23 Na Nyamenle kpɔmanvolɛ Zɛdikaya hɔnyikale Maekaya anwo zo, ɔbɔle ɔ nzo nu na ɔhanle kɛ, “Adenle boni azo a Ɛdɛnkɛma Sunsum ne luale gyakyile mame na ɔdendɛle ɔhilele wɔmɔ a?”
Na bɛ nuhua ko mɔɔ le Kɛneeyana ara Zɛdikaya vale bulalɛ yɛle mɛne na ɔhanle kɛ, “Ɛdɛnkɛma se, ‘Ɛbava ɛhye wɔaha Seleama wɔagua toonwo wɔabɔ bɛ bo zo bɔkɔɔ.’ ”
Maekaya buale ye kɛ, “Kenle mɔɔ ɛbanriandi wɔahɔvea wɔ sua ne akunlu ɛkɛ ne la, kenle ne yɛɛ ɛbanwu ye a.”
Na Pahyɛ manle bɛbole Nyamenle Kpɔmanvolɛ Gyɛlɛmaya na bɛbɔle ye kpanwu wɔ Ɛdɛnkɛma Ɛzonlenlɛ Sua ne Sɔlɔ Bɛngyaman Anlenkɛ Kpole ne anwo.
ɔmaa bɛbo ye bɛdua ye ɛzunlɛ, na ɔli ye aholoba ne ɔ kunlu.
Gyɛlusalɛm ɛlɔnema, bɛbɛza, na ɛlɔnema ɛbɛnra ɛyia yɛ. Bɛbava baka bɛabɔ Yizilayɛ belemgbunli ne anzo nu.
Sinzavolɛma ne mɔ bobɔle ɔ nzo nu. Bie mɔ totole nyɛlɛ ɔ nyunlu, bɛkyekyele ɔ nye, bɛwulowulale ye ahutuku na bɛbizale ye kɛ, “Nwane a bɔle wɔ a?”