2 Edk 14:4 - BAEBOLO ANZƐƐ BULUKU NWUANZANWUANZA

⁴ Ɔhyehyɛle kɛ Dwudama kɔsɔɔti ɛzonle bɛ ze mɔ Ɛdɛnkɛma Nyamenle ne, na bɛli ye mɛla nee ye ngyehyɛlɛ ne mɔ azo.

2 Edk 14:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

2 Edk 11:16

Na bɛdabɛ mɔɔ ɛnee bɛyeye bɛ ahonle nu kɛ bɛsonle Yizilayɛ Ɛdɛnkɛma Nyamenle ne la vi Yizilayɛ mbusua ekpunli ekpunli ne mɔ anu hɔle Gyɛlusalɛm hɔbɔle azu manle Ɛdɛnkɛma, bɛ ze mɔ Nyamenle ne.

2 Edk 14:3

Ɔbubule azukponle gyɛne gyɛne ne mɔ nee ɛleka ne mɔ mɔɔ menli mɔɔ ɛnze Nyamenle la sonle la. Ɔbubule bɛ awozonle mpila sɛkɛlɛneɛ ne mɔ na ɔpɛle bɛ bozonle raalɛ Ahyela sɛkɛlɛneɛ baka ne ɔdole.

2 Edk 14:5

Eza ɔbubule ɛleka ne mɔ mɔɔ menli mɔɔ ɛnze Nyamenle la sonle wɔ Dwuda azuamgbole ne mɔ azo la amuala na ɔbubule bɛ azukponle ne mɔ mɔɔ bɛkpu ɛyɛlɛ zolɛ la.

2 Edk 29:21

Bɛvale nlankɛ nyinli nsuu, mboane nyinli nsuu, mboane mralɛ nsuu, yɛɛ akee mbɔnkye nyinli nsuu kɛ bɛva bɛbɔ ɛtanefakyɛ azu wɔ belemgbunli nee ye awuke nu amra, Dwuda maanle ne amuala, yɛɛ Ɛzonlenlɛ Sua ne ati. Belemgbunli zele sɛlɛvolɛma ne, Aalɔn abo zo amra ne mɔ kɛ bɛbɔ azu ne wɔ Ɛdɛnkɛma azukponle ne azo.

2 Edk 29:27

Akee Belemgbunli Hɛzikaya yɛle kɛ bɛbɔ ɛyelalɛ azu ne wɔ azukponle ne azo. Mɔɔ bɛbɔle ɛyelalɛ azu ne abo la, bɛbɔle Ɛdɛnkɛma ayɛlɛyelɛ edwɛne ɛdolɛ bo, bɛbɔle aweɛne ndendenle ne na bɛbɔle agolebɔlɛ ninyɛne ne mɔ mɔɔ Yizilayɛ Belemgbunli Devidi yɛle manle bɛ la.

2 Edk 29:30

Na Belemgbunli Hɛzikaya nee ye mgbanyima ne zele Livaema ne kɛ bɛdo edwɛne ne mɔɔ Belemgbunli Devidi nee Esafe yɛle la bie bɛyeyɛ Ɛdɛnkɛma. Na bɛvale anyelielɛ bɛdole edwɛne, bɛbɔle bɛ ti aze bɛyeyɛle Ɛdɛnkɛma.

2 Edk 30:12

Nyamenle tumi ne noko yɛle gyima wɔ Dwuda manle menli ne amuala yɛle ko, na bɛyɛle debie biala mɔɔ belemgbunli ne nee ye mgbanyima ne mɔ luale Ɛdɛnkɛma duma nu hanle hilele bɛ la.

2 Edk 30:19

“Ahunlunyele Ɛdɛnkɛma ɛva awie biala mɔɔ ɛva ye ahonle ɛmaa Nyamenle, bɛ ze mɔ Ɛdɛnkɛma Nyamenle ne, na ɔ nwo ɛnde, kɛmɔ ye ɛzonlenlɛ nu mɛla ne de la ɛtane ɛhyɛ ye.”

2 Edk 33:16

Ɔyɛle Ɛdɛnkɛma azukponle ne boɛ na ɔbɔle anzonudwolɛ nee moyɛlɛ azu wɔ zolɛ ɔmanle Ɛdɛnkɛma, na ɔzele Dwudama kɛ bɛzonle Ɛdɛnkɛma, Yizilayɛ Nyamenle ne.

Nihɛmaya Buluku ne 13:9

Akee memanle bɛnluanle sua ne anu na bɛvale Ɛzonlenlɛ Sua ne anu ninyɛne ne mɔ, mɔɔ le ahyɛnze, ma azubɔdeɛ, nee ɛyɛlɛ mɔ la bɛrale nuhua.

Edwɛndolɛ Buluku ne 119:10

Mebuke me ahonle nu mekpondɛ wɔ; mmamaa metwe me nwo mefi wɔ mɛla ne mɔ anwo.

Emɔzo Buluku ne 5:4

Ɛdɛnkɛma ɛlɛse Yizilayɛma kɛ, “Bɛkpondɛ me bo zo na bɛkɛnyia ngoane.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

1 Sam 3:13

Melumua meha mehile ye kɛ mebadea ye abusua ne ndeanlɛ mɔɔ ɛnlɛ awieleɛ la, ɔboalekɛ ɔ mra ne mɔ dendɛle ɛtane tiale Nyamenle mɔɔ ɔdaye Yilae ɔze a, noko yeandua bɛ.