2 Edk 14:11 - BAEBOLO ANZƐƐ BULUKU NWUANZANWUANZA

¹¹ Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”

2 Edk 14:11 ပူးပေါင်းရင်းမြစ်များ

1 Arl 8:44

“Saa wɔ menli ne kɔ kɛ bɛ nee bɛ kpɔvolɛma kaho na adenle biala mɔɔ ɛkɛva zo ɛkɛzoa bɛ la, saa bɛkakyi bɛ nye wɔ suakpole ɛhye mɔɔ ɛdawɔ wɔkpa nu wɔye la azo nee Ɛzonlenlɛ Sua ye mɔɔ mezi memaa wɔ la anwo, na bɛsɛlɛ wɔ a,

1 Edk 5:20

Bɛvale bɛ rɛle bɛwulale Nyamenle anu na bɛzɛlɛle ye kɛ ɔboa bɛ. Na Nyamenle diele bɛ nzɛlɛlɛ na ɔmanle bɛlile Heegama nee bɛ boavolɛma anwo zo konim.

2 Edk 13:12

Bɛnlea o, na Nyamenle nee yɛ a lua a, yɛɛ yemɔ yɛɛ li yɛ ti a. Ye sɛlɛvolɛma ne babɔ bɛ aweɛne ndendenle ne mɔ anu bɛamaa konle ne atia bɛ. O Yizilayɛma, bɛ nee bɛ ze mɔ Ɛdɛnkɛma Nyamenle ne mmako, ɔluakɛ bɛnrɛhola ɔ nyunlu gyinla.”

2 Edk 13:14

Na mɔɔ Dwudama nwunle kɛ konle ne ɛzi bɛ nyunlu nee bɛ nzi la, bɛzunle bɛvɛlɛle Ɛdɛnkɛma, na sɛlɛvolɛma ne mɔ bɔle bɛ aweɛne ndendenle ne mɔ anu.

2 Edk 13:15

Akee Dwudama bɔle bubu na Nyamenle manle Gyɛlɔbowam nee Yizilayɛ ɛlɔnema ne lile akoatɔ wɔ Abaegya nee Dwuda ɛlɔnema anyunlu.

2 Edk 13:18

Yemɔti Dwuda lile Yizilayɛma anwo zo konim kenle ko ne, ɔboalekɛ bɛvale bɛ rɛle bɛwulale Ɛdɛnkɛma, bɛ ze mɔ Nyamenle ne anu.

2 Edk 14:10

Belemgbunli Esa hɔyiale bɛ, na bɛvale konle ne bɛbɔle zo wɔ Zɛfata bɔnza ne mɔɔ wɔ Malihyaa la anu.

2 Edk 16:7

Mekɛ zɔhane anu ala, Nyamenle sonla Haneenae rale Dwuda Belemgbunli Esa ɛkɛ ne razele ye kɛ, “Kɛmɔ ɛvale ɛ rɛle ɛwulale Selea belemgbunli ne anu na wɔanva ɛ rɛle wɔanwula Ɛdɛnkɛma wɔ Nyamenle ne anu la ati, Selea belemgbunli ne ɛlɔnema ɛnriandi wɔ ɛwie ala ɛne.

2 Edk 18:31

Yemɔti mɔɔ safohyenlema ne nwunle Gyɛhɔhyafate la, bɛdwenlenle kɛ Yizilayɛ belemgbunli ne ɔ, na bɛhakyile bɛ nye kɛ bɛ nee ye kaho. Gyɛhɔhyafate deanle nuhua na Ɛdɛnkɛma raboale ye. Nyamenle manle menli ne mɔ hwenle bɛ nzi,

2 Edk 20:12

O yɛ Nyamenle, tea bɛ maa yɛ. Ɔluakɛ menli ɛwolaa ɛhye mɔɔ ɛlɛba yɛ nwo zo la, yɛnrɛhola bɛ nyunlu gyinla. Yɛnnwu mɔɔ yɛyɛ bɔbɔ a, ɛ nyunlu ala a yɛ nye gyi a.”

2 Edk 20:32

Ɔvale ɔ ze Esa agyakɛ na ɔbɔle ɛbɛla mɔɔ ɔ ze bɔle la bie; yeangakyi ye nyɛleɛ, na ɔyɛle mɔɔ sɔ Ɛdɛnkɛma anye la.

2 Edk 25:8

Saa wɔ adwenle yɛ wɔ kɛ ɛhye mɔ yɛɛ bamaa ɛ nwo ayɛ se wɔ konle nu a, ɛnee nwu ye kɛ, Nyamenle bamaa wɔ kpɔvolɛma ali ɛ nwo zo konim, ɔluakɛ Nyamenle lɛ tumi, ɔkola ɔmaa ɛdi konim, yɛɛ ɔkola ɔmaa wɔ kpɔvolɛma di ɛ nwo zo konim.”

