2 Edk 18:26 - BAEBOLO ANZƐƐ BULUKU NWUANZANWUANZA

²⁶ na bɛha bɛhile bɛ kɛ, ‘Belemgbunli se bɛva sonla ɛhye bɛdo efiade na bɛmaa ye aleɛ mɔɔ ɛnza ye di nee nzule ekyi bie, kɔdwu kɛ menwɔzia menwɔra anzonudwolɛ nu la.’ ”

2 Edk 18:26 ပူးပေါင်းရင်းမြစ်များ

2 Edk 16:10

Belemgbunli Esa vale Nyamenle sonla ne anwo ɛya kpole kpalɛ wɔ mɔɔ ɔhanle la anwo, na ɔmanle bɛhyele ye, bɛdole ye efiade, na bɛbɔle ye kpanwu. Eza ɔvi mekɛ zɔhane anu ala, Belemgbunli Esa bɔle ɔ bo kɛ ɔyɛ menli ne bie mɔ asa.

2 Edk 18:15

Belemgbunli Ehabe zele ye kɛ, “Fane nyɛ yɛɛ menga mengile wɔ kɛ ɛha nɔhalɛ ne ala ɛhile me wɔ Ɛdɛnkɛma duma nu a?”

Edwɛndolɛ Buluku ne 10:5

Mekɛ biala ɔkpazi; wɔ ndɛnebualɛ ne, ɔnde ɔ bo; ɔmemaa ɔ nwo zo ɔkile ye kpɔvolɛma amuala.

Edwɛndolɛ Buluku ne 102:9

Wɔ ɛya kpole ne ati, nzonle ɛhakyi me aleɛ. Me nye monle twi gua me nzule nu, ɔluakɛ wɔmaa me zo na wɔvuandi me wɔdo.

Edwɛndolɛ Buluku ne 80:5

Wɔmaa bɛ nyane kɛ bɛli kɛ aleɛ, wɔmaa bɛ monle kɛ nzule kɛ bɛnlo bɛmaa ɔde bɛ.

Mrɛlɛbulɛ Buluku ne 14:16

Nrɛlɛbɛvolɛ nea boɛ na ɔtwe ɔ nwo ɔfi munzule nwo, na koasea ɛndwenle ɔ nwo, yɛɛ ɔle mgbaha.

Ayezaya Buluku ne 30:20

Awulae ɛlɛmaa bɛali nyane, bɛanwu amaneɛ bɔbɔ ɛdeɛ, bɛ Kilehilevolɛ ne ɛnrɛva ɔ nye ɛnrɛvea bɛ bieko. Bɛ nye banwu Kilehilevolɛ ne.

Gyɛlɛmaya Buluku ne 36:26

Akee belemgbunli ne manle ɔ ra nrenya Gyɛlamile, Azeleɛle ara nrenya Sɛlaya, yɛɛ Abedili ara nrenya Hyɛlimaya adenle kɛ bɛhye kɛlɛhɛlɛvolɛ Bɛlɛke nee Nyamenle Kpɔmanvolɛ Gyɛlɛmaya, na Ɛdɛnkɛma vale bɛ veale.

Gyɛlɛmaya Buluku ne 37:15

Mgbanyima ne mɔ vale Gyɛlɛmaya anwo ɛya kpole na bɛmanle bɛbole ye na bɛdole ye efiade wɔ kɛlɛhɛlɛvolɛ Dwɔnatan sua nu mɔɔ bɛva ɛkɛ ne bɛyɛ ɛleka mɔɔ bɛgua menli efiade la.

Edwɛkpa ne kɛmɔ Mateyu hɛlɛle la 12:24

Noko mɔɔ Falasiima ne dele ɛhye la bɛzele kɛ, “Mbɔnsam kpanyinli ne mɔɔ bɛfɛlɛ ye Biyɛlezɛbɛle la ala a maa ye tumi mɔɔ ɔfa ɔtu mbɔnsam a.”

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Luku hɛlɛle la 23:2

na bɛbɔle ɔ bo kɛ bɛtoɔdoa ye kɛ, “Yɛhyele nrenya ɛhye kɛ ɔlɛsɛkye yɛ menli ne mɔ adwenle, ɔse bɛmmatua adwule bɛmaa Maanle Maanle Belemgbunli ne na eza ɔkilehile kɛ ɔdaye mumua ne ɔle Kelaese, belemgbunli bie.”

Ɛzoanvolɛma Gyima ne 22:22

Menli ne mɔ diele Pɔɔlo toonwo na mɔɔ ɔhanle edwɛkɛ kpɔkɛ ɛhye la bɛ muala bɛ ahonle futule na bɛdeɛdeanle nu kɛ, “Bɛye ye wɔ ɛkɛ ne! Bɛhu ye! Ɔle musuofoɔ!”

Ɛzoanvolɛma Gyima ne 5:18

Yemɔti bɛdwazole ɛzoanvolɛma ne anwo zo na bɛhyele bɛ bɛguale efiade.

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

Mɛla 29:19

Bɛnlea na bɛ bie anva andu ɔ nwo kɛ, kɛmɔ yede ngyekyeleɛ ne anu edwɛkɛ la ati saa ɔyɛ anzosesebɛ a, ɔbava ɔ nwo dwɔɔ. Ɛhye ka awie biala, kpalɛ o, anzɛɛ ɛtane o.

Kɛlata mɔɔ bɛhɛlɛle bɛhɔmanle Hibuluma la 11:36

Bɛzile bie mɔ amgbu, bɛbole bɛ, yɛɛ bɛguale bie mɔ anga na bɛguale bɛ efiade.

Yekile 11:10

Menli mɔɔ wɔ azɛlɛ ye azo la bali fɛlɛko kɛ menli nwiɔ zɔhane ɛwu a. Bɛbali fɛlɛko, bɛ nye balie, na bɛava ahyɛlɛ ninyɛne bɛamaa bɛ nwo ngoko, ɔboalekɛ Nyamenle kpɔmanvolɛma nwiɔ zɔhane yɛle ngyegyelɛ kpalɛ manle aleɛabo amra amuala.

1 Sam 25:21

Ɛnee Devidi ɛlɛdwenle nwolɛ kɛ, “Na duzu ati bɔbɔ yɛɛ membɔle sonla zɔhane agyadeɛ ne anwo bane wɔ fienemgbole ne anu a? Ye debie sinli bɔbɔ amminli. Moalɛ kpole ɛhye mɔɔ menvale memboale ye la nwolɛ kakɛ mɔɔ yeva yedua me la ɛne.