2 Edk 16:10 - BAEBOLO ANZƐƐ BULUKU NWUANZANWUANZA

¹⁰ Belemgbunli Esa vale Nyamenle sonla ne anwo ɛya kpole kpalɛ wɔ mɔɔ ɔhanle la anwo, na ɔmanle bɛhyele ye, bɛdole ye efiade, na bɛbɔle ye kpanwu. Eza ɔvi mekɛ zɔhane anu ala, Belemgbunli Esa bɔle ɔ bo kɛ ɔyɛ menli ne bie mɔ asa.

2 Edk 16:10 ပူးပေါင်းရင်းမြစ်များ

2 Sam 11:4

Devidi zoanle manle bɛhɔvɛlɛle ye. Ɔrale la ɔ nee ye lale. (Ɛnee bɔ zo mɔɔ yehɔ amozi yevi a.) Na raalɛ ne ziale hɔle sua nu.

2 Sam 12:13

Devidi zele Neetan kɛ, “Meyɛ ɛtane metia Ɛdɛnkɛma.” Neetan zele Devidi kɛ, “Ɛdɛnkɛma ɛva wɔ ɛtane ɛhyɛ wɔ; ɛnrɛwu.

2 Sam 12:31

na Devidi manle ezuavolɛ ne vale sɛlada, bulalɛ ahoanlɛ nee bulalɛ akuma yɛle gyima, na eza ɔmanle bɛguale belekese. Ɔmanle Amɔnoma mɔɔ wɔ azua gyɛne gyɛne zo la yɛle gyima zɔhane bie. Akee Devidi nee ye ɛlɔnema ne ziale hɔle Gyɛlusalɛm.

1 Arl 13:4

Belemgbunli Gyɛlɔbowam dele Nyamenle sonla ne edwɛkɛ mɔɔ ɛha wɔ azukponle ne anwo wɔ Bɛtɛle la, ɔdendenle ɔ sa wɔ Nyamenle kpɔmanvolɛ ne anwo na ɔdeanle nuhua kɛ, “Bɛhye ye!” Na ɛkɛ ne ala ɔ sa ne mɔɔ ɔdendenle la tenlenle mɔɔ ɔfa ɔmeta ɔ nwo a ɔnyɛ boɛ a.

1 Arl 22:27

Bɛze ye kɛ, ‘Belemgbunli se, Fa sonla ɛhye sie na maa bɛmaa ye aleɛ mɔɔ ɛnza ye di la nee nzule ekyi bie kɔkpula mekɛ mɔɔ menwɔzia menwɔradwu sua nu anzonudwolɛ nu la.’ ”

2 Edk 16:11

Bɛhɛlɛ Belemgbunli Esa gyima mɔɔ ɔlile, ɔvi mɔlebɛbo ne mɔɔ kɔdwu awieleɛ ne la wɔ Dwuda nee Yizilayɛ Arelemgbunli Tetedwɛkɛ Buluku ne anu.

2 Edk 16:9

Ɔluakɛ Ɛdɛnkɛma fa ɔ nye bɔ ewiade ye anwo mgbɔlɔka, na ɔfa tumi ɔdie bɛdabɛ mɔɔ bɛdi nɔhalɛ bɛmaa ye la. Wɔli kɔnwɔne edwɛkɛ wɔ ɛhye anu, yemɔti ɔvi ɛnɛ mɔɔ kɔ la konle ɛnrɛkpa ɛ nwo ɛlɛ.”

2 Edk 18:26

na bɛha bɛhile bɛ kɛ, ‘Belemgbunli se bɛva sonla ɛhye bɛdo efiade na bɛmaa ye aleɛ mɔɔ ɛnza ye di nee nzule ekyi bie, kɔdwu kɛ menwɔzia menwɔra anzonudwolɛ nu la.’ ”

2 Edk 25:16

Na Amazaya zɔle Nyamenle kpɔmanvolɛ ne anloa na ɔbizale ye kɛ, “Na ɛdawɔ mumua ne, yɛva wɔ kɛ ɛdu belemgbunli folɛ ɔ? Gyakyi mɔɔ ɛlɛka la, na anrɛɛ menwɔmaa bɛkɛhu wɔ.” Nyamenle kpɔmanvolɛ ne zɔle menle, yeanga Nyamenle nrɛlaleɛ ne, noko ɔhanle kɛ, “Menwu kɛ Nyamenle ɛyɛ kɛ ɔsɛkye wɔ, ɛhye ati a wɔyɛ ɛhye na eza wɔandie me folɛdulɛ ne a.”

