2 Edk 14:12 - BAEBOLO ANZƐƐ BULUKU NWUANZANWUANZA

¹² Yemɔti Ɛdɛnkɛma lile Sudanema anwo zo konim, na ɔmanle bɛ kpɔvolɛma ne guale ndwɛlɛ aze wɔ Belemgbunli Esa nee Dwuda ɛlɔnema anyunlu.

2 Edk 14:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:19

manle Keenama ɛweɛne ne anloa dwule Saedɛn nyiakɛ mɔɔ kɔ Gilaa mɔɔ zua Gaza la, eza ɔdɛlɛle ɔhɔle aduduleɛ ɔhɔdwule Sodɔm, Gomɔla, Ademaa, yɛɛ Zɛboyem mɔɔ zua Leehya la.

1 Edk 5:21

Bɛhonle bɛvale bɛ kpɔvolɛma afunlumu apenle ngoko abulanlu, mboane apenle ngoko ɛya nwiɔ abulanlu, asoaso apenle nwiɔ, yɛɛ bɛhyele menli apenle ngoko ɛya nuokɛ.

2 Edk 12:3

Ɔvale ɛlɔnema mɔɔ ka konle ehwili la apenle ko ɛya nwiɔ yɛɛ ɛlɔnema mɔɔ ka mgbɔnwɔ la apenle ngoko abulasia a ɔrale a. Na menli mɔɔ ɔ nee bɛ vi Yigyibiti rale: Lebeyama, Sɛkema, nee Sudanema, bɛmɛ, awie ɛnze bɛ nloa.

2 Edk 13:15

Akee Dwudama bɔle bubu na Nyamenle manle Gyɛlɔbowam nee Yizilayɛ ɛlɔnema ne lile akoatɔ wɔ Abaegya nee Dwuda ɛlɔnema anyunlu.

2 Edk 15:11

Kenle ko ne bɛbɔle azu bɛmanle Ɛdɛnkɛma. Ninyɛne mɔɔ bɛnyianle bɛ wɔ bɛ konle ne mɔ anu la, bɛvale nuhua nlankɛ ɛya nsuu nee mboane apenle nsuu bɛbɔle azu ne.

2 Edk 20:22

Mɔɔ bɛbɔle ɔ bo kɛ bɛto edwɛne bɛaye Ɛdɛnkɛma ayɛlɛ la, Ɛdɛnkɛma manle Amɔnoma, Mowabema, nee Yidɔmma mɔɔ ɛra badoa Yizilayɛma nee bɛ aho la anye zo danle bɛ, na bɛhuhunle bɛ nwo.

Edwɛndolɛ Buluku ne 60:12

Saa Nyamenle boka yɛ nwo a yɛbaho yɛadɔ zo; yemɔ yɛɛ ɔbaha kpɔvolɛma ne yeagua a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:41

Na kenle ko ne mɔɔ tɔ zolɛ a ɔyɛ ɛvolɛ ɛya nna abulasa ne la, kenle ko zɔhane a Yizilayɛma ɛwolaa ne kɔsɔɔti vile Yigyibiti azɛlɛ zo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:51

Na kenle ko zɔhane, Ɛdɛnkɛma yele Yizilayɛma ɛwolaa ne vile Yigyibiti azɛlɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:25

Ɛdɛnkɛma manle bɛ konle ehwili ne mɔ agyakɛ miminle mɔɔ bɛtwe bɛ nwo fee a ɔnyɛ boɛ a. Na Yigyibitima hanle kɛ, “Bɛmaa yɛnriandi yɛvi Yizilayɛma anyunlu, ɔluakɛ Ɛdɛnkɛma ɛlɛko atia yɛ amaa bɛ.”

Emɔzo Buluku ne 9:7

Ɛdɛnkɛma se, “Yizilayɛma, kɛ mesi medwenle Sudanema anwo la, zɔhane ala yɛɛ medwenle bɛdabɛ noko bɛ nwo a. Menyele Filisitiama menvile Kiliti na menyele Seleama menvile Kɛɛ, kɛmɔ menyele bɛdabɛ noko menvile Yigyibiti azɛlɛ zo la.

1 Kɔl 15:57

Na yɛyɛ Nyamenle mo kɛ ɔdua yɛ Awulae Gyisɛse Kelaese anwo zo ɔmaa yɛdi konim a!

1 Kɔl 9:26

Ɛhye ati, kɛmɔ me ɛnriandilɛ ne gyi kpɔkɛ zo la, dahuu menriandi fɔɔnwo; mele kɛ sonla mɔɔ ko la. Mentoto me abotokuma ne mɔ mgbane mgbane.

Mɛla 28:7

“Ɛdɛnkɛma bamaa bɛali kpɔvolɛma mɔɔ kɛdwazo bɛ nwo zo la anwo zo konim. Bɛ kpɔvolɛma bava bɛ nyunlu ara na bɛava bɛ nzi bɛahɔ.

Mɛla 32:39

“Kɛkala, bɛnwu ye kɛ medame ala a mele Nyamenle a, nyamenle bieko ɛnle ɛkɛ kɛ me ngome. Medame a meku, memaa ngoane a, meboda eza meyɛ ayile a. Awie ɛngola ɛnlie debie wɔ me sa nu.

Dwɔhyua Buluku ne 10:10

Amɔlema nwunle Yizilayɛ ɛlɔnema ne la, Ɛdɛnkɛma manle ɛzulolɛ hanle bɛ na bɛ nye zo danle bɛ. Yizilayɛma hunle bɛ dɔɔnwo wɔ Gebɛyɔn ɛkɛ ne na bɛdoale bɛ ndinlizo, bɛlua Bɛte Hɔlɔn Boka ne ndololeɛ nu adenle zo toonwo bɛrale Azika nee Makidaa.