2 Edk 15:14 - BAEBOLO ANZƐƐ BULUKU NWUANZANWUANZA

¹⁴ Bɛvale ɛnelɛ kpole bɛdeɛdeanle nu, bɛbɔle aweɛne ndendenle nee ɛweɛne na bɛvale Ɛdɛnkɛma bɛlile amonle,

2 Edk 15:14 ပူးပေါင်းရင်းမြစ်များ

2 Edk 15:13

Bɛkyekyele ɔ bo kɛ awie biala mɔɔ anzonle Yizilayɛ Ɛdɛnkɛma Nyamenle ne la, saa ɔle kakula o, kpanyinli o, raalɛ o, nrenya o, ɔwɔ kɛ bɛku ye.

2 Edk 15:15

na Dwudama amuala anye liele kpole wɔ ɛhye anwo. Ɔluakɛ bɛvale bɛ ahonle muala a bɛhanle ndane bɛlile amonle ne a. Bɛvale bɛ ɛhulolɛ kɔsɔɔti bɛzonlenle Ɛdɛnkɛma, na Ɛdɛnkɛma liele bɛ dole nu na ɔmanle bɛ nzo nu dwole bɛ wɔ adenle biala anu.

Nihɛmaya Buluku ne 10:29

yɛ nee yɛ mgbanyima yɛbɔ nuhua yɛdi amonle, kɛ saa yɛbulu zolɛ a munzule ɛha yɛ, na yɛse kɛ, yɛbali Nyamenle Mɛla ne mɔɔ ɔluale ye sonvolɛ Mosisi anwo zo ɔvale ɔmanle yɛ la azo; yɛbali mɔɔ Ɛdɛnkɛma, yɛ Awulae ne kɛze yɛ biala la, yɛɛ yɛbali mɛla ne nee ngyehyɛlɛ ne mɔ azo.

Nihɛmaya Buluku ne 5:13

Akee menyele ɛdanlɛ kodoku ne mɔɔ hye me nze zo la na memkpokpole nuhua na menzele kɛ, “Awie biala mɔɔ yeanli ye ɛwɔkɛ mɔɔ yebɔ la azo la, Nyamenle badu ye avi ye sua nu, alie ye debie biala ɔ sa nu yeamaa yeaha ye kpoholokpo ne ala.” Awie biala mɔɔ wɔ ɛkɛ ne la liele zolɛ, “Amen”, na bɛyele Ɛdɛnkɛma ayɛlɛ. Na mgbanyima ne mɔ noko lile bɛ ɛwɔkɛ ne azo.

Edwɛndolɛ Buluku ne 98:6

Bɛva aweɛne ndendenle nee ɛweɛne bɛyeyɛ Ɛdɛnkɛma, yɛ Belemgbunli ne anyelielɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:3

Mosisi rahanle mɔɔ Ɛdɛnkɛma hanle la amuala nee nwolɛ mɛla ne amuala hilele menli ne. Menli ne mɔ kɔsɔɔti bɔle nu hanle kɛ, “Edwɛkɛ biala mɔɔ Ɛdɛnkɛma ɛha la, yɛbali zolɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:7

Akee ɔvale ngyekyeleɛ buluku ne, na ɔgengale ɔhilele menli ne; na bɛhanle kɛ, “Edwɛkɛ biala mɔɔ Ɛdɛnkɛma ɛha la yɛbayɛ, yɛɛ yɛbayɛ tieyɛ yeamaa ye.”

Dwɔhyua Buluku ne 24:24

Menli ne zele Dwɔhyua kɛ, “Yɛbazonle Ɛdɛnkɛma yɛ Nyamenle ne. Yɛbali ye mɛla ne mɔ azo.”