2 Edk 15:16 - BAEBOLO ANZƐƐ BULUKU NWUANZANWUANZA

¹⁶ Belemgbunli Esa dule ɔ nli Meeyaka ebia zo kɛ ɔnle ɛhyenlema bieko, ɔboalekɛ ɛnee yeyɛ bozonle raalɛ Ahyela bɛkyi ananze ne yezie ɔ nwo ɔsonle ye. Esa bubule bozonle raalɛ Ahyela ananze ne, ɔpele na ɔhɔyelale ye wɔ azudenle Kedelɔn ne anloa.

2 Edk 15:16 ပူးပေါင်းရင်းမြစ်များ

1 Arl 15:10

Esa dɛnlanle Gyɛlusalɛm, ɔlile ebia ne ɛvolɛ abulanla nee ko. Ɔ nla a le Meeyaka mɔɔ le Abesalɛm (Abaehyalɛm) ara raalɛ ne.

1 Arl 15:2

Ɔlile ebia ne ɛvolɛ nsa wɔ Gyɛlusalɛm. Ɔ nli a le Abaehyalɔn (Abesalɛm) ara raalɛ Meeyaka.

2 Arl 23:12

Azukponle ne mɔ mɔɔ Dwuda arelemgbunli ɛsisi wɔ suakunlu ɛkɛ ne azua ne mɔ ati zo ɛleka mɔɔ Belemgbunli Ehaze dɛnlanle la, Belemgbunli Dwosaya bubule bɛ. Eza ɔbubule nuhua ne mɔ mɔɔ Belemgbunli Manasɛ sisile wɔ Ɛzonlenlɛ Sua ne alie nwiɔ ne anwo la. Ɔbubule azukponle ne mɔ anu ngyikyi ngyikyi na bɛvuandinle bɛguale Kedelɔn bɔnza ne anu.

2 Arl 23:15

Belemgbunli Dwosaya manle bɛbubule ɛzonlenlɛ sua bie mɔɔ Belemgbunli Gyɛlɔbowam, Nibate ara ne zile wɔ Bɛtɛle la. Gyɛlɔbowam ɛhye a manle Yizilayɛma kɔsɔɔti yɛle ɛtane la. Dwosaya bubule azukponle ne, ɔbubule ye awolɛ ne mɔ anu na ɔmanle bɛpele ye motomoto. Eza ɔmanle bɛyelale Ahyela ananze ne.

2 Arl 23:4

Akee Belemgbunli Dwosaya zele Sɛlɛvolɛ Kpanyinli Helekaya, sɛlɛvolɛma mɔɔ boa ye, yɛɛ sinzavolɛma mɔɔ wɔ gyima nu wɔ Ɛzonlenlɛ Sua ne nlenkɛ ne mɔ anloa la kɛ bɛhwe debie biala mɔɔ bɛfa bɛsonle bozonle Beeyale, bozonle raalɛ Ahyela, yɛɛ anwumaneamra ne mɔ mɔɔ wɔ Ɛzonlenlɛ Sua ne anu la bɛvinde. Belemgbunli vale bɛ kɔsɔɔti hɔle Gyɛlusalɛm kandiba mɔɔ kɔne Azule Kedelɔn ne anloa la na ɔyelale bɛ, na ɔmanle bɛvale bɛ nzonle ne bɛhɔle Bɛtɛle.

2 Arl 23:6

Ɔyele bozonle raalɛ Ahyela ananze ne ɔvile Ɛzonlenlɛ Sua ne anu ɔvale ɔhɔle Gyɛlusalɛm kandiba wɔ Azule Kedelɔn ne anloa, ɔhɔyelale ye na ɔpele ɔmanle ɔyɛle motomoto, na ɔvale ɔkpondenle ye wɔ menli mgbanema nla zo wɔ maanle azie ne azo.

2 Edk 15:17

Yeanzɛkye ɛleka ne mɔ mɔɔ menli mɔɔ ɛnze Nyamenle la sonle la, noko Belemgbunli Esa lile nɔhalɛ manle Ɛdɛnkɛma wɔ mekɛ mɔɔ ɔde ngoane nu la.

2 Edk 29:16

Sɛlɛvolɛma ne wolole hɔle Ɛdɛnkɛma Ɛzonlenlɛ Sua ne akunlu lɔ na bɛhɔkpoɔkpoanle ɛkɛ ne bɛyele debie ɛtane biala mɔɔ bɛnwunle ye ɛkɛ ne la bɛvindele alie ne anwo. Na Livaema ne zoale ewula ne amuala hɔguale azudenle Kedelɔn ne anu.

