2 Edk 15:2 - BAEBOLO ANZƐƐ BULUKU NWUANZANWUANZA

² Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 15:2 ပူးပေါင်းရင်းမြစ်များ

1 Arl 11:25

Ɔyɛle Yizilayɛma kpɔvolɛ wɔ Belemgbunli Sɔlɔmɔn mekɛ zo, ɔyɛle ninyɛndane kɛmɔ Heedade yɛle la; ɔhyile Yizilayɛma bɔkɔɔ wɔ mekɛ mɔɔ ɔdi Selea ebia ne la.

1 Arl 18:18

Yilaegya buale kɛ, “Tɛ mame a megyegye Yizilayɛma a. Wɔmɔ, nee ɛ ze sua nu amra a ɛgyegye Yizilayɛma a. Ɔluakɛ bɛzie Nyamenle mɛla ne ahane na bɛhɔli awozonle Beeyale ne mɔ anzi.

2 Arl 21:14

Bɛdabɛ mɔɔ bɛbavi ɛsalɛ la menrɛkpo bɛ bo zo. Mebaye bɛ meamaa bɛ kpɔvolɛma meamaa bɛali bɛ nwo zo konim na bɛava bɛ ninyɛne kɔsɔɔti.

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

2 Edk 11:12

Ɔvale atwɛ nee bɛ sa nu enyinlike ɔhɔle azuamgbole ɛhye mɔ biala azo, amaa bɛ nwo ayɛ se. Na ɔlile ye belemgbunli ne wɔ Dwuda nee Bɛngyaman maanzinli ne mɔ anu ala.

2 Edk 12:5

Nyamenle kpɔmanvolɛ Hyɛmaya rale Belemgbunli Rilihɔbowam nee Dwuda mgbanyima ne mɔ kɔsɔɔti mɔɔ ɛnee Hyaehyake ati bɛyia Gyɛlusalɛm la anwo ɛkɛ na ɔzele bɛ kɛ, “Ɛdɛnkɛma se, ‘Bɛkpo me, yemɔti medame noko mekpo bɛ memaa Hyaehyake.’ ”

2 Edk 13:12

Bɛnlea o, na Nyamenle nee yɛ a lua a, yɛɛ yemɔ yɛɛ li yɛ ti a. Ye sɛlɛvolɛma ne babɔ bɛ aweɛne ndendenle ne mɔ anu bɛamaa konle ne atia bɛ. O Yizilayɛma, bɛ nee bɛ ze mɔ Ɛdɛnkɛma Nyamenle ne mmako, ɔluakɛ bɛnrɛhola ɔ nyunlu gyinla.”

2 Edk 13:4

Abaegya gyinlanle Zɛmaleeyem Boka, wɔ Yifelaem awoka ne mɔ azo na ɔzele kɛ, “Gyɛlɔbowam nee Yizilayɛma amuala bɛdie me!

2 Edk 15:15

na Dwudama amuala anye liele kpole wɔ ɛhye anwo. Ɔluakɛ bɛvale bɛ ahonle muala a bɛhanle ndane bɛlile amonle ne a. Bɛvale bɛ ɛhulolɛ kɔsɔɔti bɛzonlenle Ɛdɛnkɛma, na Ɛdɛnkɛma liele bɛ dole nu na ɔmanle bɛ nzo nu dwole bɛ wɔ adenle biala anu.

2 Edk 15:4

Na saa munzule to bɛ a yɛɛ bɛsu bɛfɛlɛ Ɛdɛnkɛma, Yizilayɛ Nyamenle ne, bɛkpondɛ ɔ bo zo na bɛnwu ye a.

2 Edk 20:15

Gyaheezeɛle zele kɛ, “Bɛdie, Dwudama amuala nee Gyɛlusalɛmma, yɛɛ Belemgbunli Gyɛhɔhyafate, bɛdie! Ɛdɛnkɛma se, ‘Bɛmmasulo, yɛɛ bɛmmamaa bɛ rɛle bɔ kɛ menli ɛwolaa ɛhye ɛlɛba bɛ nwo zo a. Ɔluakɛ konle ne ɛnle bɛ konle. Ɔle Nyamenle ɔdaye ye konle.

2 Edk 20:17

Dwudama nee Gyɛlusalɛmma, ɔnrɛhyia kɛ bɛkɛho bɔbɔ wɔ konle ɛhye anu. Bɛmɛ bɛgyinla bɛ bo zo ne, bɛmmatu bɛ bo, na bɛnlea kɛ Ɛdɛnkɛma bazi aho bɛ ti ali konim la.’ Bɛmmasulo, yɛɛ bɛmmamaa bɛ rɛle bɔ. Ɛhyema bɛhɔteta bɛ na Ɛdɛnkɛma nee bɛ bahɔ.”

