2 Edk 15:8 - BAEBOLO ANZƐƐ BULUKU NWUANZANWUANZA

⁸ Mɔɔ Belemgbunli Esa dele Nyamenle kpɔmanvolɛ Azalaya Nyamenle nrɛlaleɛ ne la, ɔzile ahonle na ɔmanle bɛyeyele mmonle mɔɔ wɔ Dwuda nee Bɛngyaman maanzinli ne mɔ anu la amuala, nee azuamgbole mɔɔ yeho yeva bɛ wɔ Yifelaem awoka ne mɔ azo lɔ la amuala azo. Akee ɔyɛle Ɛdɛnkɛma azukponle ne mɔɔ wɔ Ɛdɛnkɛma Ɛzonlenlɛ Sua ne anyunlu ɛkɛ ne la boɛ.

2 Edk 15:8 ပူးပေါင်းရင်းမြစ်များ

1 Arl 11:5

Sɔlɔmɔn hakyile zonlenle Saedɛnema bozonle raalɛ ne mɔɔ bɛfɛlɛ ye Asetate la nee Amɔnoma bozonle anwo ɛzulolɛ ne mɔɔ bɛfɛlɛ ye Molɛke la.

1 Arl 11:7

Ɔzile Mowabe bozonle anwo ɛzulolɛ ne mɔɔ bɛfɛlɛ ye Kimɔhye la yɛɛ Amɔn bozonle anwo ɛzulolɛ ne mɔɔ bɛfɛlɛ ye Molɛke la mmonle azua wɔ boka ne mɔɔ wɔ Gyɛlusalɛm aduduleɛ la azo.

1 Arl 15:9

Bɛvale Esa bɛziele Dwuda belemgbunli wɔ mekɛ mɔɔ ɛnee Yizilayɛ Belemgbunli Gyɛlɔbowam ɛli ɛvolɛ abulanwiɔ wɔ ebia zo la.

2 Arl 16:14

Kɔbele azukponle ne mɔɔ bɛdu bɛzie ɛkɛ bɛmaa Ɛdɛnkɛma la gyi azukponle fofolɛ ɛhye nee Ɛzonlenlɛ Sua ne avinli, na Ehaze manle bɛyele ye ɛkɛ bɛhɔziele azukponle fofolɛ ne sɔlɔ.

2 Arl 18:22

Aselea safohyenle ne eza zɔle zo kɛ, “Anzɛɛ bɛka bɛahile me kɛ bɛ rɛle wɔ Ɛdɛnkɛma bɛ Nyamenle ne anu ɔ? Tɛ Ɛdɛnkɛma azua ne yɛɛ ye azukponle ne mɔ a Hɛzikaya ɛmaa bɛbubu bɛ na yeze Dwudama amuala nee bɛdabɛ mɔɔ bɛwɔ Gyɛlusalɛm ɛke la kɛ azukponle ne mɔɔ wɔ Gyɛlusalɛm ɛke la azo ala a ɔwɔ kɛ bɛbɔ azu na bɛsonle la ɔ?

2 Arl 23:13

Dwosaya eza zɛkyele azukponle ne mɔɔ Belemgbunli Sɔlɔmɔn zile wɔ Gyɛlusalɛm aduduleɛ, wɔ Ɔlivi Boka ne nyiakɛ kɛ bɛva bɛzonle Saedɛn bozonle raalɛ Asetate, Mowabe bozonle Kimɔhye, nee Amɔn bozonle ne la.

2 Edk 13:19

Abaegya voanle Gyɛlɔbowam na ɔhonle ɔvale azuamgbole: Bɛtɛle nee ye namunamu, Gyɛhyeena nee ye namunamu, yɛɛ Yifolɔn nee ye namunamu boka nwolɛ.

2 Edk 17:2

Ɔvale ɛlɔnema ɔhɔguale azuamgbole mɔɔ bɛbɔ nwolɛ bane wɔ Dwuda la amuala azo. Ɔvale ɛlɔnema ekpunli ekpunli ɔkpondenle Dwuda maanle ne anu yɛɛ Yifelaem azuamgbole mɔɔ Belemgbunli Esa honle vale bɛ la azo.

2 Edk 19:11

Akee Sɛlɛvolɛ Kpanyinli Amalaya a banlea na yeagua Nyamenlezonlenlɛ nu kpolerazulɛ biala abo a, Yehyemeeyɛle ara Zɛbadaya, Dwuda amɛnlado ne yɛɛ banlea agua maanle ye anu edwɛkɛ biala abo a, yɛɛ Livaema ne mɔ banlea amaa edwɛkɛ biala mɔɔ bɛkɛha wɔ edwɛkɛlilɛ ɛleka ne mɔ la ayɛ zɔhane, kɛmɔ bɛhanle la. Bɛzi ahonle bɛyɛ gyima ne na Ɛdɛnkɛma baboa mɔɔ di nɔhalɛ la.”

2 Edk 19:4

Belemgbunli Gyɛhɔhyafate dɛnlanle Gyɛlusalɛm, yɛɛ ɔyɛ a ɔkɔkpɔlɔkpɔla ye menli ne mɔ, ɔvi Biyɛhyiba toonwo kɔdwu Yifelaem awoka ne mɔ azo lɔ la, na ɔmanle bɛziale bɛrazonlenle Ɛdɛnkɛma, bɛ ze mɔ Nyamenle ne.

