2 Edk 15:7 - BAEBOLO ANZƐƐ BULUKU NWUANZANWUANZA

⁷ Na wɔmɔ, si wɔ ahonle! Mmamaa ɛ sa nu to, ɔluakɛ ɛbanyia ahatualɛ wɔ wɔ gyima nwo.”

2 Edk 15:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:1

Ɛhye mɔ anzi, Ebilam dele Ɛdɛnkɛma edwɛkɛ ne wɔ ɛnyelɛzodeɛnwunlɛ nu kɛ, “Ebilam, mmasulo, na mebabɔ ɛ nwo bane. Wɔ ahatualɛ bayɛ kpole kpalɛ.”

1 Edk 28:20

Belemgbunli Devidi zele ɔ ra Sɔlɔmɔn kɛ, “Yɛ ɛ nye gyɛlɛmgbɛɛnye na si wɔ ahonle. Bɔ gyima ne abo, mmamaa debie biala si wɔ adenle. Ɛdɛnkɛma Nyamenle ne, mɔɔ mesonle ye la nee wɔ balua. Ɔnrɛgyakyi ɛ nzi ɛlilɛ, ɔ nee wɔ balua toonwo yeahɔdwu mekɛ mɔɔ ɛkɛwie gyima biala mɔɔ wɔ Ɛzonlenlɛ Sua ne anwo la yɛ la.

2 Edk 19:11

Akee Sɛlɛvolɛ Kpanyinli Amalaya a banlea na yeagua Nyamenlezonlenlɛ nu kpolerazulɛ biala abo a, Yehyemeeyɛle ara Zɛbadaya, Dwuda amɛnlado ne yɛɛ banlea agua maanle ye anu edwɛkɛ biala abo a, yɛɛ Livaema ne mɔ banlea amaa edwɛkɛ biala mɔɔ bɛkɛha wɔ edwɛkɛlilɛ ɛleka ne mɔ la ayɛ zɔhane, kɛmɔ bɛhanle la. Bɛzi ahonle bɛyɛ gyima ne na Ɛdɛnkɛma baboa mɔɔ di nɔhalɛ la.”

2 Edk 32:7

“Bɛgyinla kpundii na bɛyele bɛ nwo. Bɛmmamaa bɛ ahonle tu anzɛɛ bɛmmasulo Aselea belemgbunli ne nee ye ɛlɔnema ne mɔɔ ɔ nee bɛ lua la, ɔluakɛ mɔɔ nee yɛ lua la anwo yɛ ɛzulolɛ tɛla ye.

Edwɛndolɛ Buluku ne 19:11

Bɛkakyehakye medame, wɔ sonvolɛ; zolɛlilɛ le nyilalɛ kpole.

Edwɛndolɛ Buluku ne 27:14

Fa ɛ rɛle wula Ɛdɛnkɛma anu; mia ɛ nwo na si wɔ ahonle, ɛhɛe, fa ɛ rɛle wula Ɛdɛnkɛma anu.

Edwɛndolɛ Buluku ne 58:11

Menli baha kɛ, “Nɔhalɛ, tenlenema ɛnyia bɛ ahatualɛ; nɔhalɛ, Nyamenle wɔ ɛkɛ mɔɔ bua ewiade ndɛne a.”

Gyɛlɛmaya Buluku ne 31:16

Na medame Ɛdɛnkɛma, mese: Gyakyi ɛzunlɛ na kyikyi ɛ nye anwo. Ɔluakɛ wɔ ɛvɛlɛ ɛnrɛyɛ gyɛne; bɛvi kpɔvolɛma maanle nu bɛbara. Medame Ɛdɛnkɛma a mese a.

Daneɛle Buluku ne 10:19

Ɔzele me kɛ, “Ayi, Nyamenle kulo wɔ kpole, mmasulo. Anzonudwolɛ ɛha wɔ. Gyinla ɛ nwo na si ahonle.” Ɔhanle zɔhane la, akee menyianle anwosesebɛ na menganle kɛ, “Me menle, tendɛ, na kɛkala, wɔmaa menyia anwosesebɛ.”

Zɛkalaya Buluku ne 8:9

Tumivolɛ Ɛdɛnkɛma se, “Bɛdabɛ mɔɔ bɛlɛtie edwɛkɛ ɛhye mɔ bɛavi me kpɔmanvolɛma anloa la, bɛnyia akɛnrasesebɛ, kɛmɔ mekɛ mɔɔ bɛwula Tumivolɛ Ɛdɛnkɛma Sua ne aze la bɛnyianle la, amaa bɛahola bɛazi Ɛdɛnkɛma Ɛzonlenlɛ Sua ne.

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Mateyu hɛlɛle la 5:46

Saa bɛkulo menli mɔɔ kulo bɛ la angome a, ɛnee duzu ahatualɛ a bɛnyia ye wɔ Nyamenle ɛkɛ a? Anzɛɛ tɛ mɔɔ adwuledievolɛma yɛ la ala ɛne?