2 Edk 20:20

Bɛdwazole ndɛndɛ wɔ aleɛbahye ne ala na bɛhɔle Tɛkowa fienemgbole ne anu. Mɔɔ bɛkɔ la, Belemgbunli Gyɛhɔhyafate ragyinlanle adenle ne anloa na ɔzele bɛ kɛ, “Dwudama nee Gyɛlusalɛmma, bɛdie me! Bɛlie Ɛdɛnkɛma bɛ Nyamenle ne bɛli, na bɛbali konim. Bɛlie Nyamenle kpɔmanvolɛma ne bɛli, na bɛbaho bɛadɔ zolɛ.”

2 Edk 24:20

Na Nyamenle Sunsum ne dwule sɛlɛvolɛ Gyɛhɔyada ara Zɛkalaya anwo zo; ɔhɔgyinlanle ɛleka mɔɔ awie biala nwu ye la, na ɔzele bɛ kɛ, “Nyamenle se, ‘Duzu ati a bɛtietia Ɛdɛnkɛma Mɛla ne mɔ azo na bɛhwe munzule bɛmaa bɛ nwo ɛ? Kɛmɔ bɛkpo Ɛdɛnkɛma la, ɔdaye noko yekpo bɛ.’ ”

2 Edk 26:5

Mekɛ mɔɔ Zɛkalaya, mɔɔ yemɔ a ɛnee kilehile ye Nyamenle ɛzonlenlɛ la de ngoane nu la, Belemgbunli Ɛzaya vale ziele ɔ nyunlu ɔzonlenle Ɛdɛnkɛma, na Nyamenle manle ɔkpazile.

2 Edk 32:8

Yemɔ, ɔ nee menli a lua a, na yɛmɛ, yɛ nee Ɛdɛnkɛma, yɛ Nyamenle ne a lua a; ɔbaboa yɛ na yeaho konle ne yeamaa yɛ.” Na Dwuda Belemgbunli Hɛzikaya ɛdendɛlɛ ne manle menli ne anwosesebɛ.

2 Edk 33:11

Yemɔti Ɛdɛnkɛma manle Aselea belemgbunli ne safohyenlema vale bɛ ɛlɔnema rale bɛ nwo zo na bɛhyele Belemgbunli Manasɛ. Bɛbobɔle ye koba na bɛguale ye kɔbele nwɔnzɔnwɔnzɔ bɛ nee ye hɔle Babelɔn.

2 Edk 33:12

Wɔ ye amaneɛnwunlɛ ne anu, ɔzunle ɔvɛlɛle Ɛdɛnkɛma ye Nyamenle ne na ɔnlunle ɔ nwo wɔ ɔ ze mɔ Nyamenle ne anyunlu.

2 Edk 34:3

Belemgbunli Dwosaya lile ɛvolɛ mɔtwɛ wɔ ebia ne azo la, ɛnee ɔtɛde kakula bɔbɔ ɛdeɛ, noko ɔmanle ɔ nye bolole kɛ ɔsonle ɔ ze Devidi Nyamenle ne. Ɔlile ɛvolɛ bulu nee nwiɔ wɔ ebia ne azo la, ɔbɔle ɔ bo kɛ ɔtu awozonle ɛzonlenlɛ bo wɔ Dwuda nee Gyɛlusalɛm amuala, na ɔyeyele bɛ bozonle raalɛ Ahyela ne ananze ne mɔ, nee ananze ngakyile mɔɔ bɛgua nee mɔɔ bɛze la amuala.

Ɛzela Buluku ne 8:22

Ɔyɛle me nyiane kɛ kpɔvolɛ ti menwɔbiza belemgbunli kɛ ɔmaa ɛlɔnema ɛzinza yɛ wɔ adenle nu a, ɔluakɛ ɛnee meha mehile ye kɛ Nyamenle yila awie biala mɔɔ fa ɔ rɛle wula ye nu la. Ɔ nye ɛnlie bɛdabɛ mɔɔ bɛmbu ye la anwo, na ɔtea bɛdabɛ mɔɔ bɛkakyi bɛ nzi bɛsi ye la.

Edwɛndolɛ Buluku ne 34:4

Menzɛlɛle Ɛdɛnkɛma, na ɔliele zo, na ɔliele me ɔvile me ɛzulolɛ muala anu.

