2 Edk 17:3 - BAEBOLO ANZƐƐ BULUKU NWUANZANWUANZA

³ Ɛdɛnkɛma nee Gyɛhɔhyafate luale, ɔboalekɛ ɔbɔle ɔ ze Esa ɛbɛla ne mɔɔ ɔlumuale ɔbɔle la bie, yeandoa bozonle Beeyale ne mɔ abo zo.

2 Edk 17:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:21

Na ɛnee Ɛdɛnkɛma nee Dwosefi lua. Ɔhilele ɛhulolɛ dɔɔnwo wɔ ɔ nwo, na ɔmanle ɔzɔle nrenya ne mɔɔ nea pilizama ne mɔ anwo zo la anye.

2 Sam 5:10

Akee Devidi anwo yɛle ɛzulolɛ kpole kpalɛ, ɔboalekɛ Tumivolɛ Ɛdɛnkɛma Nyamenle ne nee ye lua.

2 Sam 8:15

Yemɔti Devidi ziele Yizilayɛ maanle ne kɔsɔɔti. Ɔvale nɔhalɛlilɛ nee pɛlepɛlelilɛ ɔziele menli ne.

1 Arl 11:6

Sɔlɔmɔn yɛle ɛtane tiale Ɛdɛnkɛma; yeanli Ɛdɛnkɛma anzi nɔhalɛ nu, kɛmɔ ɔ ze Devidi yɛle la.

1 Arl 22:43

Gyɛhɔhyafate vale ɔ ze Esa agyakɛ. Yeandwe ɔ nwo yeanvi mɔɔ ɔ ze yɛle la anwo. Ɔyɛle mɔɔ sɔ Nyamenle anye la, noko yeambubu awozonle azua ne mɔ biala. Yemɔti menli hɔle zolɛ kpunle ɛyɛlɛ na bɛbɔle azu ɛkɛ ne.

1 Arl 3:3

Sɔlɔmɔn lile ɔ ze Devidi mɛla zo, ɔhulole Ɛdɛnkɛma na ɔdoale ɔ bo zo, noko ɔbɔle azu wɔ azukponle ngakyile zo.

2 Arl 14:3

Ɔyɛle mɔɔ sɔ Ɛdɛnkɛma anye la, noko yeanwie ɔ nlenya Devidi agyakɛ fa. Ɔyɛle mɔɔ ɔ ze Dwowahye yɛle la bie.

2 Arl 16:2

Ɔlile ɛvolɛ abulanwiɔ la yɛɛ ɔbɔle ɔ bo kɛ ɔdi belemgbunli a. Ɔdɛnlanle Gyɛlusalɛm ɔlile belemgbunli ɛvolɛ bulu nee nsia. Yeanva ɔ nlenya Devidi agyakɛ; ɛhye ati ɔyɛle ɛtane ɔtiale Ɛdɛnkɛma ye Nyamenle ne.

2 Arl 18:3

Ɔvale ɔ nlenya Devidi agyakɛ na ɔzɔle Ɛdɛnkɛma anye.

2 Arl 22:2

Dwosaya yɛle mɔɔ sɔ Ɛdɛnkɛma anye la. Ɔvale ɔ nlenya Devidi agyakɛ na ɔlile Nyamenle Mɛla ne mɔ azo kpalɛ kpalɛ.

1 Edk 22:18

Ɔzele bɛ kɛ, “Ɛdɛnkɛma bɛ Nyamenle ne nee bɛ ɛlua na yemaa bɛ anzonudwolɛ wɔ adenle biala anu. Yemaa meli menli mɔɔ anrɛɛ de azɛlɛ ye azo la amuala anwo zo konim, na kɛkala bɛwɔ bɛdabɛ nee Ɛdɛnkɛma abo.

2 Edk 14:11

Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 17:2

Ɔvale ɛlɔnema ɔhɔguale azuamgbole mɔɔ bɛbɔ nwolɛ bane wɔ Dwuda la amuala azo. Ɔvale ɛlɔnema ekpunli ekpunli ɔkpondenle Dwuda maanle ne anu yɛɛ Yifelaem azuamgbole mɔɔ Belemgbunli Esa honle vale bɛ la azo.

