2 Edk 15:9 - BAEBOLO ANZƐƐ BULUKU NWUANZANWUANZA

⁹ Ɛnee menli dɔɔnwo vi Yifelaem, Manasɛ, nee Semɛyɔn maanzinli ne mɔ anu wɔ Yizilayɛ ɛdu ɛradoa Belemgbunli Esa, ɔluakɛ bɛnwunle kɛ Ɛdɛnkɛma ye Nyamenle ne nee ye lua. Belemgbunli Esa boɔboale bɛ kɔsɔɔti nee Dwudama nee Bɛngyamanema amuala anloa.

2 Edk 15:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:28

Bɛbuale ye kɛ, “Yɛnwu ye wienyi kɛ Ɛdɛnkɛma nee wɔ a lua a. Yemɔti yɛse, maa yɛha ndane yɛyɛ ngyehyɛlɛ yɛhye ɔ bo

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:3

na ɔ menle ne nwunle kɛ Ɛdɛnkɛma li Dwosefi anzi, na ɔmanle debie biala mɔɔ ɔvale ɔ sa ɔhanle ye la yɛle kpalɛ.

1 Arl 12:19

Ɔvi mekɛ zɔhane, Yizilayɛ sɔlɔ maanzinli ne mɔ anu amra ɛyɛ Devidi abo zo amra anwo ɛlɔne toonwo a yeradwu ɛnɛ a.

1 Arl 3:28

Yizilayɛma dele ndɛne ne mɔɔ Belemgbunli Sɔlɔmɔn buale la, bɛ muala bɛlile ye eni. Bɛnwunle kɛ Nyamenle ɛmaa ye nrɛlɛbɛ mɔɔ ɔbava yeabu maanle ne a.

1 Edk 12:19

Mekɛ bie Devidi nee ye ɛlɔnema hɔle kɛ bɛkaboa Filisitiama bɛamaa bɛaho bɛatia Sɔɔlo. Ɛlɔnema vi Manasɛ abusua ekpunli ne anu rale Devidi afoa. Noko akee Filisitiama ammaa Devidi amboa bɛ, ɔluakɛ Filisitia arelemgbunli zulole na bɛnyianle adwenle kɛ, “Ɔkɛbɔ yɛ tɔ! Sonla ɛyeka, ɛhyema ɛnee yezia yehɔ ɔ menle Sɔɔlo anwo lɔ.” Ɛhye ati bɛanlie ye.

2 Edk 11:16

Na bɛdabɛ mɔɔ ɛnee bɛyeye bɛ ahonle nu kɛ bɛsonle Yizilayɛ Ɛdɛnkɛma Nyamenle ne la vi Yizilayɛ mbusua ekpunli ekpunli ne mɔ anu hɔle Gyɛlusalɛm hɔbɔle azu manle Ɛdɛnkɛma, bɛ ze mɔ Nyamenle ne.

2 Edk 15:10

Ɔmanle bɛyiale nu wɔ Gyɛlusalɛm wɔ mekɛ mɔɔ ɛnee yeli ɛvolɛ bulu nee nnu wɔ ebia ne azo la, ye siane nsa ne azo.

2 Edk 19:4

Belemgbunli Gyɛhɔhyafate dɛnlanle Gyɛlusalɛm, yɛɛ ɔyɛ a ɔkɔkpɔlɔkpɔla ye menli ne mɔ, ɔvi Biyɛhyiba toonwo kɔdwu Yifelaem awoka ne mɔ azo lɔ la, na ɔmanle bɛziale bɛrazonlenle Ɛdɛnkɛma, bɛ ze mɔ Nyamenle ne.

2 Edk 30:25

Dwudama amuala, sɛlɛvolɛma nee Livaema ne mɔ, nee ɛlɔne mɔɔ vi Yizilayɛ rale, nyɛvolɛ mɔɔ de Dwuda, yɛɛ nyɛvolɛ mɔɔ vi Yizilayɛ rale la amuala anye liele.

Yizikeɛle Buluku ne 37:16

Ɔse, “Sonla ra, fa baka na kɛlɛ nwolɛ, ‘Dwuda ɛdeɛ ɔ, na Yizilayɛma amuala nee ye le ko;’ eza fa baka ko noko na kɛlɛ nwolɛ, ‘Dwosefi ɛdeɛ ɔ (ɛhye le Yifelaem baka) na Yizilayɛma amuala nee ye le ko.’

Ɛzoanvolɛma Gyima ne 9:31

Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.

1 Sam 18:28

Noko mɔɔ Sɔɔlo nwunle kɛ Ɛdɛnkɛma nee Devidi lua na Yizilayɛma kɔsɔɔti kulo ye edwɛkɛ la,