2 Edk 29:18

Akee bɛhɔle Belemgbunli Hɛzikaya ɛkɛ ne na bɛhɔhanle bɛhilele ye kɛ, “Yɛnlua Ɛzonlenlɛ Sua ne yɛwie, yɛnlua ɛyelalɛ azukponle ne nee nwolɛ ahyɛnze nee dwora ne mɔ amuala, yɛɛ ɛkponle ne mɔɔ bɛfa kpanwo nwuanzanwuanza ne bɛgua zolɛ la nee nwolɛ ahyɛnze ne mɔ amuala.

2 Edk 4:1

Belemgbunli Sɔlɔmɔn manle bɛyɛle kɔbele azukponle mɔɔ ye tɛtɛlɛ nee ye tendenle sɛ la. Ye tɛbanu ko biala le mita ngɔnla, yɛɛ ye anwumahɔlɛ le mita nna nee foa ko.

2 Edk 8:12

Sɔlɔmɔn bɔle ɛyelalɛ azu wɔ Ɛdɛnkɛma azukponle ne mɔɔ yezi ye wɔ Ɛzonlenlɛ Sua ne anyunlu ɛkɛ ne la azo manle Ɛdɛnkɛma.

Ayezaya Buluku ne 44:14

Sonla pɛ sida baka to; anzɛɛ yɛ baka ɛsesebɛ bie anyenle, ɔgyakyi ye ɔmaa ɔnyi ɔyɛ baka kpole ɛsesebɛ wɔ kpɔkɛ ne anu. Ɔdua sida baka na ɔgyakyi ye ɔmaa ezule tɔ gua zolɛ, ɔyɛ baka ɛsesebɛ.

Ayezaya Buluku ne 65:4

Bɛtɛnla sɛka zo, yɛɛ aleɛ dwo a bɛfea bɛ nwo bɛdi kpolike nane, yɛɛ bɛ subue nu le bɛkyi ninyɛne ngome.

Gyɛlɛmaya Buluku ne 16:18

Bɛva bɛ bɛkyi mmonle ninyɛne ne mɔ bɛzɛkye me azɛlɛ ne. Bɛkyi nyɛleɛ ngome a bɛyɛ ye azɛlɛ ne azo a, yemɔti mebadua bɛ amumuyɛ nee bɛ ɛtane mɔɔ bɛlɛyɛ ye ɛkɛ ne la anwo kakɛ mɔnwo.”

Yizikeɛle Buluku ne 8:10

Yemɔti menwolole mengɔle nu mengɔneanle. Na menwunle kɛ bɛdolɔdolɔ ninyɛne mɔɔ twenle bɛ kɛnra aze, nane anwo ɛzulolɛ ɛzulolɛ nee Yizilayɛma mmonle ne mɔ kɔsɔɔti wɔ bane ne anwo.

Sɛlɛ 18:30

Yemɔti bɛli me edwɛkɛ zo, na bɛmmayɛ nyɛleɛ ɛtane ne mɔ bie, na bɛbu munzule amaamuo ne mɔɔ menli mɔɔ lumuale azɛlɛ ne azo la bule la bie. Bɛmmayɛ ye zɔhane bɛgua bɛ nwo evinli. Medame a mele Ɛdɛnkɛma bɛ Nyamenle ne a.”

Edwɛkpa ne kɛmɔ Mateyu hɛlɛle la 25:16

Sonvolɛ ne mɔɔ bɛmanle ye nzunza apenle nnu ne la vale ye ɛdeɛ ne hɔlile gua na ɔnyianle nzunza apenle nnu nvasoɛ wɔ nwolɛ.

Ɛzoanvolɛma Gyima ne 28:15

Ɛnee diedima mɔɔ wɔ Wulomu la ɛde yɛ nganeɛ dɛbadɛba, yemɔti bɛvi ɛkɛ ne toonwo bɛrayiale yɛ wɔ Apeɛse Gua nu nee “Dabelɛ Nsa.” Mɔɔ Pɔɔlo nwunle bɛ la, ye ahonle gyinlanle na ɔyɛle Nyamenle mo.

Mɛla 27:15

“ ‘Munzule ɛha sonla ne mɔɔ kɛgua anzɛɛ kɛze ananze, anzɛɛ debie biala mɔɔ le bɛkyi maa Ɛdɛnkɛma na ɔkɛvea ɔkɛzonle ye la; ɔle sonla asa anloa gyima yɛɛ Ɛdɛnkɛma kyi.’ “Menli ne amuala baha kɛ, ‘Amen!’

1 Pit 4:3

Bɛzɛkye bɛ mekɛ dɔɔnwo bɛyɛ mɔɔ menli mɔɔ ɛnzonle Nyamenle la yɛ la bie. Bɛbɔ adwɔmane ɛbɛla, bɛli bɛ atiakunluwɔzo mgbane mgbane nzi, nza ɛgya bɛ, bɛmaa bɛ nye die mgbane mgbane, bɛbɔ anyiemgba ɛbɛla, na bɛsonle awozonle.

Maanlebuvolɛma Buluku ne 10:16

Akee bɛkpole bɛ nyamenle ne mɔ na bɛzonlenle Ɛdɛnkɛma. Na Yizilayɛma anwubɛnyunlu ne yɛle Ɛdɛnkɛma nyane nee ɛya.