2 Edk 14:3 - BAEBOLO ANZƐƐ BULUKU NWUANZANWUANZA

³ Ɔbubule azukponle gyɛne gyɛne ne mɔ nee ɛleka ne mɔ mɔɔ menli mɔɔ ɛnze Nyamenle la sonle la. Ɔbubule bɛ awozonle mpila sɛkɛlɛneɛ ne mɔ na ɔpɛle bɛ bozonle raalɛ Ahyela sɛkɛlɛneɛ baka ne ɔdole.

2 Edk 14:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

2 Arl 18:4

Ɔzɛkyele awozonle ɛzonlenlɛ ɛleka ne mɔ, ɔbubule awolɛ mpila ne mɔ na ɔzɛkyele bozonle raalɛ Ahyela ne ananze ne mɔ. Eza ɔbubule kɔbele ɛwɔlɛ ne mɔɔ Mosisi yɛle mɔɔ bɛvɛlɛle ye Nehɛhyetan la, ɔluakɛ ɛnee menli kɔkpu ɛyɛlɛ wɔ ɛkɛ ne sonle ye.

2 Arl 23:14

Belemgbunli Dwosaya manle bɛbubule awolɛ mpila ne mɔ na bɛzɛkyele bozonle raalɛ Ahyela ananze ne. Ɔvulale menli avunli mbowule ɔraguguale ɛleka mɔɔ anrɛɛ mmonle ɛhye mɔ gyigyi la.

2 Arl 23:6

Ɔyele bozonle raalɛ Ahyela ananze ne ɔvile Ɛzonlenlɛ Sua ne anu ɔvale ɔhɔle Gyɛlusalɛm kandiba wɔ Azule Kedelɔn ne anloa, ɔhɔyelale ye na ɔpele ɔmanle ɔyɛle motomoto, na ɔvale ɔkpondenle ye wɔ menli mgbanema nla zo wɔ maanle azie ne azo.

2 Edk 14:2

Esa yɛle mɔɔ le kpalɛ la na ɔzɔle Ɛdɛnkɛma ye Nyamenle ne anye.

2 Edk 14:4

Ɔhyehyɛle kɛ Dwudama kɔsɔɔti ɛzonle bɛ ze mɔ Ɛdɛnkɛma Nyamenle ne, na bɛli ye mɛla nee ye ngyehyɛlɛ ne mɔ azo.

2 Edk 15:17

Yeanzɛkye ɛleka ne mɔ mɔɔ menli mɔɔ ɛnze Nyamenle la sonle la, noko Belemgbunli Esa lile nɔhalɛ manle Ɛdɛnkɛma wɔ mekɛ mɔɔ ɔde ngoane nu la.

2 Edk 33:16

Ɔyɛle Ɛdɛnkɛma azukponle ne boɛ na ɔbɔle anzonudwolɛ nee moyɛlɛ azu wɔ zolɛ ɔmanle Ɛdɛnkɛma, na ɔzele Dwudama kɛ bɛzonle Ɛdɛnkɛma, Yizilayɛ Nyamenle ne.

2 Edk 34:4

Ɔbubule bɛ bozonle Beeyale ne azukponle ne mɔ, ɔbubule ɛyɛlɛ azukponle ne mɔ mɔɔ gyigyi nwolɛ la, na ɔbubule bozonle raalɛ Ahyela ananze ne mɔ, nee ananze mɔɔ bɛze nee mɔɔ bɛgua la amuala. Ɔdinle bɛ ɔmanle bɛyɛle motomoto kɛ munlutu na ɔkpondenle ye wɔ menli mɔɔ zonlenle ninyɛne zɔhane mɔ na bɛwu la sɛka zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:13

Bubu bɛ azukponle ne mɔ, tudu bɛ ɛzonlenlɛ mpila ne mɔ, na pepɛ bɛ bozonle raalɛ Ahyela sɛkɛlɛneɛ ne mɔ gua.

Sɛlɛ 26:30

Eza mebazɛkye bɛ ɛleka ne mɔ mɔɔ bɛkɔsonle la, na meabubu bɛ ɛyɛlɛ evuanlɛ azukponle ne mɔ, na meavuandi bɛdabɛ bɛ avunli meagua bɛ mmonle avunli ne mɔ azo, na meahyi bɛ bɔkɔɔ.

Mɛla 7:25

Bɛyela bɛ ananze ne mɔ mɔɔ bɛgua la kɔsɔɔti wɔ senle nu. Bɛmmamaa bɛ nye bolo ezukoa nvutuke anzɛɛ dwɛtɛ fufule ne mɔ mɔɔ bɛholo bɛgua nwolɛ la na anrɛɛ bɛkɛzua bɛ nwo ɛhane, ɔluakɛ bɛle Ɛdɛnkɛma bɛ Nyamenle ne kyibadeɛ.

Mɛla 7:5

Kɛ ɔwɔ kɛ bɛyɛ bɛ la ɛne: bɛbubu bɛ azukponle ne mɔ bɛgua, na bɛbubu bɛ mpila sɛkɛlɛneɛ ne mɔ, bɛpepɛ bɛ bozonle raalɛ Ahyela ne sɛkɛlɛneɛ mbaka ne mɔ bɛgua, na bɛyela ananze ne mɔ mɔɔ bɛbubu bɛgua la.