2 Edk 17:9 - BAEBOLO ANZƐƐ BULUKU NWUANZANWUANZA

⁹ Bɛvale Ɛdɛnkɛma Mɛla Buluku ne bɛhɔle na bɛhilehilele wɔ Dwuda maanle ne anu amuala. Bɛhɔle Dwuda suakpole biala azo na bɛhilehilele menli ne.

2 Edk 17:9 ပူးပေါင်းရင်းမြစ်များ

2 Edk 15:3

Mekɛ tendenle mɔɔ ɛraze ɛhɔ la ɛnee Yizilayɛma ɛnzonle nɔhalɛ Nyamenle ne. Bɛnlɛ sɛlɛvolɛma mɔɔ kilehile bɛ a, yɛɛ bɛnlɛ mɛla.

2 Edk 19:8

Eza Gyɛhɔhyafate yeyele Livaema, nee sɛlɛvolɛma bie mɔ, yɛɛ Yizilayɛ mbusua mgbanyinli ne bie mɔ kɛ bɛyɛ ndɛnebuavolɛma wɔ Gyɛlusalɛm, bɛli menli mɔɔ kɛvo Nyamenle Mɛla ne la edwɛkɛ na bɛziezie kpolera biala mɔɔ kɛdɔ bɛ avinli la.

2 Edk 35:3

Akee ɔzele Livaema ne mɔɔ bɛmɛ bɛle menli mɔɔ bɛ nwo te wɔ Ɛdɛnkɛma anyunlu, na bɛkilehile Yizilayɛma la kɛ, “Bɛva Ɛdɛnkɛma Ngyekyeleɛ Ɛlɛka nwuanzanwuanza ne bɛzie sua ne mɔɔ Yizilayɛ Belemgbunli Devidi ara Sɔlɔmɔn zile la anu. Ɔngyia kɛ bɛkɛzoa ye bɛ kɔme zo bieko. Akee bɛbɔ mɔdenle bɛzonle Ɛdɛnkɛma bɛ Nyamenle ne nee ye menli Yizilayɛma amuala.

Nihɛmaya Buluku ne 8:7

Akee bɛdwazole bɛgyinlanle bɛ bo zo ne mɔ. Na Livaema ɛhye mɔ: Gyɛhyua, Beenae, Hyɛlibaya, Gyeemen, Akɛbe, Hyabɛtae, Hodaya, Meeyasaya, Kɛlaeta, Azalaya, Dwozabade, Heenan yɛɛ Pɛlaya hilehilele Mɛla ne mɔ anu hilele bɛ.

Ayezaya Buluku ne 8:20

Bɛdie mɔɔ Ɛdɛnkɛma ɛlɛka la na bɛli ye ngilehilelɛ zo! Nɔhalɛ, edwɛkɛ ɛhye mɔɔ bɛka la aleɛ ɛnrɛhye zo.

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Edwɛkpa ne kɛmɔ Mateyu hɛlɛle la 10:23

Saa bɛyɛ bɛ kpɔdekpɔde wɔ sua ko azo a, bɛnriandi bɛhɔ mɔɔ doa ye la azo. Na meka meahile bɛ kɛ bɛnrɛwie Yizilayɛ azua ne mɔ amuala azo kɔ na Sonla Ra ne ara.

Edwɛkpa ne kɛmɔ Mateyu hɛlɛle la 11:1

Mɔɔ Gyisɛse wiele ye ɛdoavolɛma bulu nee nwiɔ ne folɛ tu la, ɔvi ɛkɛ ne ɔhɔle na ɔhɔhilehilele, ɔhanle Edwɛkpa ne wɔ azua mɔɔ zuozua ɛkɛ ne la azo.

Dw 5:39

Bɛmɛ, bɛsukoa Nyamenle Edwɛkɛ ne, ɔluakɛ bɛdwenle kɛ nuhua yɛɛ bɛkɛnwu ngoane mɔɔ ɛnlɛ awieleɛ ne a. Nyamenle Edwɛkɛ mumua ne ɔdaye ɔka me nwo edwɛkɛ.

Dw 5:46

Saa bɛliele Mosisi bɛlile a anrɛɛ bɛlie medame noko bɛli; ɔboalekɛ ɔhɛlɛle me nwo edwɛkɛ.

Ɛzoanvolɛma Gyima ne 13:15

Bɛwiele Mosisi mɛla ne nee Nyamenle kpɔmanvolɛma edwɛkɛ ne kenga la, nyianu sua ne mgbanyima ne dole ɛsalɛ vɛlɛle bɛ kɛ, “Mediema, saa bɛlɛ edwɛkɛ fɛlɛko bie mɔɔ maa anwosesebɛ la a ɛnee bɛha bɛmaa menli ne ɛdie bie.”

Ɛzoanvolɛma Gyima ne 15:21

Ɔluakɛ Mosisi mɛla ne, bɛkenga ye Ɛnwomenlelielɛ Kenle biala wɔ nyianu azua ne mɔ anu, yɛɛ ɔ nloa edwɛkɛ noko bɛbɔ ye nolo wɔ sua biala azo.”

Ɛzoanvolɛma Gyima ne 28:23

Na bɛ nee Pɔɔlo hilele kenle. Kenle ne dwule la, menli dɔɔnwo rayiale ɛleka mɔɔ Pɔɔlo de la. Na ɔhanle Nyamenle Belemgbunlililɛ ne anwo edwɛkɛ ɔhilehilele nu ɔhilele bɛ, na ɔbɔle mɔdenle kɛ ɔmaa bɛalie Gyisɛse anwo edwɛkɛ ne mɔɔ Nyamenle kpɔmanvolɛma nee Mosisi mɛla ne ka la bɛali. Ɔdendɛle ɛhye anwo ɔvi nwonlomɔ mangyee ne toonwo aledwolɛ.

Ɛzoanvolɛma Gyima ne 8:40

Felepe hɔvindele Azotɛse na ɔhɔkpɔsale namunamu ne mɔ anu ɔhanle Edwɛkpa ne toonwo ɔradwule Sizalia.

Wulo 3:2

Nɔhalɛ bɔkɔɔ, wɔ adenle biala azo! Ɔboalekɛ alumua ne, bɛmɛ yɛɛ Nyamenle vale ye ngilehilelɛ ne wulale bɛ sa nu a.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.