2 Edk 14:13 - BAEBOLO ANZƐƐ BULUKU NWUANZANWUANZA

¹³ Esa nee ye ɛlɔnema ne voanle bɛ toonwo hɔdwule Gilaa, na bɛhunle Sudanema amuala. Ko bɔbɔ anga, ɔluakɛ Ɛdɛnkɛma nee ye ɛlɔnema lile bɛ nwo zo konim. Dwuda ɛlɔnema ne zoale ninyɛne dɔɔnwo mɔɔ bɛnyianle bɛ wɔ konle ne anu la hɔle.

2 Edk 14:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:1

Nowa amra mrenya Hyɛm, Ham, yɛɛ Gyeefɛte nee bɛ bo zo amra awolɛndoazo ne mɔ ɛne: Azuyilɛ ne anzi Nowa amra ne mɔ wole mralɛ mrenya.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:19

manle Keenama ɛweɛne ne anloa dwule Saedɛn nyiakɛ mɔɔ kɔ Gilaa mɔɔ zua Gaza la, eza ɔdɛlɛle ɔhɔle aduduleɛ ɔhɔdwule Sodɔm, Gomɔla, Ademaa, yɛɛ Zɛboyem mɔɔ zua Leehya la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:1

Ebileham vi ɛleka mɔɔ ɔde la ɔhɔle Keena nyiakɛ na ɔhɔdɛnlanle Keedɛhye nee Hyulu avinli, eza ɔhɔdɛnlanle Gilaa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:1

Saa ɛye ɛhɔne ne mɔɔ Ebileham mekɛ zo rale la a, ɛhɔne bieko rale azɛlɛ ne azo. Na Ayezeke hɔle Filisitiama Belemgbunli Abemɛlɛke anwo lɔ wɔ Gilaa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:5

Bɛzile nu mɔɔ bɛkɔ la, ɛzulolɛ kpole dɔle azuamgbole mɔɔ zuozua Hyikɛm la amra anwo zo, yemɔti bɛ biala anga ɛlalɛ kɛ ɔkɛkpo Gyekɔbo amra ne mɔ.

1 Edk 12:22

Alehyenlɛ biala menli rabokale Devidi ɛlɔnema ne anwo hɔdwule kɛ akee ɛlɔne ne yɛle kpole kpalɛ kɛ Nyamenle ɛlɔnema la.

2 Edk 12:3

Ɔvale ɛlɔnema mɔɔ ka konle ehwili la apenle ko ɛya nwiɔ yɛɛ ɛlɔnema mɔɔ ka mgbɔnwɔ la apenle ngoko abulasia a ɔrale a. Na menli mɔɔ ɔ nee bɛ vi Yigyibiti rale: Lebeyama, Sɛkema, nee Sudanema, bɛmɛ, awie ɛnze bɛ nloa.

2 Edk 14:14

Bɛzɛkyele azuamgbole mɔɔ zuozua Gilaa la amuala, ɔluakɛ ɛnee menli ne ɛzulo Ɛdɛnkɛma kpole kpalɛ. Bɛsesale ninyɛne dɔɔnwo wɔ azuamgbole ɛhye mɔ azo, ɔluakɛ ɛnee ninyɛne wɔ azua ne mɔ azo kpalɛ.

2 Edk 15:11

Kenle ko ne bɛbɔle azu bɛmanle Ɛdɛnkɛma. Ninyɛne mɔɔ bɛnyianle bɛ wɔ bɛ konle ne mɔ anu la, bɛvale nuhua nlankɛ ɛya nsuu nee mboane apenle nsuu bɛbɔle azu ne.

2 Edk 17:10

Ɛdɛnkɛma ɛzulolɛ dɔle maanle maanle mɔɔ zuozua Dwuda la amuala anwo zo, yemɔti bɛanva konle bɛandoa Gyɛhɔhyafate.

2 Edk 20:29

Na maanle maanle dɔɔnwo mɔɔ dele kɛ Ɛdɛnkɛma zile liele Yizilayɛma ati honle tiale bɛ kpɔvolɛma la zulole Nyamenle.

Dwobu Buluku ne 6:9

Anrɛɛ ɛnee Nyamenle kɛhu me pɛneko, na ɔkɛpɛ me ngoane zo.

Dwobu Buluku ne 9:4

Ɔle nrɛlɛbɛvolɛ, yɛɛ ye anwosesebɛ le bedevinli; nwane a nee ye ɛdwudwu na yenyia gyinlagyakɛ a?

Edwɛndolɛ Buluku ne 108:11

O Nyamenle, asoo ɛtɛkpole yɛ ɛ? O Nyamenle, ɛ nee yɛ ɛlɔnema ne ɛngɔ.

2 Tɛs 1:9

Bɛbadea menli zɔhane mɔ na bɛaye bɛ bɛavi Awulae anye zo nee ye anyunlunyia tumi ne abo, na bɛazɛkye bɛ ɛzɛkyelɛ mɔɔ ɛnlɛ awieleɛ la.

Dwɔhyua Buluku ne 5:14

Nrenya ne buale kɛ, “Kyɛkyɛ, menle kpɔvolɛ. Mera kɛ mele Ɛdɛnkɛma ɛlɔnema ne Safohyenle Kpanyinli.” Dwɔhyua dule dɔle ɔ nyunlu zonlenle ye na ɔbizale ye kɛ, “Yɛmenle, mele wɔ akɛlɛ, duzu a ɛkpondɛ kɛ meyɛ a?”

1 Sam 25:28

Mesɛlɛ wɔ, ɛtane biala mɔɔ meyɛ la, fa kyɛ me. Ɛdɛnkɛma bamaa wɔali belemgbunli, ɛ bo zo amra noko bali belemgbunli, ɔboalekɛ ɛlɛko wɔamaa ye, na melɛ dodo biala mɔɔ ɛbali la, munzule ɛnrɛdo wɔ ɛlɛ.