2 Edk 18:13 - BAEBOLO ANZƐƐ BULUKU NWUANZANWUANZA

¹³ Maekaya zele ye kɛ, “Meka tease Ɛdɛnkɛma kɛ, mɔɔ me Nyamenle ne kɛva kɛmaa me la, yemɔ ala yɛɛ mebaha a.”

2 Edk 18:13 ပူးပေါင်းရင်းမြစ်များ

1 Arl 22:14

Maekaya buale kɛ, “Meka tease Ɛdɛnkɛma kɛ, nrɛlaleɛ mɔɔ Ɛdɛnkɛma kɛva kɛmaa me la ala a mebaha a.”

2 Edk 18:12

Akee ahenle mɔɔ bɛzoanle ye kɛ ɔhɔva Maekaya la zele ye kɛ, “Ayi, Nyamenle kpɔmanvolɛma ne mɔ amuala anloa ɛyɛ ko, bɛbɔ saleɛ bɛmaa belemgbunli ne. Ɛdawɔ noko maa ɛ nloa nee bɛ ɛdeɛ ne ɛyɛ ko.”

2 Edk 18:14

Maekaya radwule belemgbunli ne anyunlu ɛkɛ ne la, Belemgbunli Ehabe bizale ye kɛ, “Maekaya, yɛhɔ Releemɔto mɔɔ wɔ Geleade la yɛhɔdoa menli ne yɛ nee bɛ ɛhɔho, anzɛɛ mengyakyi?” Maekaya buale kɛ, “Bɛhɔ na bɛhɔli konim; bɛbaye bɛ bɛamaa bɛ.”

Gyɛlɛmaya Buluku ne 23:28

Nyamenle kpɔmanvolɛma mɔɔ ka ɛlalɛ la ɛha bɛ ɛlalɛ ne, na Nyamenle kpɔmanvolɛ mɔɔ ka me nrɛlaleɛ ne la ɛha me nrɛlaleɛ ne nɔhalɛ nu.” Ɛdɛnkɛma ɛlɛbiza kɛ, “Ɛhonle fa ye nienwu a nee awule sɛ a?”

Gyɛlɛmaya Buluku ne 42:4

Na Gyɛlɛmaya buale bɛ kɛ, “Mede, bɛnlea, mebazɛlɛ Ɛdɛnkɛma bɛ Nyamenle ne meamaa bɛ, kɛmɔ bɛbiza la, na edwɛkɛ biala mɔɔ ɔkɛze kɛ menga mengile bɛ la, mebamaa bɛade; menrɛvea bɛ edwɛkɛ mɔɔ ɔkɛha la biala anu.”

Yizikeɛle Buluku ne 2:7

Saa bɛtie wɔ anzɛɛ bɛkpo kɛ bɛnrɛdie wɔ bɔbɔ a, ka me edwɛkɛ ne kile bɛ, ɔluakɛ bɛle menli mɔɔ ɛde atua a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:35

Na Nyamenle soanvolɛ ne hanle kɛ, “Ɛ nee menli ne ɛhɔ, na mɔɔ menwɔha menwɔhile wɔ la, yemɔ ala a ka a.” Yemɔti Beelam nee menli ne hɔle.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:12

Beelam buale ye kɛ, “Mɔɔ Ɛdɛnkɛma kɛha kɛhile me la, yɛɛ meka a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:26

Beelam buale ye kɛ, “Meanga meangile wɔ kɛ mɔɔ Ɛdɛnkɛma kɛha la, yemɔ ala a mebaha a?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:13

kanza ɛfa dwɛtɛ fufule nee ezukoa nvutuke kɔsɔɔti mɔɔ wɔ wɔ suakunlu ɛkɛ ne la ɛmaa me a, menrɛdu Ɛdɛnkɛma anloa menrɛdo na menrɛyɛ mɔɔ medame mekulo la. Mɔɔ Ɛdɛnkɛma kɛha kɛhile me la, yemɔ ala yɛɛ mebaha a.”

Ɛzoanvolɛma Gyima ne 20:27

Ɔluakɛ meanva debie biala mɔɔ fane Nyamenle ngyehyɛlɛ ne anwo la meanvea bɛ.

1 Kɔl 11:23

Ngilehilelɛ ne mɔɔ menyianle ye menvile Awulae lɔ la a menvale memanle bɛ a, yemɔ a le kɛ, nɔe ne mɔɔ bɛyele Awulae Gyisɛse bɛmanle la, ɔvale kpanwo,

2 Kɔl 2:17

Yɛmɛ, yɛnle kɛ menli mɔɔ fa Nyamenle edwɛkɛ ne si kongo la, ɔboalekɛ Nyamenle a ɛzoa yɛ a, yɛɛ yɛgyinla ɔ nyunlu yɛtendɛ kɛ Kelaese sonvolɛma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:10

Ɛnee ɔyɛ bɛ kɛ kɛkala akee mekpondɛ menli nganvolɛ, anzɛɛ Nyamenle nganvolɛ ɔ? Anzɛɛ mekpondɛ me nyunlu wɔ menli nu ɔ? Kyɛkyɛ! Saa mekpondɛ me nyunlu wɔ menli nu a, ɛnee menle Kelaese akɛlɛ.

1 Tɛs 2:4

Mɔɔ yɛyɛle la a le kɛ dahuu yɛtendɛ, kɛmɔ Nyamenle kpondɛ kɛ yɛtendɛ la, ɔboalekɛ yemaa yɛzɔ ɔ nye na yeva ye Edwɛkpa ne yewula yɛ sa nu. Ɛhye ati yɛmbɔ mɔdenle kɛ yɛsɔ menli nye. Nyamenle mɔɔ ze yɛ ahonle nu la yɛɛ yɛkulo kɛ yɛsɔ ɔ nye a.