2 Edk 14:7 - BAEBOLO ANZƐƐ BULUKU NWUANZANWUANZA

⁷ Na ɔzele Dwudama kɛ, “Bɛmaa yɛkyekye azuamgbole ɛhye mɔ na yɛlie nwolɛ bane yɛyia, yɛmaa bɛ nlenkɛ mgbole mɔɔ mbulalɛ gugua bɛ nzi, na yɛsisi tawa mɔɔ bɛgyinla zolɛ bɛsinza la. Azɛlɛ ye tɛde yɛ ɛdeɛ, ɔboalekɛ yɛyɛ mɔɔ Ɛdɛnkɛma yɛ Nyamenle ne kpondɛ la. Yɛyɛ mɔɔ ɔkpondɛ la, yɛɛ ɔdaye noko yemaa yɛ anzonudwolɛ.” Yemɔti bɛkyekyele azuamgbole ne mɔ na bɛkpazile.

2 Edk 14:7 ပူးပေါင်းရင်းမြစ်များ

1 Arl 15:23

Bɛhɛlɛ mɔdenle mɔɔ Belemgbunli Esa bɔle, ye akɛnrasesebɛ nee ye tumi nee azua mɔɔ ɔkyekyele la amuala anwo edwɛkɛ wɔ Dwuda Arelemgbunli Tetedwɛkɛ Buluku ne anu. Esa yɛle kpanyinli kpalɛ na nzinlii ɔ gyakɛ hunle ye manle ɔyɛle abubura.

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

2 Edk 14:4

Ɔhyehyɛle kɛ Dwudama kɔsɔɔti ɛzonle bɛ ze mɔ Ɛdɛnkɛma Nyamenle ne, na bɛli ye mɛla nee ye ngyehyɛlɛ ne mɔ azo.

2 Edk 14:6

Ɔkyekyele azuamgbole wɔ Dwuda na ɔmanle bɛbɔle nwolɛ bane, ɔluakɛ ɛnee maanle ne lɛ anzonudwolɛ. Yeango konle biala wɔ ɛvolɛ zɔhane mɔ anu, ɔboalekɛ Ɛdɛnkɛma manle ye anzonudwolɛ.

2 Edk 15:15

na Dwudama amuala anye liele kpole wɔ ɛhye anwo. Ɔluakɛ bɛvale bɛ ahonle muala a bɛhanle ndane bɛlile amonle ne a. Bɛvale bɛ ɛhulolɛ kɔsɔɔti bɛzonlenle Ɛdɛnkɛma, na Ɛdɛnkɛma liele bɛ dole nu na ɔmanle bɛ nzo nu dwole bɛ wɔ adenle biala anu.

2 Edk 17:13

yɛɛ ɔlɛ konle ninyɛne dɔɔnwo kpalɛ wɔ Dwuda azuamgbole ne mɔ azo. Ɔlɛ ɛlɔnema mɔɔ ze ko kpalɛ la wɔ Gyɛlusalɛm.

2 Edk 17:17

Wɔ Bɛngyaman maanzinli nu, nrenya katakyie Yilayada a le safohyenle kpanyinli a, ɔnea ɛlɔnema apenle ngoko ɛya nwiɔ mɔɔ ze ɛda to na bɛdedɛ enyinlike la anwo zo.

2 Edk 20:30

Yemɔti Belemgbunli Gyɛhɔhyafate akee ziele maanle ne anzonudwolɛ nu, ɔluakɛ Nyamenle bɔle ɔ nwo bane.

2 Edk 25:5

Akee Amazaya boɔboale Dwuda ɛlɔnema anloa na ɔhyɛle bɛ ekpunli ɛya ngoko nee apenle ngoko, kɛmɔ bɛ ze mɔ mbusua ne mɔ de wɔ Dwuda nee Bɛngyaman maanzinli ne mɔ anu la, na ɔvale safohyenlema ɔlile bɛ ti. Ɔboɔboale menli mɔɔ ɛli ɛvolɛ abulanwiɔ mɔɔ kɔ la anloa. Bɛlua menli apenle ngoko ɛya nsa mɔɔ kola fa atwɛ nee bɛ sa nu enyinlike ko kpalɛ kpalɛ a.

2 Edk 26:13

Ɛlɔnema mɔɔ wɔ bɛ bo, mɔɔ gyinla belemgbunli ne anzi ko tia ye kpɔvolɛma la le apenle ngoko ɛya nsa nee nsuu menli ɛya nnu, mɔɔ kola gyinla konle nloa kpalɛ kpalɛ a.

2 Edk 32:5

Akee belemgbunli ne manle bɛliele suakpole ne bane ne mɔ mɔɔ ɛha ɛgua la, na bɛsisile tawa wɔ zolɛ; eza ɔmanle bɛmiemianle bane ne mɔɔ bɛlie bɛ wɔ suakpole ne aduduleɛ ɛleka mɔɔ ɛnee kuma kpole ne mɔɔ bɛduale ye la wɔ la anu. Eza ɔmanle bɛyɛle atwɛ nee bɛ sa nu enyinlike dɔɔnwo.

2 Edk 8:5

Ɔkyekyele Sɔlɔ Bɛte Hɔlɔn nee Aleze Bɛte Hɔlɔn (ɔliele biala anwo bane na ɔvale mbulalɛ ɔguguale bɛ nlenkɛ mgbole ne mɔ anzi).

Dw 9:4

Alehyenlɛ ye wɔ zo la, ɔwɔ kɛ yɛkɔ zolɛ yɛyɛ mɔɔ zoanle me la gyima ne; aledwolɛ ɛlɛba mɔɔ awie ɛngola ɛnyɛ gyima a.

Ɛzoanvolɛma Gyima ne 9:31

Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.

Dwɔhyua Buluku ne 23:1

Mekɛ ne hɔle bie la, Ɛdɛnkɛma bɔle Yizilayɛma anwo bane wɔ bɛ kpɔvolɛma mɔɔ ɛbɔ ɛyia bɛ la asa anu. Mekɛ ne anu ɛnee Dwɔhyua ɛyɛ kpanyinli,

1 Pit 3:12

Ɔluakɛ Nyamenle anye wɔ pɛlepɛlelilɛma anwo zo, na ɔbuke ɔ nzo ɔtie bɛ nzɛlɛlɛ dahuu. Na bɛdabɛ mɔɔ bɛdi ɛtane la, Awulae kakyi ɔ nzi si bɛ.”