Edwɛndolɛ Buluku ne 53:2

Nyamenle bele ɔ nye anwuma lɔ nea menli, ɔnea saa nrɛlɛbɛvolɛma bie wɔ nu, mɔɔ sonle Nyamenle a.

Ayezaya Buluku ne 45:19

Meanga ye fealera nu, wɔ awozinli azɛlɛ bie azo; meanga meangile Gyekɔbo abo zo amra kɛ, ‘Bɛva basabasayɛlɛ bɛkpondɛ me bo zo.’ Medame Ɛdɛnkɛma, meka nɔhalɛ ne, meka mɔɔ le nɔhalɛ la meto gua.”

Ayezaya Buluku ne 51:1

Ɛdɛnkɛma se, “Bɛdabɛ mɔɔ bɛkpondɛ ngoane, bɛdabɛ mɔɔ bɛkpondɛ Ɛdɛnkɛma moalɛ la, bɛdie! Bɛnlea bodane ne mɔɔ bɛkpukele bɛyele bɛ nu, awolɛdulɛ kuma ne mɔɔ bɛdule bɛ nu la.

Ayezaya Buluku ne 7:13

Ayezaya buale ye kɛ, “Ɛnee bɛmɛ Devidi abo zo amra, bɛdie! Bɛdwenle kɛ ɔle nzɛmedɛ kɛ bɛkɛgyegye menli, mɔɔ yemɔti bɛlɛgyegye me Nyamenle ɔdaye noko a?

Gyɛlɛmaya Buluku ne 2:17

Yizilayɛ, ɛdawɔ a wɔmaa ɛhye ɛdo wɔ a! Ɛkpole Ɛdɛnkɛma wɔ Nyamenle ne, wɔ mekɛ mɔɔ ɛnee ɔlɛkile wɔ adenle ne la.

Emɔzo Buluku ne 5:14

Yɛ mɔɔ le kpalɛ la, mmayɛ mɔɔ le ɛtane la, amaa wɔadɛnla ngoane nu, na Ɛdɛnkɛma, Tumivolɛ Nyamenle ne nee wɔ alua, kɛmɔ ɛdawɔ wɔha la.

Zɛkalaya Buluku ne 1:3

Yemɔti ka kile bɛ kɛ, medame Tumivolɛ Ɛdɛnkɛma mese: Bɛzia bɛrɛla me nwo ɛke na medame mebazia meara bɛ nwo ɛkɛ, medame Tumivolɛ Ɛdɛnkɛma a mese a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:42

Bɛmmakɔ. Ɛdɛnkɛma nee bɛ ɛnlua, yemɔti bɛ kpɔvolɛma bali bɛ nwo zo konim.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:43

Saa bɛ nee Amalɛkema nee Keenama yia konle nu a, bɛ bie fee ɛnrɛha, ɔluakɛ bɛhakyi bɛ nzi bɛzi Ɛdɛnkɛma, yemɔti Ɛdɛnkɛma nee bɛ ɛnrɛhɔ.”

Edwɛkpa ne kɛmɔ Mateyu hɛlɛle la 13:9

Gyisɛse dwulale ye edwɛkɛ ne zɛhae, “Mɔɔ lɛ ɛnzonlɛ la ɛdie!”

Mɛla 20:1

“Saa bɛkɔ konle nloa kɛ bɛ nee bɛ kpɔvolɛma kaho, na bɛnwu kɛ kpɔvolɛma ɛlɔnema ne anwo zonle tɛla bɛ na bɛlɛ mgbɔnwɔ nee konle ehwili dɔɔnwo a, bɛmmasulo bɛ, ɔluakɛ Ɛdɛnkɛma bɛ Nyamenle ne mɔɔ nee bɛ vi Yigyibiti rale la nee bɛ a lua a.

Mɛla 31:17

Mekɛ zɔhane anu, mebava bɛ nwo ɛya na meamaa bɛazɛkye bɛ. Munzule dɔɔnwo basisi bɛ nwo zo na bɛanwu amaneɛ. Na ɔdwu zo a akee bɛbaha kɛ, ‘Ɛhye mɔ kɔsɔɔti ɛzi yɛ nwo zo, ɔboalekɛ yɛ Nyamenle ne ɛnle yɛ avinli.’

