2 Edk 14:2 - BAEBOLO ANZƐƐ BULUKU NWUANZANWUANZA

² Esa yɛle mɔɔ le kpalɛ la na ɔzɔle Ɛdɛnkɛma ye Nyamenle ne anye.

2 Edk 14:2 ပူးပေါင်းရင်းမြစ်များ

1 Arl 15:11

Esa ɛbɛla zɔle Ɛdɛnkɛma anye kɛ ɔ nlenya Devidi ɛdeɛ ne la.

1 Arl 15:12

Ɔduale mrenya tuutuu ɛbɛla ɛbɔlɛ wɔ ɛleka ɛleka mɔɔ bɛsonle la wɔ maanle ne anu na ɔvuandinle awozonle mɔɔ ɔ ze mɔ zieziele la amuala ɔguale.

1 Arl 15:14

Esa anzɛkye mmonle azua ne mɔ amuala bɔbɔ ɛdeɛ, noko ɔvale ye ahonle muala ɔzonlenle Ɛdɛnkɛma wɔ mekɛ mɔɔ ɔde aze la.

2 Edk 14:1

Belemgbunli Abaegya hɔle ayile nu na bɛwulale ye mrɛlatɛlɛ nu wɔ Devidi Suakpole zo, na ɔ ra Esa lile ebia ne. Wɔ Belemgbunli Esa mekɛ zo maanlema ne anzo nu dwole bɛ ɛvolɛ bulu.

2 Edk 14:3

Ɔbubule azukponle gyɛne gyɛne ne mɔ nee ɛleka ne mɔ mɔɔ menli mɔɔ ɛnze Nyamenle la sonle la. Ɔbubule bɛ awozonle mpila sɛkɛlɛneɛ ne mɔ na ɔpɛle bɛ bozonle raalɛ Ahyela sɛkɛlɛneɛ baka ne ɔdole.

2 Edk 15:16

Belemgbunli Esa dule ɔ nli Meeyaka ebia zo kɛ ɔnle ɛhyenlema bieko, ɔboalekɛ ɛnee yeyɛ bozonle raalɛ Ahyela bɛkyi ananze ne yezie ɔ nwo ɔsonle ye. Esa bubule bozonle raalɛ Ahyela ananze ne, ɔpele na ɔhɔyelale ye wɔ azudenle Kedelɔn ne anloa.

2 Edk 17:6

Ɔgyinlanle kpundii wɔ Ɛdɛnkɛma ɛzonlenlɛ nu, yɛɛ eza ɔzɛkyele ɛleka ne mɔ mɔɔ menli mɔɔ ɛnze Nyamenle la sonle la, na ɔdule bɛ bozonle Ahyela ne abo wɔ Dwuda maanle ne anu.

2 Edk 20:32

Ɔvale ɔ ze Esa agyakɛ na ɔbɔle ɛbɛla mɔɔ ɔ ze bɔle la bie; yeangakyi ye nyɛleɛ, na ɔyɛle mɔɔ sɔ Ɛdɛnkɛma anye la.

2 Edk 21:12

Nyamenle kpɔmanvolɛ Yilaegya manle bɛvale kɛlata bɛrɛlɛle Belemgbunli Gyɛhɔlam kɛ, “Ɛdɛnkɛma, ɛ ze Devidi Nyamenle ne se, ‘Kɛmɔ wɔanva ɛ ze Gyɛhɔhyafate anzɛɛ Dwuda Belemgbunli Esa agyakɛ,

2 Edk 31:1

Mɔɔ ɛhye mɔ amuala wiele la, Yizilayɛma mɔɔ rale la hɔle Dwuda azuamgbole ne mɔ azo, bɛhɔbubule mpila ne mɔ mɔɔ bɛsisi, bɛ bozonle raalɛ Ahyela ne ananze ne mɔ, ɛleka ne mɔ mɔɔ menli mɔɔ ɛnze Nyamenle la sonle la, nee azukponle ne mɔ kɔsɔɔti mɔɔ wɔ Dwuda nee Bɛngyaman maanzinli ne mɔ anu, nee Yifelaem nee Manasɛ maanzinli ne mɔ anu la amuala. Akee awie biala hɔle ye sua zo.

2 Edk 31:20

Belemgbunli Hɛzikaya lile nɔhalɛ na ɔbɔle mɔdenle ɔyɛle mɔɔ le kpalɛ na ɔsɔ Ɛdɛnkɛma ye Nyamenle ne anye la wɔ Dwuda amuala.

2 Edk 34:7

Ɔbubule bɛ azukponle ne mɔ na ɔmanle bɛnlunle bɛ bozonle raalɛ Ahyela ananze ne mɔ nee mmonle ananze ne mɔ motomoto, na ɔbubule azukponle ne mɔ mɔɔ bɛyela ɛyɛlɛ wɔ zolɛ la, wɔ Yizilayɛ maanle ne amuala anu. Na akee ɔziale ɔhɔle Gyɛlusalɛm.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:24

bɛmmabɔ bɛ ti aze bɛmaa bɛ nyamenle ne mɔ yɛɛ bɛmmasonle bɛ, anzɛɛ bɛmmayɛ bɛ ɛzonlenlɛ ne mɔ bie. Bɛzɛkye bɛ na bɛbubu bɛ ɛzonlenlɛ mpila ne mɔ dwɔkɔdwɔkɔ.

Edwɛkpa ne kɛmɔ Luku hɛlɛle la 1:75

wɔ anwondelɛ nee fɔɔnwoyɛlɛ nu wɔ ɔ nyunlu wɔ mekɛ mɔɔ yɛde ngoane nu la.

Mɛla 12:3

Bɛbubu bɛ azukponle ne mɔ bɛgua, bɛbubu bɛ mpila sɛkɛlɛneɛ ne mɔ dwɔkɔdwɔkɔ, na bɛyela bɛ bozonle raalɛ Ahyela ne sɛkɛlɛneɛ ne mɔ. Bɛbubu bɛ awozonle ne mɔ ananze ne mɔ mɔɔ bɛgua bɛziezie ɛkɛ ne la, na bɛminli bɛ aluma ne mɔ abo zo bɔkɔɔ mɔɔ bɛnzonle bɛ bieko ɛlɛ a.