2 Edk 18:21 - BAEBOLO ANZƐƐ BULUKU NWUANZANWUANZA

²¹ Na ɔbuale kɛ, ‘Mekɔ na meamaa ye Nyamenle kpɔmanvolɛma ne mɔ amuala abɔ adalɛ.’ Na Ɛdɛnkɛma zele ye kɛ, ‘Kɔbɛlɛbɛla ye na ɛ sa baha ye; kɔ na kɔyɛ ye zɔhane.’

2 Edk 18:21 ပူးပေါင်းရင်းမြစ်များ

2 Edk 18:19

Na Ɛdɛnkɛma bizale bɛ kɛ, ‘Nwane a kɛhɔ kɛhɔli Yizilayɛ Belemgbunli Ehabe adwenle, kɛmaa ɔkɛhɔ Releemɔto mɔɔ wɔ Geleade la, kɛmaa ɔkɛhɔ ɔkɛhɔho ɔkɛli akoatɔ a?’ Na mɔɔ ko ɛlɛka edwɛkɛ ɛhye la, ɛnee ko ɛlɛka bie gyɛne.

2 Edk 18:22

“Yemɔti nea, Ɛdɛnkɛma ɛmaa adalɛ sunsum ɛradwu wɔ Nyamenle kpɔmanvolɛma ɛhye mɔ amuala anwo zo kɛ bɛbɔ adalɛ bɛhile wɔ. Ɔdaye mumua ne yeha yedo ɛkɛ ne kɛ munzule ɛnyia wɔ.”

Dwobu Buluku ne 1:12

Na Ɛdɛnkɛma zele Seetan kɛ, “Nea, debie biala mɔɔ ɔlɛ la wɔ ɛ sa nu, noko mmafa ɛ sa ɛka Dwobu ɛleka biala fee.” Akee Seetan vi Ɛdɛnkɛma anyunlu ɛkɛ ne hɔle.

Dwobu Buluku ne 2:6

Na Ɛdɛnkɛma zele Seetan kɛ, “Ɔwɔ ɛ sa nu, na anrɛɛ mmafa ɛ sa ɛka ye ngoane ne.”

Edwɛndolɛ Buluku ne 109:17

Ɔhulole amowa; maa amowa ɛbu ɛzia ye! Yeangulo nyilalɛ; maa nyilalɛ ɛbɔ ye!

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

1 Dw 4:6

Na yɛmɛ yɛle Nyamenle menli. Awie biala mɔɔ ze Nyamenle la tie yɛ, yɛɛ awie biala mɔɔ ɛnle Nyamenle ɛdeɛ la ɛndie yɛ. Ɛhye yɛɛ maa yɛnwu nɔhalɛ sunsum ne nee adalɛ sunsum ne a.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 20:8

na ɔbahɔ yeahɔbɛlɛbɛla maanle maanle mɔɔ wɔ aleɛabo la amuala, meka Gɔgo nee Magɔgo, na ɔ nee bɛ ahɔ konle. Bɛ somaa bayɛ kɛ ɛnweazo anwea.

Maanlebuvolɛma Buluku ne 9:23

Na Nyamenle manle mgbonde dɔle Abemɛlɛke nee Hyikɛm amra avinli na bɛdele Abemɛlɛke anwo atua.