2 Edk 16:7 - BAEBOLO ANZƐƐ BULUKU NWUANZANWUANZA7 Mekɛ zɔhane anu ala, Nyamenle sonla Haneenae rale Dwuda Belemgbunli Esa ɛkɛ ne razele ye kɛ, “Kɛmɔ ɛvale ɛ rɛle ɛwulale Selea belemgbunli ne anu na wɔanva ɛ rɛle wɔanwula Ɛdɛnkɛma wɔ Nyamenle ne anu la ati, Selea belemgbunli ne ɛlɔnema ɛnriandi wɔ ɛwie ala ɛne. အခန်းကိုကြည့်ပါ။ |
Ɛdɛnkɛma vale nrɛlaleɛ zoanle ye kpɔmanvolɛ Gyihu mɔɔ le Hananae ara ne manle ɔhɔmanle Beeyahya nee ye sua nu amra wɔ ɛtane mɔɔ bɛyɛle bɛtiale ye la anwo. Beeyahya hanle Ɛdɛnkɛma ɛya, ɔluakɛ ɔyɛle ɛtane ɔtiale ye, kɛmɔ Gyɛlɔbowam yɛle la; yeanga ɛhye angome, ɔdaye Beeyahya a ɔhunle Gyɛlɔbowam abo zo amra amuala a.
Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”