2 Edk 14:6 - BAEBOLO ANZƐƐ BULUKU NWUANZANWUANZA

⁶ Ɔkyekyele azuamgbole wɔ Dwuda na ɔmanle bɛbɔle nwolɛ bane, ɔluakɛ ɛnee maanle ne lɛ anzonudwolɛ. Yeango konle biala wɔ ɛvolɛ zɔhane mɔ anu, ɔboalekɛ Ɛdɛnkɛma manle ye anzonudwolɛ.

2 Edk 14:6 ပူးပေါင်းရင်းမြစ်များ

1 Arl 5:4

Kɛkala, mame melɛ anzonudwolɛ; Ɛdɛnkɛma ɛmaa me nzo nu ɛdwo me, mende kpɔvolɛ biala nganeɛ yɛɛ esiane biala ɛtɛbale.

1 Edk 22:13

Saa ɛdi mɛla ne mɔɔ Ɛdɛnkɛma luale Mosisi anwo zo vale manle Yizilayɛma la azo kpalɛ a, ɛbakpazi. Sie ɛ ti koonwu, na maa wɔ adwenle ɛgyinla, amaa debie biala andu wɔ ahonle.

1 Edk 22:9

Na ɔbɔle me ɛwɔkɛ kɛ, ‘Ɛbawo ralɛ nrenya mɔɔ bali ye ebia ne anzonudwolɛ nu a, ɔluakɛ mebamaa ɔ nwo adɔ ye wɔ ye agbɔvolɛ mɔɔ ɛbɔ ɛyia ye la kɔsɔɔti asa anu. Bɛbavɛlɛ ye Sɔlɔmɔn, na ye mekɛ zo, mebamaa Yizilayɛma kɔsɔɔti anzo nu adwo bɛ na bɛ nwo adɔ bɛ.

2 Edk 15:15

na Dwudama amuala anye liele kpole wɔ ɛhye anwo. Ɔluakɛ bɛvale bɛ ahonle muala a bɛhanle ndane bɛlile amonle ne a. Bɛvale bɛ ɛhulolɛ kɔsɔɔti bɛzonlenle Ɛdɛnkɛma, na Ɛdɛnkɛma liele bɛ dole nu na ɔmanle bɛ nzo nu dwole bɛ wɔ adenle biala anu.

2 Edk 17:4

Ɔzonlenle ɔ ze mɔ Nyamenle ne na ɔlile ye mɛla ne mɔ azo. Yeanyɛ ye kɛmɔ Yizilayɛma yɛle la.

2 Edk 20:30

Yemɔti Belemgbunli Gyɛhɔhyafate akee ziele maanle ne anzonudwolɛ nu, ɔluakɛ Nyamenle bɔle ɔ nwo bane.

2 Edk 26:5

Mekɛ mɔɔ Zɛkalaya, mɔɔ yemɔ a ɛnee kilehile ye Nyamenle ɛzonlenlɛ la de ngoane nu la, Belemgbunli Ɛzaya vale ziele ɔ nyunlu ɔzonlenle Ɛdɛnkɛma, na Nyamenle manle ɔkpazile.

2 Edk 31:21

Belemgbunli ne kpazile, ɔboalekɛ ɔdule ɔ nwo ɔmanle ye Nyamenle ne na ɔkpɔlale ɔ kunlu ɔlile gyima biala mɔɔ wɔ Ɛzonlenlɛ Sua ne anu, anzɛɛ Nyamenle Mɛla ne azo ɛlilɛ nu la.

2 Edk 34:3

Belemgbunli Dwosaya lile ɛvolɛ mɔtwɛ wɔ ebia ne azo la, ɛnee ɔtɛde kakula bɔbɔ ɛdeɛ, noko ɔmanle ɔ nye bolole kɛ ɔsonle ɔ ze Devidi Nyamenle ne. Ɔlile ɛvolɛ bulu nee nwiɔ wɔ ebia ne azo la, ɔbɔle ɔ bo kɛ ɔtu awozonle ɛzonlenlɛ bo wɔ Dwuda nee Gyɛlusalɛm amuala, na ɔyeyele bɛ bozonle raalɛ Ahyela ne ananze ne mɔ, nee ananze ngakyile mɔɔ bɛgua nee mɔɔ bɛze la amuala.

Dwobu Buluku ne 34:29

“Saa ɔyɛ koonwu a, nwane a kɛbu ye fɔlɛ a, yɛɛ ɔfea ɔ nwo a, nwane a kɛnwu ye a, saa maanle o anzɛɛ sonla ko o?

Edwɛndolɛ Buluku ne 46:9

Ɔmaa bɛgyakyi konle wɔ azɛlɛ ye amuala azo; ɔbubu ɛda nee atwɛ ne mɔ, ɔfa senle ɔyela konle ehwili ne mɔ!

Dwɔhyua Buluku ne 23:1

Mekɛ ne hɔle bie la, Ɛdɛnkɛma bɔle Yizilayɛma anwo bane wɔ bɛ kpɔvolɛma mɔɔ ɛbɔ ɛyia bɛ la asa anu. Mekɛ ne anu ɛnee Dwɔhyua ɛyɛ kpanyinli,

Maanlebuvolɛma Buluku ne 3:11

Na akee anzonudwolɛ rale maanle ne anu ɛvolɛ abulanla. Na Kinaze ara Ɔteneɛle wule.

Maanlebuvolɛma Buluku ne 3:30

Kenle ko zɔhane Yizilayɛma lile Mowabema anwo zo konim. Na anzonudwolɛ rale maanle ne anu ɛvolɛ abulatwɛ.

Maanlebuvolɛma Buluku ne 5:31

O Ɛdɛnkɛma, maa menli mɔɔ kpɔ wɔ la abo zo ɛbɔ, na maa bɛdabɛ mɔɔ bɛkulo wɔ la ɛda wienyi kɛ mangyee sɛnzɛne. Na anzonudwolɛ rale maanle ne anu ɛvolɛ abulanla.