2 Edk 17:17 - BAEBOLO ANZƐƐ BULUKU NWUANZANWUANZA

¹⁷ Wɔ Bɛngyaman maanzinli nu, nrenya katakyie Yilayada a le safohyenle kpanyinli a, ɔnea ɛlɔnema apenle ngoko ɛya nwiɔ mɔɔ ze ɛda to na bɛdedɛ enyinlike la anwo zo.

2 Edk 17:17 ပူးပေါင်းရင်းမြစ်များ

1 Edk 7:11

Ɛhye mɔ amuala le Gyɛdeyeeyɛle abo zo amra kɛmɔ bɛ ze mɔ abusua ɛlɔnwɔne ne mɔ de la. Bɛlɛ ɛlɔnema apenle ngoko bulu nee nsuu, ɛya nwiɔ mɔɔ kola kɔ konle nloa a.

2 Edk 14:7

Na ɔzele Dwudama kɛ, “Bɛmaa yɛkyekye azuamgbole ɛhye mɔ na yɛlie nwolɛ bane yɛyia, yɛmaa bɛ nlenkɛ mgbole mɔɔ mbulalɛ gugua bɛ nzi, na yɛsisi tawa mɔɔ bɛgyinla zolɛ bɛsinza la. Azɛlɛ ye tɛde yɛ ɛdeɛ, ɔboalekɛ yɛyɛ mɔɔ Ɛdɛnkɛma yɛ Nyamenle ne kpondɛ la. Yɛyɛ mɔɔ ɔkpondɛ la, yɛɛ ɔdaye noko yemaa yɛ anzonudwolɛ.” Yemɔti bɛkyekyele azuamgbole ne mɔ na bɛkpazile.

2 Edk 14:8

Ɛnee Esa lɛ ɛlɔnema apenle ngoko ɛya nsa mɔɔ vi Dwuda a. Bɛlɛ bɛ sa nu enyinlike nee atwɛ, yɛɛ Bɛngyaman maanzinli nu amra apenle ngoko ɛya nwiɔ abulatwɛ mɔɔ bɛdabɛ noko bɛdedɛ atwɛ nee bɛ sa nu enyinlike nee ɛda a. Bɛ muala bɛ ze konle nye zo kpalɛ.

2 Edk 17:16

yɛɛ mɔɔ tɔ zo nsa la a le Zekelae ara Amasaya (mɔɔ ɛdu ɔ nwo ɛmaa kɛ ɔsonle Ɛdɛnkɛma la). Ɔnea ɛlɔnema apenle ngoko ɛya nwiɔ mɔɔ ze ko kpalɛ la anwo zo.

2 Edk 17:18

Mɔɔ doa ye la a le Gyɛhozabade, ɔlɛ ɛlɔnema apenle ngoko ɛya ko abulatwɛ mɔɔ konle ti bɛboɔboa bɛ nwo bɛwie la.