2 Edk 18:2 - BAEBOLO ANZƐƐ BULUKU NWUANZANWUANZA

² Mekɛ guale nu la ɔhɔle kɛ ɔkakpɔla Ehabe wɔ Samɛlea. Ehabe noko hunle mboane nee nlankɛ dɔɔnwo zonle Gyɛhɔhyafate nee ye menli mɔɔ ɔ nee bɛ rale la ɛyɛvolɛ, na ɔlile ye adwenle kɛ ɔmaa bɛhɔteta Releemɔto mɔɔ wɔ Geleade la.

2 Edk 18:2 ပူးပေါင်းရင်းမြစ်များ

1 Arl 1:9

Kenle ko bie Adonaegya hunle nlankɛ nee mboane nee nyɛmoa ngakyile mɔɔ ɛlɔ la na ɔvale ɔbɔle azu wɔ Nwɔlɛ Bolɛ ne mɔɔ zua Ɛnlogɛle la azo. Ɔdole ɛsalɛ ɔvɛlɛle ɔ mediema mɔɔ le belemgbunli amra mrenya ne mɔ nee belemgbunli mbɔlɔba mgbanyinli mɔɔ wɔ Dwuda la amuala.

1 Arl 17:7

Na kɛmɔ ɛnee ezule ɛndɔ la ati, yeandwu mekɛ biala yɛɛ azule ne sesanle a.

1 Arl 4:13

Bɛngibɛ: ɔnea suakpole Releemɔto mɔɔ wɔ Geleade la nee Geleade namunamu mɔɔ wɔ Manasɛ anlɔnra Gyeyɛɛ abusua ne azɛlɛ zo la. Eza ɔnea Aagɔbo maanzinli ne mɔɔ wɔ Beehyan la. Bɛle azuamgbole abulasia mɔɔ bɛlie nwolɛ bane na bɛfa mbulalɛ bɛgua bɛ nlenkɛ mgbole ne mɔ anzi bɛtoto nu a.

2 Arl 9:1

Yilaehya vɛlɛle Nyamenle kpɔmanvolɛma asa azo ne mɔ anu ko na ɔzele ye kɛ, “Boɔboa ɛ nwo na fa nwole toba ko ye kɔ Releemɔto mɔɔ wɔ Geleade maanle nu la.

2 Edk 18:3

Belemgbunli Ehabe zele Dwuda Belemgbunli Gyɛhɔhyafate kɛ, “Kɛ ɔde ɛ, ɛ nee me kɛhɔ ɛkɛmaa yɛkɛhɔteta Releemɔto mɔɔ wɔ Geleade la ɔ?” Gyɛhɔhyafate buale kɛ, “Medame a le ɛdawɔ. Me menli le wɔ menli. Yɛ nee wɔ kɛhɔ konle ne.”

2 Edk 19:2

Na Nyamenle sonla Gyihu, mɔɔ le Haneenae ara ne, hɔyiale ye na ɔbizale belemgbunli ne kɛ, “Asoo ɛnea a ɛnee ɔle kpalɛ kɛ ɔwɔ kɛ ɛboa amumuyɛma na ɛkɛhulo menli mɔɔ kyi Ɛdɛnkɛma la ɔ? Ɔlua ɛhye ati, Ɛdɛnkɛma ɛva ɛ nwo ɛya.

Nihɛmaya Buluku ne 13:6

Mekɛ mɔɔ ɛhye mɔ ɛlɛkɔ zolɛ la, ɛnee menle Gyɛlusalɛm, ɔboalekɛ mɔɔ Atazɛzɛse lile ɛvolɛ abulasa nee nwiɔ wɔ Babelɔn belemgbunli ebia ne azo la, ɛnee mehɔ mekadu me kolakola meahile ye. Mekɛ guale nu ekyii la menzɛlɛle ye adenle menziale membale Gyɛlusalɛm.

Mɛla 4:43

Azuamgbole ne mɔ a lɛ Bizɛ mɔɔ wɔ fienemgbole ne anu azɛlɛ sɛsɛ ne azo la; ɛke a Wulubɛnema bie mɔɔ ɛnzuzu na ɔkɛhu sonla la nriandi kɔfea a. Gaadema suakpole ɛvealeka a le Releemo mɔɔ wɔ Geleade la, yɛɛ Manasɛma suakpole ɛvealeka a le Golan mɔɔ wɔ Beehyan la.

Dwɔhyua Buluku ne 20:8

Wɔ Dwɔdan Aduduleɛ noko, bɛvale Bizɛ mɔɔ wɔ Wulubɛn azɛlɛ zo wɔ ɛsɛlɛ ne mɔɔ wɔ Gyɛleko aduduleɛ la, Releemɔto mɔɔ wɔ Geleade mɔɔ wɔ Gaade azɛlɛ zo la, yɛɛ Golan mɔɔ wɔ Beehyan mɔɔ wɔ Manasɛ azɛlɛ zo la.