2 Edk 30:14

Bɛkpale bɛguale na bɛdudule azukponle dɔɔnwo ne mɔ mɔɔ wɔ Gyɛlusalɛm mɔɔ bɛyela ɛyɛlɛ zo la amuala na bɛhɔvuandinle bɛ bɛguale Kedelɔn bɔnza ne anu.

2 Edk 34:7

Ɔbubule bɛ azukponle ne mɔ na ɔmanle bɛnlunle bɛ bozonle raalɛ Ahyela ananze ne mɔ nee mmonle ananze ne mɔ motomoto, na ɔbubule azukponle ne mɔ mɔɔ bɛyela ɛyɛlɛ wɔ zolɛ la, wɔ Yizilayɛ maanle ne amuala anu. Na akee ɔziale ɔhɔle Gyɛlusalɛm.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:20

Ɔvale ɛnlankɛ ananze ne mɔɔ bɛyɛ la, ɔvale senle ɔholole, ɔdinle ɔmanle ɔyɛle motomoto kɛ munlutu, na ɔvale ɔguale nzule ne mɔɔ bɛno la anu ɔmanle Yizilayɛma nlonle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:13

Bubu bɛ azukponle ne mɔ, tudu bɛ ɛzonlenlɛ mpila ne mɔ, na pepɛ bɛ bozonle raalɛ Ahyela sɛkɛlɛneɛ ne mɔ gua.

Sɛlɛ 26:30

Eza mebazɛkye bɛ ɛleka ne mɔ mɔɔ bɛkɔsonle la, na meabubu bɛ ɛyɛlɛ evuanlɛ azukponle ne mɔ, na meavuandi bɛdabɛ bɛ avunli meagua bɛ mmonle avunli ne mɔ azo, na meahyi bɛ bɔkɔɔ.

Zɛkalaya Buluku ne 13:3

Na saa awie biala finde kɛ ɔle Nyamenle kpɔmanvolɛ a, ɔ ze nee ɔ nli mɔɔ wole ye la baze ye kɛ, ‘Ɔwɔ kɛ bɛku wɔ, ɔluakɛ ɛfa Ɛdɛnkɛma duma ɛbɔ adalɛ.’ Na ɔ ze nee ɔ nli bawɔ ye atwɛ ahu ye nee ye Nyamenle nrɛlaleɛ ne.

Edwɛkpa ne kɛmɔ Maake hɛlɛle la 3:21

Ɔ nli nee ɔ mediema ne mɔ dele la, bɛrale kɛ bɛbava ye bɛahɔ, ɔluakɛ menli ɛlɛkeha kɛ, “Yezɛ!”

Dw 18:1

Gyisɛse wiele nzɛlɛlɛ ɛhye yɛ la, ɔ nee ye ɛdoavolɛma ne hɔpɛle hɔle azule ekyi bie mɔɔ bɛfɛlɛ ye Kedelɔn la anzi. Tola bie wɔ azule ne anzi na Gyisɛse nee ye ɛdoavolɛma ne hɔle nu.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

Mɛla 33:9

Bɛkpole bɛ ze mɔ nee bɛ nli mɔ, bɛzele bɛ kɛ bɛnze bɛ; bɛkpole mediema nee mralɛ, ɔluakɛ bɛlile wɔ mɛla zo, na bɛlile wɔ ngyekyeleɛ ne azo.

Mɛla 7:5

Kɛ ɔwɔ kɛ bɛyɛ bɛ la ɛne: bɛbubu bɛ azukponle ne mɔ bɛgua, na bɛbubu bɛ mpila sɛkɛlɛneɛ ne mɔ, bɛpepɛ bɛ bozonle raalɛ Ahyela ne sɛkɛlɛneɛ mbaka ne mɔ bɛgua, na bɛyela ananze ne mɔ mɔɔ bɛbubu bɛgua la.

Mɛla 9:21

Akee menvale munzudeɛ ne, mɔɔ le ɛnlankɛ ralɛ ananze ne mɔɔ bɛyɛle la mendole senle nu menyelale ye, membubule nu na mendinle ye motomoto memanle ɔyɛle kɛ munlutu, na mendole menguale azule ekyi ne mɔɔ senze vi boka ne anu ba la anu.