Edwɛkpa ne kɛmɔ Mateyu hɛlɛle la 6:1

“Bɛnlea boɛ na bɛanyɛ bɛ Nyamenle ɛzonlenlɛ gyima ne ɛnyelɛ zo. Saa bɛyɛ ye zɔ a bɛnrɛnyia ahatualɛ wɔ bɛ anwuma Selɛ ne ɛkɛ.

Edwɛkpa ne kɛmɔ Mateyu hɛlɛle la 6:18

amaa awie mɔ annwu kɛ bɛlɛkye ɛhɔne. Na bɛ Ze mɔɔ wɔ anwuma na ɔze fealera nu debie biala la bayila bɛ.

Edwɛkpa ne kɛmɔ Mateyu hɛlɛle la 6:4

amaa bɛ nyɛleɛ kpalɛ ne ayɛ fealera nu debie na bɛ Ze mɔɔ wɔ anwuma mɔɔ nwu fealera nu debie biala la ayila bɛ.

Edwɛkpa ne kɛmɔ Mateyu hɛlɛle la 6:6

Na bɛmɛ, saa bɛyɛ nzɛlɛlɛ a, bɛhɔvea bɛ sua kunlu ɛkɛ ne, bɛdo anlenkɛ ne anu na bɛyɛ nzɛlɛlɛ bɛvɛlɛ bɛ Ze mɔɔ wɔ anwuma mɔɔ bɛnnwu ye la, na bɛ Ze mɔɔ wɔ anwuma na ɔnwu fealera nu edwɛkɛ la bayila bɛ.

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

1 Kɔl 16:13

Bɛyɛ bɛ nye gyɛlɛmgbɛɛnye, bɛgyinla kpundii wɔ diedi ne anu, bɛnyia akɛnrasesebɛ, bɛmaa bɛ nwo ɛyɛ se.

1 Kɔl 3:14

Na saa senle ne angola sua ne mɔɔ awie dole ye wɔ sua ne adiabo ne azo la yela a, mɔɔ zile la kɛnyia nwolɛ ahyɛlɛdeɛ.

1 Kɔl 3:8

Ngakyile ɛnle mɔɔ dua nee mɔɔ gugua zolɛ nzule la avinli. Nyamenle badua ko biala kakɛ wɔ ye gyima mɔɔ yeyɛ la anwo kɛmɔ ɔfɛta la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:10

Awieleɛ ne, bɛlua Awulae tumi bedevinli ne azo bɛmaa bɛ nwo ɛyɛ se.

Kɔlɔ 3:24

Bɛhakye kɛ Awulae a bamaa bɛ nwolɛ ahatualɛ ne mɔɔ yeva yezie ɛkɛ yemaa ye menli la a. Ɔluakɛ Awulae Kelaese a le Menlenlɛ ne mɔɔ bɛsonle ye la.

Kɛlata mɔɔ bɛhɛlɛle bɛhɔmanle Hibuluma la 10:35

Zɔhane ati bɛmmakpo aze fee, ɔluakɛ ɛhye mɔ amuala, ahatualɛ kpole bie li ɔ nzi.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

Dwɔhyua Buluku ne 1:6

Mmasulo, gyinla kpundii, ɔluakɛ ɛbali menli ɛhye mɔ ati na bɛava azɛlɛ ne bɛadɛnla zolɛ, kɛmɔ menvale membɔle bɛ nlenya mɔ ɛwɔkɛ la.

Dwɔhyua Buluku ne 1:7

Mmasulo, gyinla kpundii na di mɛla ne mɔɔ me sonvolɛ Mosisi vale manle wɔ la azo. Mmabu ɛ nye ɛgua zolɛ ɛkɔ bɛne anzɛɛ fema zo, amaa ɛleka biala mɔɔ ɛkɛhɔ la wɔali konim.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”

Dwɔhyua Buluku ne 14:14

Kɛkala, Hibulɔn tɛde Kalɛbe abo zo amra ɛdeɛ. Gyɛfɛni le Kinɛzenli. Kalɛbe yɛle tieyɛ manle Ɛdɛnkɛma, Yizilayɛ Nyamenle ne.

2 Dw 1:8

Bɛnlea bɛ nwo boɛ na bɛamminli mɔɔ bɛvɛ nwolɛ bɛnyia ye la, amaa bɛanyia bɛ ahatualɛ ne amuala.

Wulu 2:12

Ɛdɛnkɛma ɛyila wɔ wɔ mɔɔ wɔyɛ la anwo; Ɛdɛnkɛma ɛlo wɔ molozo na Yizilayɛ Nyamenle ne mɔɔ wɔravea ɔ ndɛba abo la ɛva wɔ ɛzie boɛ.”