2 Edk 16:8 - BAEBOLO ANZƐƐ BULUKU NWUANZANWUANZA

⁸ Na ɛnee Sudan nee Lebeya ɛnlɛ ɛlɔnema pemgbenleamgbe nee konle ehwili yɛɛ menli mɔɔ ka mgbɔnwɔ la dɔɔnwo ɔ? Noko kɛmɔ ɛvale ɛ rɛle ɛwulale Ɛdɛnkɛma nu la, ɔyele bɛ ɔmanle wɔ.

2 Edk 16:8 ပူးပေါင်းရင်းမြစ်များ

2 Edk 12:3

Ɔvale ɛlɔnema mɔɔ ka konle ehwili la apenle ko ɛya nwiɔ yɛɛ ɛlɔnema mɔɔ ka mgbɔnwɔ la apenle ngoko abulasia a ɔrale a. Na menli mɔɔ ɔ nee bɛ vi Yigyibiti rale: Lebeyama, Sɛkema, nee Sudanema, bɛmɛ, awie ɛnze bɛ nloa.

2 Edk 13:16

Yizilayɛ ɛlɔnema ne guale ɛbɔ nu, na Nyamenle yele bɛ manle Dwudama.

2 Edk 13:18

Yemɔti Dwuda lile Yizilayɛma anwo zo konim kenle ko ne, ɔboalekɛ bɛvale bɛ rɛle bɛwulale Ɛdɛnkɛma, bɛ ze mɔ Nyamenle ne anu.

2 Edk 14:8

Ɛnee Esa lɛ ɛlɔnema apenle ngoko ɛya nsa mɔɔ vi Dwuda a. Bɛlɛ bɛ sa nu enyinlike nee atwɛ, yɛɛ Bɛngyaman maanzinli nu amra apenle ngoko ɛya nwiɔ abulatwɛ mɔɔ bɛdabɛ noko bɛdedɛ atwɛ nee bɛ sa nu enyinlike nee ɛda a. Bɛ muala bɛ ze konle nye zo kpalɛ.

2 Edk 16:7

Mekɛ zɔhane anu ala, Nyamenle sonla Haneenae rale Dwuda Belemgbunli Esa ɛkɛ ne razele ye kɛ, “Kɛmɔ ɛvale ɛ rɛle ɛwulale Selea belemgbunli ne anu na wɔanva ɛ rɛle wɔanwula Ɛdɛnkɛma wɔ Nyamenle ne anu la ati, Selea belemgbunli ne ɛlɔnema ɛnriandi wɔ ɛwie ala ɛne.

2 Edk 24:24

Ɛnee Selea ɛlɔnema ne anwo le ekyi bɔbɔ ɛdeɛ, noko bɛrale la, Ɛdɛnkɛma yele Dwuda ɛlɔnema ɛwolaa ne manle bɛlile bɛ nwo zo konim, ɔboalekɛ Dwudama ɛkpo Ɛdɛnkɛma, bɛ ze mɔ Nyamenle ne. Ɛnee adenle mɔɔ Ɛdɛnkɛma luale zo deanle Dwowahye la ɛne.

Ayezaya Buluku ne 18:2

na bɛsoa ɛbɔfoɔma wɔ ndɔ ɛlɛne nu bɛmaa bɛkɔ Azule Naele ne nyiakɛ. Bɛmɛ soanvolɛma mɔɔ anwo yɛ ndɛ a, bɛhɔ maanle bie mɔɔ nuhua menli ne le ndendenle, bɛ nwo yɛ fɛ na menli mɔɔ ewiade amra amuala sulo bɛ la anu; ɔle maanle mɔɔ anwo yɛ ɛzulolɛ na ɔdi konim wɔ konle nu a, yɛɛ ye azɛlɛ ne, azule dɔɔnwo ɛgyigya nuhua.

Nahum Buluku ne 3:9

Sudan nee Yigyibiti le ye anwosesebɛ mɔɔ ɛnga aze ɛlɛ a. Pɛɛte nee Lebeya boa ye wɔ konle nu.