2 Edk 15:3 - BAEBOLO ANZƐƐ BULUKU NWUANZANWUANZA

³ Mekɛ tendenle mɔɔ ɛraze ɛhɔ la ɛnee Yizilayɛma ɛnzonle nɔhalɛ Nyamenle ne. Bɛnlɛ sɛlɛvolɛma mɔɔ kilehile bɛ a, yɛɛ bɛnlɛ mɛla.

2 Edk 15:3 ပူးပေါင်းရင်းမြစ်များ

2 Edk 17:7

Mɔɔ Gyɛhɔhyafate lile ɛvolɛ nsa wɔ ebia ne azo la, ɔzoanle ye mgbanyima Bɛneheli, Obadaya, Zɛkalaya, Nɛtaniile, yɛɛ Maekaya kɛ bɛhɔhilehile wɔ Dwuda azuamgbole ne mɔ azo.

Nihɛmaya Buluku ne 8:9

Mɔɔ menli ne dele mɔɔ Mɛla ne se la, debie hwenle bɛ nu na bɛzunle. Na Sɛlɛvolɛ Nihɛmaya, mɔɔ le amɛnlado ne, nee mɛla kilehilevolɛ Ɛzela, nee Livaema mɔɔ hilehilele menli ne la zele bɛ kɛ, “Ɛnɛ kenle ye le nwuanzanwuanza maa Ɛdɛnkɛma bɛ Nyamenle ne. Bɛmmasu yɛɛ bɛmmadi nyane biala.”

Gyɛlɛmaya Buluku ne 10:10

Na wɔmɔ Ɛdɛnkɛma, ɛle nɔhalɛ Nyamenle; wɔmɔ a ɛle tease Nyamenle nee Damɛnlangoate Belemgbunli ne a. Saa ɔfa ɛya a azɛlɛ kpusu. Maanle maanle ɛngola ye ɛya nloa gyinla.

Gyɛlɛmaya Awolɛyelɛ 2:9

Zayɔn nlenkɛ mgbole ne mɔ ɛbubu ɛgua; bɛ nzi mbulalɛ ne mɔ ɛbubu; bɛhye ye belemgbunli nee ye mgbanyima bɛhɔ nlɔnu; mɛla ne ɛnle ɛkɛ bieko, yɛɛ ye Nyamenle kpɔmanvolɛma ɛnnwu ɛnyelɛzodeɛnwunlɛ ɛnvi Ɛdɛnkɛma ɛkɛ.

Hozia Buluku ne 3:4

Ɔluakɛ Yizilayɛma badɛnla ahyɛ dɔɔnwo mɔɔ bɛnrɛnyia belemgbunli anzɛɛ mgbanyima; bɛnrɛbɔ azu yɛɛ bɛnrɛnyia awolɛ mpila, bɛnrɛnyia mmonle anzɛɛ ananze mɔɔ bɛfa bɛayɛ sɛkɛlɛneɛ bɛazonle nee ɛzonlenlɛ tɛladeɛ Yifɔdo.

Sɛlɛ 10:11

Eza ɔwɔ kɛ bɛkilehile Yizilayɛma mɛla ne mɔ mɔɔ Ɛdɛnkɛma ɛlua Mosisi anwo zo ɛva ɛmaa bɛ la amuala.”

Sɛlɛ 10:8

Na Ɛdɛnkɛma dendɛle hilele Aalɔn kɛ,

Emɔzo Buluku ne 8:11

“Bɛnlea, mekɛ ne ɛlɛba mɔɔ mebamaa ɛhɔne azi azɛlɛ ne azo a. Tɛ aleɛ ɛhɔne anzɛɛ nzule ɛhɔne ɔ. Ɛdɛnkɛma edwɛkɛ ne anwo ɛhɔne nee nzuhɔne a bahu bɛ a. Medame, Awulae Nyamenle a mese a.

Maeka Buluku ne 3:11

Zolɛ mgbanyima die ndoloboa na bɛabua ndɛne, zolɛ sɛlɛvolɛma maa bɛbɔ bɛ ɛkpa na bɛahilehile Nyamenle edwɛkɛ ne, yɛɛ Nyamenle kpɔmanvolɛma pɛ bolɛ na bɛaha ɛbizalɛ edwɛkɛ ne. Noko bɛfa bɛ adwenle bɛto kɛ Ɛdɛnkɛma nee bɛ lua na bɛka kɛ, “Ɛdɛnkɛma de yɛ avinli. Munzule biala ɛnrɛra yɛ nwo zo.”

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Wulo 2:12

Bɛdabɛ mɔɔ bɛnle Dwuuma la ɛnlɛ Mosisi mɛla ne; yemɔti bɛyɛ ɛtane a bɛminli bɔbɔ ɛdeɛ, noko tɛ mɛla ne abo ɔ. Dwuuma a lɛ mɛla ne a, yemɔti bɛyɛ ɛtane a bɛnea mɛla ne azo a bɛbua bɛ ndɛne a.

1 Kɔl 9:21

Zɔhane ala yɛɛ meyɛ ye wɔ mekɛ mɔɔ mewɔ bɛdabɛ mɔɔ bɛnle Dwuuma la avinli a; meyɛ me nwo kɛ asɛɛ menle mɛla ne abo, amaa me sa aha bɛdabɛ noko. Ɛhye ɛngile kɛ menli Nyamenle mɛla ne azo; nɔhalɛ ne a le kɛ mewɔ Kelaese mɛla bo.

Mɛla 33:10

Bɛbahilehile Gyekɔbo abo zo amra wɔ ngyehyɛlɛ ne mɔ; bɛahilehile Yizilayɛma wɔ mɛla ne mɔ; bɛbakpu ɛyɛlɛ bɛamaa wɔ, bɛayela nane mumua bɛabɔ azu bɛamaa wɔ.

1 Tɛs 1:9

Menli zɔhane mɔ ka kɛ bɛzile bɛliele yɛ wɔ mekɛ mɔɔ yɛrale bɛ nwo lɔ la. Bɛka kɛ bɛzile bɛhwenle bɛ nwo bɛvile bɛ mmonle ngakyile ne mɔ anwo, bɛhɔle Nyamenle ɛkɛ na bɛzonlenle nɔhalɛ nee tease Nyamenle ne la.

1 Tem 3:2

Ɔwɔ kɛ asɔne kpanyinli biala yɛ sonla mɔɔ ngehanleɛ biala ɛnle ɔ nwo, ɔ ye kokye, ɔ nye gyi ɔ ti anwo, ɔkola ɔsɔ ɔ nwo, ɔ nye ka aze, ɔdie nyɛvolɛ na ɔkola ɔkilehile;

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.