10 Na bɛ nuhua ko mɔɔ le Kɛneeyana ara Zɛdikaya vale bulalɛ yɛle mɛne na ɔhanle kɛ, “Ɛdɛnkɛma se, ‘Ɛbava ɛhye wɔaha Seleama wɔagua toonwo wɔabɔ bɛ bo zo bɔkɔɔ.’ ”
Zɔhane nrɛlaleɛ ne ala a Nyamenle kpɔmanvolɛma mɔɔ hale la hanle a. Bɛzele ye kɛ, “Nana, kɔ Releemɔto mɔɔ wɔ Geleade la kɔli konim. Ɛdɛnkɛma baye suakpole ne amaa Nana somaa.”
Akee Yizilayɛ belemgbunli ne nee Dwuda Belemgbunli Gyɛhɔhyafate zieziele bɛ nwo na bɛhɔdɛnlanle aze wɔ suakpole ne anlenkɛ kpole ne mɔɔ bɛfɛlɛ ye Samɛlea la anloa, ɛleka mɔɔ bɛwozo ma ne la. Nyamenle kpɔmanvolɛma ne mɔ amuala rahanle Nyamenle nrɛlaleɛ ne hilele bɛ.
“Medame Tumivolɛ Ɛdɛnkɛma, Yizilayɛ Nyamenle ne, meha ɛhye noko wɔ Kolaya ara nrenya Ehabe nee Meeyasaya ara nrenya Zɛdikaya mɔɔ ɛlɛfa me duma aha adalɛ Nyamenle nrɛlaleɛ la anwo. Mese, bɛnlea, mebaye bɛ meamaa Babelonia Belemgbunli Nɛbukadenɛza, na ɔbahu bɛ wɔ bɛdabɛ bɛ nye zo.