Mɛla 4:29

Na ɛkɛ ne yɛɛ akee bɛbakpondɛ Ɛdɛnkɛma bɛ Nyamenle ne a. Na saa bɛfa bɛ ahonle kpokpoti nee bɛ ɛkɛla kpokpoti bɛkpondɛ ye ɛdeɛ a, yemɔ bɛbanwu ye.

Kɛlata mɔɔ bɛhɛlɛle bɛhɔmanle Hibuluma la 10:38

Diedi zo yɛɛ sonla ne mɔɔ sɔ me nye la balua anyia ngoane a. Saa ɔsia ɔ nzi a, me nye ɛnrɛlie ɔ nwo.”

Kɛlata mɔɔ bɛhɛlɛle bɛhɔmanle Hibuluma la 12:25

Zɔhane ati, bɛnlea boɛ, na bɛamkpo kɛ bɛnrɛdie mɔɔ ɛlɛtendɛ la. Bɛdabɛ mɔɔ bɛkpole kɛ bɛnrɛdie mɔɔ hanle Nyamenle anloa edwɛkɛ ne hilele bɛ wɔ azɛlɛ ye azo la, anvi ɛsalɛ. Na saa akee yɛmɛ yɛkpo kɛ yɛnrɛdie mɔɔ tendɛ fi anwuma lɔ kile yɛ la a, kɛ ɔkɛyɛ na yɛavi ɛsalɛ ɛ?

Gyemise Kɛlata ne 4:8

Bɛhwe bɛbikye Nyamenle, na ɔdaye noko ɔkɛbikye bɛ. Bɛmɛ ɛtanevolɛma, bɛhakyi bɛ subane! Bɛde bɛ ahonle nu, bɛmɛ nabalabama!

Dwɔhyua Buluku ne 22:31

Fenɛhaze zele bɛ kɛ, “Kɛkala, yɛnwu kɛ Ɛdɛnkɛma nee yɛ a lua a. Bɛtɛkpole ye, bɛlie Yizilayɛma ngoane, bɛammaa Ɛdɛnkɛma andea yɛ.”

Dwɔhyua Buluku ne 24:20

yemɔti saa bɛgyakyi ye na bɛkɔsonle nyamenle gyɛne biala anzɛɛ awozonle a, ɔbahakyi ɔ nzi yeazi bɛ na yeadea bɛ. Ɔnvane ɔ nwo kɛ yeyɛ kpalɛ yemaa bɛ ɛlɛ, ɔbazɛkye bɛ.”

Yekile 2:11

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la, ewule ne mɔɔ tɔ zolɛ nwiɔ la bakpa ɔ ti.

Yekile 2:17

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. “Mɔɔ kɛli konim la mebamaa ye mana ne mɔɔ vea la bie. Mebamaa ko biala noko bolɛ fufule mɔɔ bɛhɛlɛ duma fofolɛ zolɛ la. Awie biala ɛnrɛhola ɛnrɛnwu duma ne kyesɛ ahenle ne mɔɔ bɛva bɛmaa ye la angomekye.

Yekile 2:29

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.

Yekile 2:7

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la. Mɔɔ kɛli konim la mebamaa ye adenle meamaa yeali ngoane baka ne mɔɔ gyi Nyamenle tola ne anu la ma ne bie.

Yekile 3:13

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.

Yekile 3:22

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.”

Yekile 3:6

“Sonla ne mɔɔ lɛ ɛnzonlɛ la ɛdie mɔɔ Sunsum ne ka kile asɔnema amuala la.

Maanlebuvolɛma Buluku ne 10:13

Noko bɛkpo me na bɛzonle nyamenle gyɛne, yemɔti menrɛlie bɛ bieko.

Maanlebuvolɛma Buluku ne 9:7

Mɔɔ Dwotam dele ɛhye la, ɔhɔle Gɛlaezem Boka ne azo na ɔdeanle nu ɔzele bɛ kɛ, “Bɛmɛ Hyikɛm amra, bɛdie me, na Nyamenle adie bɛdabɛ.

1 Sam 12:14

Saa bɛdi Ɛdɛnkɛma bɛ Nyamenle ne eni, bɛsonle ye, bɛtie ɔ ne, bɛdi ye mɛla ne mɔ azo, na bɛ nee bɛ belemgbunli ne toa ɔ bo zo ɛdeɛ a, debie biala bahɔ zolɛ fɔɔnwo amaa bɛ.

1 Sam 12:15

Na saa bɛandie Ɛdɛnkɛma ane na bɛbulu ye mɛla ne mɔ azo a, ɔ nee bɛ nee bɛ belemgbunli ne bali.