mɔɔ de Gɛbeeyale la, yɛɛ Mɛyunɛmma anwo zo konim.

Ɛzela Buluku ne 1:1

Mekɛ mɔɔ bɛkava Saelɛse bɛazie Pɛhyea Maanle Maanle Belemgbunli la, ɛnee Ɛdɛnkɛma ɛlua ye kpɔmanvolɛ Gyɛlɛmaya anwo zo ɛha edwɛkɛ bie ɛdo ɛkɛ. Zɔhane ati amaa edwɛkɛ ne ayɛ nɔhalɛ la, mɔɔ Saelɛse yɛle Pɛhyea Maanle Maanle Belemgbunli la, ye ɛvolɛ ne mɔɔ lumua la anu, Ɛdɛnkɛma hanle ye ahonle manle ɔvale edwɛkɛ ne ɔdole gua. Saelɛse manle bɛhɛlɛle edwɛkɛ ne wɔ ngɛlata zo bɛhɔle maanle maanle ne mɔ mɔɔ ɔsie bɛ la amuala anu. Edwɛkɛ ne se:

Ɛzela Buluku ne 7:27

Na Ɛzela zele kɛ, “Ayɛlɛyelɛ ɛha Ɛdɛnkɛma, yɛ nlenya mɔ Nyamenle ne. Yemaa Maanle Maanle Belemgbunli ne ahonle kpalɛ kɛ ɔli Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm la eni wɔ adenle zɛhae anu.

Nihɛmaya Buluku ne 1:11

O Awulae, gyele ɛ nzo tie wɔ sonvolɛ ye nzɛlɛlɛ, na tie wɔ sonvolɛma mɔɔ lɛ wɔ duma ne anwo ɛzulolɛ la nzɛlɛlɛ; maa saleɛ ɛdoa wɔ sonvolɛ na maa maanle maanle belemgbunli ne ɛnwu ye anwunvɔne ɛnɛ.” Mekɛ ne anu ɛnee mame a mesu belemgbunli ne nza a.

Edwɛndolɛ Buluku ne 118:13

Bɛtiale me kpole kpalɛ, asɛɛ mendɔle aze, noko Ɛdɛnkɛma boale me.

Edwɛndolɛ Buluku ne 34:7

Ɛdɛnkɛma soanvolɛ sinza bɛdabɛ mɔɔ bɛsulo ye la, na ɔdie bɛ ngoane.

Edwɛndolɛ Buluku ne 46:1

Nyamenle le yɛ ɛvealeka nee yɛ anwosesebɛ, yɛ mgbemgbene nu boavolɛ wɔ anwongyelelɛ nu.

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 56:10

Mewɔ Nyamenle ne, mɔɔ ye edwɛkɛ ti meye ye ayɛlɛ, Ɛdɛnkɛma, mɔɔ ye edwɛkɛ ti meye ye ayɛlɛ la anu.

Edwɛndolɛ Buluku ne 94:17

Saa Ɛdɛnkɛma amboa me a, anrɛɛ yeangyɛ biala na meahɔ mɔwuamra anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:10

Mɔɔ belemgbunli ne kpumgbunle bɛ na Yizilayɛma manle bɛ nye zo nwunle kɛ Yigyibitima ɛlɛba bɛ nwo zo la, ɛzulolɛ hanle bɛ. Yizilayɛma zunle vɛlɛle Ɛdɛnkɛma,

Mrɛlɛbulɛ Buluku ne 16:7

Saa sonla ndenle mɔɔ ɔlua nu la sɔ Ɛdɛnkɛma anye a, ɔmaa ye kpɔvolɛma bɔbɔ nee ye yɛ ko.

Mrɛlɛbulɛ Buluku ne 21:1

Belemgbunli biala adwenle le kɛ azudenle wɔ Ɛdɛnkɛma asa anu; ɛleka mɔɔ ɔkulo la yɛɛ ɔmaa ɔse ɔdua a.