2 Edk 16:4 - BAEBOLO ANZƐƐ BULUKU NWUANZANWUANZA

⁴ Bɛneheedade kponlenle Belemgbunli Esa nzuzulɛ ne azo na ɔzoanle ɛlɔnema ɔmanle bɛhɔtetale Yizilayɛ azuamgbole ne bie mɔ. Bɛhonle bɛvale Yidwɔn, Dan, Ebɛle Bɛte Meeyaka, yɛɛ azuamgbole mɔɔ wɔ Nafetalae mɔɔ bɛsie konle ninyɛne zolɛ la.

2 Edk 16:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:14

Ebilam dele kɛ bɛhye ye awozoa ne nuokɛ bɛ nee ye ɛlɛkɔ la, ɔvale ye menli ɛya nsa bulu nee mɔtwɛ ne mɔɔ wɔ ye sua nu ɛkɛ mɔɔ yetete bɛ wɔ konle nu la, na ɔ nee bɛ voanle arelemgbunli nna ne toonwo ɔhɔdwule Dan.

1 Arl 15:20

Bɛneheedade liele Belemgbunli Esa nzuzulɛ ne dole nu na ɔmanle ye ɛlɔnema hɔdoale Yizilayɛ azuamgbole ne bie mɔ bɛ nee bɛ honle. Ɔhonle ɔvale Ayedwɔn nee Dan nee Ebɛle Bɛte Meeyaka nee azuamgbole ne mɔ mɔɔ wɔ Galeli Tandane ne anloa la nee Nafetalae maanle ne amuala.

1 Arl 9:19

yɛɛ azua mɔɔ Sɔlɔmɔn zieziele ye ninyɛne zolɛ la. Bie mɔ mɔɔ eza ɔkyekyele la a le azua mɔɔ ɔziele ye konle ehwili ne mɔ wɔ zolɛ nee azua mɔɔ ye mgbɔnwɔ ɛlɔnema wɔ zolɛ la, yɛɛ debie biala mɔɔ ɔhulole kɛ bɛkɛyɛ wɔ Gyɛlusalɛm, Lɛbanɔn nee ye belemgbunli maanle ne anu ɛleka biala la.

2 Arl 16:9

Tegelate Paelisɛ diele Ehaze modolɛ ne na ɔvale ye ɛlɔnema ɔrale Dɛmasekɛse ɔrahonle ɔvale suakpole ne, ɔhunle Belemgbunli Rilizen na ɔhyele menli ne bie mɔ nuokɛ ɔ nee bɛ hɔle Kɛɛ.

2 Edk 16:3

“Maa yɛyɛ konle nu agɔnwolɛyɛlɛ ngyehyɛlɛ, kɛmɔ yɛ ze mɔ yɛle la. Melɛfa dwɛtɛ fufule nee ezukoa nvutuke ɛhye mɔ mearɛlɛ wɔ, amaa wɔazɛkye agɔnwolɛyɛlɛ ne mɔɔ la wɔ nee Yizilayɛ Belemgbunli Beeyahya avinli la, na Yizilayɛ belemgbunli ne aye ye ɛlɔnema mɔɔ wɔ me maanle ye anu la ahɔ.”

2 Edk 16:5

Beeyahya dele ɛhye anwo bie la, ɔgyakyile Releema ɛkyekyelɛ nee nwolɛ gyima biala.

2 Edk 17:12

Na Gyɛhɔhyafate hɔle zo yɛle kpole, ye tumi yɛle kpole. Ɔsisile aranemgbole wɔ Dwuda amuala, ɔkyekyele azuamgbole mɔɔ bɛfa konle ninyɛne bɛsiezie zolɛ la,

2 Edk 8:6

Ɔkyekyele Beeyalate nee azuamgbole mɔɔ ɔdaye Sɔlɔmɔn ɔfa ye ninyɛne ɔkɔsiezie zolɛ, azuamgbole mɔɔ ɔfa ye konle ehwili ɔkɔsiezie zolɛ, azuamgbole mɔɔ menli mɔɔ ka konle ehwili la wɔ zolɛ, yɛɛ azuamgbole mɔɔ menli mɔɔ ka mgbɔnwɔ la wɔ zolɛ la. Akee ɔyɛle debie biala mɔɔ ɔhulole kɛ ɔkɛyɛ wɔ Gyɛlusalɛm, Lɛbanɔn, yɛɛ ye maanle ne anu ɛleka biala la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:11

Yemɔti bɛyele menli mɔɔ nea gyima zo la bɛmanle bɛ, bɛhyele Yizilayɛma mialera nu bɛmanle bɛyɛle gyima mɔɔ bo bɛ nwo zo la. Bɛmanle bɛkyekyele azuamgbole Paetɔm nee Releeyamesizi bɛmanle belemgbunli ne vale yɛle ye ninyɛnezielɛ ɛleka.

Ayezaya Buluku ne 9:1

Adenle biala ɛnrɛla ɛkɛ mɔɔ bɛdua nu bɛnriandi amaneɛnwunlɛ mekɛ ɛhye a. Kɛ Zɛbulɛn nee Nafetalae mbusua ekpunli ne mɔ azɛlɛ ne nwunle amaneɛ anyiemgba nu wɔ mekɛ mɔɔ ɛraze ɛhɔ la ɛne. Noko nzinlii ɔbamaa bɛali bɛ eni, ɔvi Mɛdetɛlenia Nyevile ne anloa yeahɔdwu Dwɔdan ne anzi lɔ, toonwo yeahɔdwu Galeli, suakpole ne mɔɔ nyɛvolɛ de zolɛ la.

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

2 Pit 2:15

Bɛgyakyi adenle kpalɛ ne na bɛminli nwɔnda; bɛva Biyɔ ara Beelam mɔɔ doale ezukoa anyebolo na ɔlile ɛtane

Maanlebuvolɛma Buluku ne 20:1

Akee Yizilayɛma kɔsɔɔti, ɔvi Dan mɔɔ kɔ Biyɛhyiba nee Geleade la yɛle ko na bɛrayiale nu wɔ Mezepa wɔ Ɛdɛnkɛma duma nu.