2 Edk 15:15 - BAEBOLO ANZƐƐ BULUKU NWUANZANWUANZA

¹⁵ na Dwudama amuala anye liele kpole wɔ ɛhye anwo. Ɔluakɛ bɛvale bɛ ahonle muala a bɛhanle ndane bɛlile amonle ne a. Bɛvale bɛ ɛhulolɛ kɔsɔɔti bɛzonlenle Ɛdɛnkɛma, na Ɛdɛnkɛma liele bɛ dole nu na ɔmanle bɛ nzo nu dwole bɛ wɔ adenle biala anu.

2 Edk 15:15 ပူးပေါင်းရင်းမြစ်များ

2 Arl 23:3

ɔgyinlanle mpila ne anwo na ɔvuale ɔhilele Ɛdɛnkɛma kɛ ɔbayɛ tieyɛ yeamaa ye, ɔbali ye mɛla ne mɔ azo, na yeayɛ debie biala mɔɔ ngyekyeleɛ ne kile kɛ bɛyɛ la, kɛmɔ bɛhɛlɛ ye wɔ buluku ne anu la. Na menli ne kɔsɔɔti bɛdabɛ bɛbɔle ɛwɔkɛ kɛ bɛkɛli ngyekyeleɛ ne azo.

1 Edk 16:10

Bɛli fɛlɛko wɔ ye duma nwuanzanwuanza ne ati; bɛmaa bɛdabɛ mɔɔ bɛkpondɛ Ɛdɛnkɛma la anye ɛlie.

2 Edk 11:16

Na bɛdabɛ mɔɔ ɛnee bɛyeye bɛ ahonle nu kɛ bɛsonle Yizilayɛ Ɛdɛnkɛma Nyamenle ne la vi Yizilayɛ mbusua ekpunli ekpunli ne mɔ anu hɔle Gyɛlusalɛm hɔbɔle azu manle Ɛdɛnkɛma, bɛ ze mɔ Nyamenle ne.

2 Edk 14:6

Ɔkyekyele azuamgbole wɔ Dwuda na ɔmanle bɛbɔle nwolɛ bane, ɔluakɛ ɛnee maanle ne lɛ anzonudwolɛ. Yeango konle biala wɔ ɛvolɛ zɔhane mɔ anu, ɔboalekɛ Ɛdɛnkɛma manle ye anzonudwolɛ.

2 Edk 14:7

Na ɔzele Dwudama kɛ, “Bɛmaa yɛkyekye azuamgbole ɛhye mɔ na yɛlie nwolɛ bane yɛyia, yɛmaa bɛ nlenkɛ mgbole mɔɔ mbulalɛ gugua bɛ nzi, na yɛsisi tawa mɔɔ bɛgyinla zolɛ bɛsinza la. Azɛlɛ ye tɛde yɛ ɛdeɛ, ɔboalekɛ yɛyɛ mɔɔ Ɛdɛnkɛma yɛ Nyamenle ne kpondɛ la. Yɛyɛ mɔɔ ɔkpondɛ la, yɛɛ ɔdaye noko yemaa yɛ anzonudwolɛ.” Yemɔti bɛkyekyele azuamgbole ne mɔ na bɛkpazile.

2 Edk 15:12

Na bɛyɛle ngyehyɛlɛ kɛ bɛfa bɛ ahonle nee bɛ ɛkɛla muala bɛazonle Ɛdɛnkɛma, bɛ ze mɔ Nyamenle ne.

2 Edk 15:14

Bɛvale ɛnelɛ kpole bɛdeɛdeanle nu, bɛbɔle aweɛne ndendenle nee ɛweɛne na bɛvale Ɛdɛnkɛma bɛlile amonle,

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 15:4

Na saa munzule to bɛ a yɛɛ bɛsu bɛfɛlɛ Ɛdɛnkɛma, Yizilayɛ Nyamenle ne, bɛkpondɛ ɔ bo zo na bɛnwu ye a.

2 Edk 15:6

Bɛ nuhua kpakyekpakyele, maanle honle tiale maanle, suakpole honle tiale suakpole, ɔluakɛ ɛnee Nyamenle ɛva ngyegyelɛ ɛrado bɛ avinli.

2 Edk 19:3

Noko akee, bɛnwu kpalɛ ekyi bie wɔ wɔ nuhua, ɔluakɛ wɔzɛkye bozonle raalɛ Ahyela ne ananze ne mɔ na wɔdua bɛ ɛzonlenlɛ wɔ maanle ye anu. Eza wɔva wɔzie wɔ ahonle nu kɛ ɛsonle Ɛdɛnkɛma ala.”

2 Edk 20:30

Yemɔti Belemgbunli Gyɛhɔhyafate akee ziele maanle ne anzonudwolɛ nu, ɔluakɛ Nyamenle bɔle ɔ nwo bane.

2 Edk 29:10

“Kɛkala, mebɔ kpɔkɛ kɛ me nee Ɛdɛnkɛma, Yizilayɛ Nyamenle ne yɛyɛ ngyekyeleɛ, amaa yeaye ye ɛya kpole ne yɛ nwo zo.

