2 Edk 16:6 - BAEBOLO ANZƐƐ BULUKU NWUANZANWUANZA

⁶ Na Belemgbunli Esa vale Dwudama amuala manle bɛhɔzoale awolɛ nee ndaboa mɔɔ Beeyahya lɛ ɛlɛkyekye Releema la, na ɔvale ɔrakyekyele Giba nee Mezepa.

2 Edk 16:6 ပူးပေါင်းရင်းမြစ်များ

1 Arl 15:16

Konle amkpa Dwuda Belemgbunli Esa nee Yizilayɛ Belemgbunli Beeyahya avinli ɛlɛ.

1 Arl 15:22

Belemgbunli Esa bɔle nolo wɔ Dwuda maanle ne anu amuala kɛ awie biala ɛhɔzoa awolɛ nee mbaka mɔɔ ɛnee Beeyahya lɛ ɛlɛkyekye Releema la ɛrɛla Dwuda. Na Belemgbunli Esa vale awolɛ nee mbaka ɛhye mɔ kyekyele Giba wɔ Bɛngyaman maanle nu nee Mezepa.

1 Edk 6:60

Bɛngyaman abusua ekpunli ne maanzinli ne anu, bɛvale Giba, Alɛmɛte, yɛɛ Anato nee azɛlɛ mɔɔ bɛdidi zolɛ la bɛmanle bɛ. Azuamgbole mɔɔ Kohate abusua ne anu amra nyianle la le bulu nee nsa.

2 Edk 16:5

Beeyahya dele ɛhye anwo bie la, ɔgyakyile Releema ɛkyekyelɛ nee nwolɛ gyima biala.

2 Edk 16:7

Mekɛ zɔhane anu ala, Nyamenle sonla Haneenae rale Dwuda Belemgbunli Esa ɛkɛ ne razele ye kɛ, “Kɛmɔ ɛvale ɛ rɛle ɛwulale Selea belemgbunli ne anu na wɔanva ɛ rɛle wɔanwula Ɛdɛnkɛma wɔ Nyamenle ne anu la ati, Selea belemgbunli ne ɛlɔnema ɛnriandi wɔ ɛwie ala ɛne.

2 Edk 21:17

Bɛravale Dwuda aze na bɛzoale nuhua ninyɛne kɔsɔɔti mɔɔ bɛ sa hanle bɛ, mɔɔ le belemgbunli sua nu amra ɛdeɛ la bɛhɔle. Bɛhyele ɔ mra mrenya nee ye mraalɛ noko bɛhɔle, na bɛgyakyile ye ralɛ nrenya kazima Ehazaya ala.

Ayezaya Buluku ne 10:29

bɛpɛ ademgbole ne bɛhɔla Giba. Menli mɔɔ wɔ Releema la ahonle ɛdu, yɛɛ Belemgbunli Sɔɔlo sua zo Gebɛyama ɛgua ɛbɔ nu.

Gyɛlɛmaya Buluku ne 40:6

Yemɔti Gyɛlɛmaya hɔle Ahaekam ara nrenya Gɛdalaya anwo ɛkɛ wɔ Mezepa, na ɔ nee ye nee menli mɔɔ bɛgyakyi bɛ azɛlɛ ne azo la hɔdɛnlanle.

Zɛkalaya Buluku ne 14:10

Azɛlɛ ne kpokpoti, ɔvi Giba mɔɔ kɔdwu Relemɔn mɔɔ wɔ Gyɛlusalɛm nyiakɛ la bayɛ fienemgbole. Na Gyɛlusalɛm bagyinla kpundii wɔ ɔ bo zo ne wɔ boka zo, ɔvi Bɛngyaman Anlenkɛ Kpole nloa yeahɔ anlenkɛ kpole dɛba ne anwo, yeahɔdwu Muleɛ Anlenkɛ Kpole ne anloa, na ɔvi Hananili Tawa ne anwo yeahɔdwu belemgbunli ne nwanyeyɛlɛ ɛleka ne mɔ.

Dwɔhyua Buluku ne 15:38

Daelian, Mezepa, Dwɔketii,

1 Sam 10:17

Akee Samoɛle vɛlɛle Yizilayɛma amuala manle bɛrale Ɛdɛnkɛma ɛzonlenlɛ ayia wɔ Mezepa;

1 Sam 7:16

Ɔde aze la ɛvolɛ biala ɔkpɔsa bɛ nwo zo; ɔkɔ Bɛtɛle, Gelegale nee Mezepa na ɔsiezie manzonle manzonle mɔɔ wɔ azuamgbole ɛhye mɔ azo la amuala.

1 Sam 7:6

Yemɔti bɛhɔyiale Mezepa; bɛguale nzule aze bɛmanle Ɛdɛnkɛma na bɛhyele ɛhɔne kenle ko ne na bɛzele kɛ, “Yɛyɛ ɛtane yɛtia Ɛdɛnkɛma.” (Mezepa ɛkɛ ne yɛɛ Samoɛle dɛnlanle ziele Yizilayɛma a.)