2 Edk 17:4

Ɔzonlenle ɔ ze mɔ Nyamenle ne na ɔlile ye mɛla ne mɔ azo. Yeanyɛ ye kɛmɔ Yizilayɛma yɛle la.

2 Edk 20:32

Ɔvale ɔ ze Esa agyakɛ na ɔbɔle ɛbɛla mɔɔ ɔ ze bɔle la bie; yeangakyi ye nyɛleɛ, na ɔyɛle mɔɔ sɔ Ɛdɛnkɛma anye la.

2 Edk 21:12

Nyamenle kpɔmanvolɛ Yilaegya manle bɛvale kɛlata bɛrɛlɛle Belemgbunli Gyɛhɔlam kɛ, “Ɛdɛnkɛma, ɛ ze Devidi Nyamenle ne se, ‘Kɛmɔ wɔanva ɛ ze Gyɛhɔhyafate anzɛɛ Dwuda Belemgbunli Esa agyakɛ,

2 Edk 22:9

Ɔmanle bɛkpondɛle Ehazaya ɔdaye mumua ne toonwo bɛhɔnwunle ye kɛ ɔvea Samɛlea, na bɛhyele ye bɛrɛlɛle Gyihu na bɛhunle ye. Ɔ nlenya Gyɛhɔhyafate, mɔɔ vale ye ahonle muala zonlenle Ɛdɛnkɛma la ati, bɛziele ye. Na ɛnee akee awie biala ɛnle Ehazaya sua nu mɔɔ sie Dwuda maanle ne a.

2 Edk 27:6

Dwotam anwo yɛle ɛzulolɛ, ɔboalekɛ ɔdiele Ɛdɛnkɛma ye Nyamenle ne ane.

2 Edk 29:2

Ɔvale ɔ nlenya Devidi agyakɛ, ɔyɛle mɔɔ sɔ Ɛdɛnkɛma anye la.

2 Edk 34:2

Ɔyɛle mɔɔ sɔ Ɛdɛnkɛma anye la, na ɔvale ɔ ze Devidi agyakɛ. Yeangyea ɔ nye yeangɔ fema anzɛɛ bɛne zo.

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 46:7

Tumivolɛ Nyamenle ne nee yɛ de; Gyekɔbo Nyamenle ne le yɛ ɛvealeka.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:12

Nyamenle zele ye kɛ, “Me nee wɔ balua, na ɛhye bayɛ sɛkɛlɛneɛ amaa wɔ kɛ medame a mezoa wɔ a. Mekɛ mɔɔ ɛ nee menli ne kɛvi Yigyibiti la, bɛbarazonle Nyamenle wɔ boka ɛhye azo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:12

Yemɔti kɔ na mebade ɛ nloa na meahilehile wɔ mɔɔ ɛbaha la.”

Ayezaya Buluku ne 41:10

Bɛmmasulo, ɔluakɛ me nee bɛ lua; bɛmmamaa bɛ ahonle tu, medame a mele bɛ Nyamenle a. Mebamaa bɛ anwosesebɛ, mebaboa bɛ, mebava me konimlilɛ tumi ɛsalɛ ne meazɔ bɛ.

Ayezaya Buluku ne 8:10

Bɛyia nu bɛva adwenle, noko ɔnrɛyɛ boɛ; bɛbɔ nu bɛbɔ kpɔkɛ, noko ɔnrɛyɛ boɛ, ɔluakɛ Nyamenle nee yɛ de.

Gyɛlɛmaya Buluku ne 2:23

Kɛ bɛkɛzi bɛkɛhola bɛkɛha kɛ, ‘Evinli ɛtɛkanle yɛ, yɛtɛsonlenle awozonle Beeyale ne mɔ’ ɛ? Bɛnlea bɛ ndenle mɔɔ bɛluale nu wɔ bɔnza ne anu, na bɛnwu mɔɔ bɛyɛ la. Bɛle kɛ afunlumu kokonyinli mɔɔ ɛde nyɛma, na ɔlɛdi ahyimango la,

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 18:20

Ɔluakɛ ɛleka biala mɔɔ menli nwiɔ anzɛɛ nsa kɛyia nu wɔ me duma nu la, ɛnee mewɔ bɛ avinli ɛkɛ ne bie.”