2 Edk 26:19

Belemgbunli Ɛzaya vale ɛya. Mekɛ ne anu ɛnee belemgbunli ne lɛ kyɛnze kuloonwu mɔɔ bɛfa bɛyela ɛyɛlɛ la ɔ sa nu. Belemgbunli ne vale ɛya la, ɛkɛ ne ala kokobɛ guale ye na bie vindele ɔ nwoma azo, wɔ sɛlɛvolɛma ne amuala anyunlu ɛkɛ ne. Ɛhye zile Ɛdɛnkɛma Ɛzonlenlɛ Sua ne anu, ɛleka mɔɔ ɛyɛlɛ azukponle ne gyi la.

Dwobu Buluku ne 20:19

Ɔluakɛ yesisi ehyianvolɛma na yekpo bɛ, yelie sua mɔɔ tɛ ɔdaye a ɔzile la.

Edwɛndolɛ Buluku ne 141:5

Maa sonlakpalɛ ɛbo me, ɔle anwunvɔnezelɛ; maa ɔhwi me nyunlu, ɔle nwole wɔ me ti zo, memkpo, ɔluakɛ me nzɛlɛlɛ tia amumuyɛma nyɛleɛ ne mɔ dahuu.

Ayezaya Buluku ne 51:23

Mebava meawula menli mɔɔ ɛlɛsisi bɛ, mɔɔ ɛha ɛhile bɛmɛ Yizilayɛma kɛ, ‘Bɛbutu bɛmaa yɛtietia bɛ nwo zo,’ na bɛva bɛ nzi bɛyɛ ndɛtɛlɛ bɛtietia zo la, na bɛ nzi ɛyɛ guabile mɔɔ bɛdua zolɛ la asa anu.”

Gyɛlɛmaya Buluku ne 20:2

Na Pahyɛ manle bɛbole Nyamenle Kpɔmanvolɛ Gyɛlɛmaya na bɛbɔle ye kpanwu wɔ Ɛdɛnkɛma Ɛzonlenlɛ Sua ne Sɔlɔ Bɛngyaman Anlenkɛ Kpole ne anwo.

Gyɛlɛmaya Buluku ne 26:21

Belemgbunli Gyɛhɔyakem nee ye ɛlɔnema ne mɔ amuala, nee ye mgbanyima ne mɔ dele Yulaya edwɛkɛ ne la, belemgbunli ne nyianle adwenle kɛ ɔmaa bɛahu ye. Yulaya dele nwolɛ bie, ɔzulole, na ɔnriandile ɔhɔle Yigyibiti.

Gyɛlɛmaya Buluku ne 29:26

‘Ɛdɛnkɛma ɛyɛ wɔ sɛlɛvolɛ kɛ ɛli Sɛlɛvolɛ Gyɛhɔyada agyakɛ anu, na ɛnlea ɛbɔ sɛnvolɛ biala mɔɔ kɛha Nyamenle nrɛlaleɛ wɔ Ɛdɛnkɛma Ɛzonlenlɛ Sua ne anu la kpanwu, na ɛva bulalɛ kɛba ɛgyela ɔ kɔme.

Gyɛlɛmaya Buluku ne 37:15

Mgbanyima ne mɔ vale Gyɛlɛmaya anwo ɛya kpole na bɛmanle bɛbole ye na bɛdole ye efiade wɔ kɛlɛhɛlɛvolɛ Dwɔnatan sua nu mɔɔ bɛva ɛkɛ ne bɛyɛ ɛleka mɔɔ bɛgua menli efiade la.

Gyɛlɛmaya Buluku ne 51:34

Babelonia Belemgbunli Nɛbukadenɛza ɛhye Gyɛlusalɛm ɛli, yedi ye motomoto, yeyɛ ye mgbane; yeme ye kɛ nane anwo ɛzulolɛ me debie la, yeli ye yemaa ɔ ko ɛyi na yekpu ye yedo.

Gyɛlɛmaya Awolɛyelɛ 3:34

Sonla mɔɔ bɛdo ye efiade la nyanelilɛ,

Edwɛkpa ne kɛmɔ Luku hɛlɛle la 3:20

Ɛtane kpole bɔbɔ mɔɔ bo ɛhye mɔ amuala azo, mɔɔ Hɛlɔdo akee yɛle la a le kɛ ɔhyele Dwɔn ɔdole efiade.