2 Edk 29:36

Na Belemgbunli Hɛzikaya nee menli ne amuala anye liele wɔ mɔɔ Nyamenle ɛyɛ ɛmaa menli ne la anwo, ɔluakɛ gyima zɛhae mɔɔ bɛlile la zenle waa.

2 Edk 34:31

Akee belemgbunli ne dwazole gyinlanle na ɔ nee Ɛdɛnkɛma yɛle ngyekyeleɛ kɛ ɔkɛzonle Ɛdɛnkɛma, ɔkɛli ye mɛla nee ngyehyɛlɛ zo, na ɔkɛva ye ahonle muala nee ye ɛkɛla muala ɔkɛli edwɛkɛ biala mɔɔ bɛhɛlɛ wɔ ngyekyeleɛ ne anu, na ɔwɔ buluku ne anu la azo.

Nihɛmaya Buluku ne 8:9

Mɔɔ menli ne dele mɔɔ Mɛla ne se la, debie hwenle bɛ nu na bɛzunle. Na Sɛlɛvolɛ Nihɛmaya, mɔɔ le amɛnlado ne, nee mɛla kilehilevolɛ Ɛzela, nee Livaema mɔɔ hilehilele menli ne la zele bɛ kɛ, “Ɛnɛ kenle ye le nwuanzanwuanza maa Ɛdɛnkɛma bɛ Nyamenle ne. Bɛmmasu yɛɛ bɛmmadi nyane biala.”

Dwobu Buluku ne 34:29

“Saa ɔyɛ koonwu a, nwane a kɛbu ye fɔlɛ a, yɛɛ ɔfea ɔ nwo a, nwane a kɛnwu ye a, saa maanle o anzɛɛ sonla ko o?

Edwɛndolɛ Buluku ne 119:10

Mebuke me ahonle nu mekpondɛ wɔ; mmamaa metwe me nwo mefi wɔ mɛla ne mɔ anwo.

Edwɛndolɛ Buluku ne 119:106

Meha ndane na memoa zolɛ kɛ menwɔli wɔ pɛlepɛle mɛla ne mɔ azo.

Edwɛndolɛ Buluku ne 119:111

Wɔ mɛla ne mɔ le me agyadeɛ dahuu; ɛhɛe, me ahonle la nwo.

Edwɛndolɛ Buluku ne 32:11

O pɛlepɛlema, Ɛdɛnkɛma ati, bɛli fɛlɛko na bɛmaa bɛ nye ɛlie, bɛdabɛ kɔsɔɔti mɔɔ bɛ ahonle nu te la, bɛva anyelielɛ bɛdeɛdea nuhua.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:3

Mosisi rahanle mɔɔ Ɛdɛnkɛma hanle la amuala nee nwolɛ mɛla ne amuala hilele menli ne. Menli ne mɔ kɔsɔɔti bɔle nu hanle kɛ, “Edwɛkɛ biala mɔɔ Ɛdɛnkɛma ɛha la, yɛbali zolɛ.”

Mrɛlɛbulɛ Buluku ne 3:17

Nrɛlɛbɛ adenle nu le anyelielɛ nee anzonudwolɛ ngome.

Ayezaya Buluku ne 26:8

Wɔ wɔ ndɛnebualɛ adenle nu yɛɛ yɛlɛkendɛ wɔ a, O Ɛdɛnkɛma; mɔɔ yɛkpondɛ la a le wɔ duma ne ɛhakyelɛ.

Ayezaya Buluku ne 45:19

Meanga ye fealera nu, wɔ awozinli azɛlɛ bie azo; meanga meangile Gyekɔbo abo zo amra kɛ, ‘Bɛva basabasayɛlɛ bɛkpondɛ me bo zo.’ Medame Ɛdɛnkɛma, meka nɔhalɛ ne, meka mɔɔ le nɔhalɛ la meto gua.”

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

Mɛla 26:11

na ɛdawɔ nee wɔ sua nu amra, nee Livaema nee nyɛvolɛ mɔɔ wɔ bɛ avinli la bɛali fɛlɛko na bɛ nye alie wɔ ninyɛne kpalɛ mɔɔ Ɛdɛnkɛma bɛ Nyamenle ne ɛva ɛmaa bɛ la ati.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:23

Megyi ninyɛne nwiɔ avinli. Me kunlu a anrɛɛ mevi ewiade ɛhye anu na me nee Kelaese ɛhɔdɛnla, ɛhye le debie kpalɛ totohyia.

Dwɔhyua Buluku ne 23:1

Mekɛ ne hɔle bie la, Ɛdɛnkɛma bɔle Yizilayɛma anwo bane wɔ bɛ kpɔvolɛma mɔɔ ɛbɔ ɛyia bɛ la asa anu. Mekɛ ne anu ɛnee Dwɔhyua ɛyɛ kpanyinli,

Dwɔhyua Buluku ne 24:25

Kenle ko ne Dwɔhyua nee menli ne yɛle ngyehyɛlɛ wɔ Hyikɛm na ɔvale mɛla ɔmanle bɛ kɛ bɛli zolɛ.