Edwɛkpa ne kɛmɔ Mateyu hɛlɛle la 25:16

Sonvolɛ ne mɔɔ bɛmanle ye nzunza apenle nnu ne la vale ye ɛdeɛ ne hɔlile gua na ɔnyianle nzunza apenle nnu nvasoɛ wɔ nwolɛ.

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

2 Tem 4:22

Awulae nee wɔ sunsum ɛdɛnla. Nyamenle ɛlo bɛ muala.

Dwɔhyua Buluku ne 1:5

Awie biala ɛnrɛhola ɛnrɛli ɛ nwo zo konim wɔ mekɛ mɔɔ ɛde aze la. Me nee wɔ balua, kɛmɔ me nee Mosisi luale la. Menrɛye ɛ rɛle menrɛdo ɛ sa nu yɛɛ menrɛkpo wɔ ɛlɛ.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”

Maanlebuvolɛma Buluku ne 2:11

Yizilayɛma bɔle munzule ɛbɛla tiale Ɛdɛnkɛma. Bɛkpole Ɛdɛnkɛma, mɔɔ le bɛ ze mɔ Nyamenle ne, mɔɔ yele bɛ vile Yigyibiti azɛlɛ zo la, na bɛzonlenle awozonle Beeyale ne mɔ. Bɛlile nyamenle gyɛne bie mɔ anzi, bɛzonlenle menli mɔɔ ɛbɔ bɛ ɛyia la nyamenle ne mɔ. Bɛbɔle bɛ ti aze bɛmanle bɛ, na Ɛdɛnkɛma vale ɛya kpole.

Maanlebuvolɛma Buluku ne 2:18

Mekɛ biala mɔɔ Ɛdɛnkɛma kɛmaa bɛ sonla kɛ ɔli bɛ ti la, ɔ nee ye dua na ɔdie Yizilayɛma ɔfi bɛ kpɔvolɛma asa anu, wɔ mekɛ mɔɔ ahenle mɔɔ li bɛ ti la de aze la. Ɔluakɛ ɔyɛ na bɛkile bɛ nyane nee abodelɛ na bɛse kɛ bɛsu a ɛnee ɔyɛ Ɛdɛnkɛma alɔbɔlɛ.

Maanlebuvolɛma Buluku ne 6:12

Na Ɛdɛnkɛma soanvolɛ ne yele ɔ nwo hilele ye na ɔzele ye kɛ, “Nrenya katakyie, Ɛdɛnkɛma nee wɔ lua.”

Maanlebuvolɛma Buluku ne 8:33

Gedɛyɔn wule ala la yɛɛ Yizilayɛma ati hakyile bieko a. Bɛkpole Nyamenle na bɛzonlenle Beeyale ne mɔ na bɛvale Beeyale-bilete bɛyɛle bɛ nyamenle.

1 Sam 18:12

Sɔɔlo sulo Devidi kpole, ɔluakɛ Ɛdɛnkɛma Sunsum ne ɛva Devidi na Sɔɔlo ɛdeɛ ne ɛvi ɔ nwo.

1 Sam 18:14

na ɔlile bɛ muala anu konim, ɔluakɛ Ɛdɛnkɛma nee ye lua.

1 Sam 18:5

Ɛzoanlɛ nee gyima biala mɔɔ Sɔɔlo vale manle Devidi la, ɔyɛle bɛ muala gyɛlɛɛnye; yemɔti Sɔɔlo yɛle ye safohyenle wɔ ye ɛlɔne ne anu. Awie biala, bɔbɔ Sɔɔlo sonvolɛma ne akunlu dwole fɔɔnwo wɔ Devidi gyinlabelɛ ne anwo.