2 Edk 26:7

Nyamenle boale ye manle ɔlile Filisitiama nee Arelabema mɔɔ de Gɛbeeyale la, yɛɛ Mɛyunɛmma anwo zo konim.

2 Edk 32:20

Na Belemgbunli Hɛzikaya nee Emɔzo ara Nyamenle kpɔmanvolɛ Ayezaya zɛlɛle ɛhye anwo, na bɛzunle bɛvɛlɛle Nyamenle.

2 Edk 32:8

Yemɔ, ɔ nee menli a lua a, na yɛmɛ, yɛ nee Ɛdɛnkɛma, yɛ Nyamenle ne a lua a; ɔbaboa yɛ na yeaho konle ne yeamaa yɛ.” Na Dwuda Belemgbunli Hɛzikaya ɛdendɛlɛ ne manle menli ne anwosesebɛ.

Edwɛndolɛ Buluku ne 120:1

Me anwongyelelɛ nu mesu mefɛlɛ Ɛdɛnkɛma, amaa yeabua me;

Edwɛndolɛ Buluku ne 18:6

Me rɛle bɔle la menvɛlɛle Ɛdɛnkɛma; menvɛlɛle me Nyamenle ne kɛ ɔboa me. Ɔdele me ne wɔ ye Ɛzonlenlɛ Sua ne anu, na me ɛzunlɛ dwule ɔ nzo nu.

Edwɛndolɛ Buluku ne 20:5

Ɔmaa yɛva anyelielɛ yɛdeɛdea nuhua wɔ wɔ konimlilɛ ne anwo, yɛvola yɛ fɛlɛnra ne mɔ wɔ yɛ Nyamenle ne duma nu. Ɛdɛnkɛma ɛmaa mɔɔ ɛkɛbiza la amuala ɛyɛ ɛkɛ.

Edwɛndolɛ Buluku ne 20:7

Bie mɔ fa konle ehwili tu bɛ nloa anu, yɛɛ bie mɔ fa mgbɔnwɔ; na yɛmɛ, yɛfa Ɛdɛnkɛma yɛ Nyamenle ne duma a yɛtu yɛ nloa anu a.

Edwɛndolɛ Buluku ne 20:8

Bɛbagolo bɛagua, na yɛmɛ, yɛbadwazo yɛagyinla.

Edwɛndolɛ Buluku ne 22:5

Bɛzunle bɛvɛlɛle wɔ, na bɛnyianle ngoane; bɛvale bɛ rɛle bɛwulale wɔ nu, na bɛ rɛle ambɔ.

Edwɛndolɛ Buluku ne 22:6

Na mame, mele sonlɛ, menle sonla; menli ɛmbu me, yɛɛ bɛ muala bɛkpo me.

Edwɛndolɛ Buluku ne 34:6

Ehyianli ɛhye zunle, na Ɛdɛnkɛma diele ye, na ɔliele ye ɔvile ye amaneɛnwunlɛ muala anu.

Edwɛndolɛ Buluku ne 37:5

Fa ɛ nwo maa Ɛdɛnkɛma; fa ɛ rɛle wula ye nu, ɔbali yeamaa wɔ.

Edwɛndolɛ Buluku ne 50:15

Bɛzu bɛvɛlɛ me kenle biala mɔɔ ngyegyelɛ kɛdo bɛ la, na mebalie bɛ, na bɛaye me ayɛlɛ.”

Edwɛndolɛ Buluku ne 9:19

O Ɛdɛnkɛma, dwazo, mmamaa sonla di ɛ nwo zo konim; maa bɛbua maanle maanle ne mɔ ndɛne wɔ ɛ nyunlu.

Edwɛndolɛ Buluku ne 91:15

Saa ɔfɛlɛ me a, mebalie ye zo; saa ɔkɔ ngyegyelɛ nu a, mebabikye ye, mebalie ye na meali ye eni.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:10

Mɔɔ belemgbunli ne kpumgbunle bɛ na Yizilayɛma manle bɛ nye zo nwunle kɛ Yigyibitima ɛlɛba bɛ nwo zo la, ɛzulolɛ hanle bɛ. Yizilayɛma zunle vɛlɛle Ɛdɛnkɛma,

Mrɛlɛbulɛ Buluku ne 18:10

Ɛdɛnkɛma duma ne le aranemgbole; sonla mɔɔ le tenlene la nriandi kɔfea nu a, ɔ nwo kɔlɔnwo.

Ayezaya Buluku ne 10:20

Mekɛ ne anu, Yizilayɛma mɔɔ ɛha, nee Gyekɔbo sua nu amra mɔɔ vile ɛsalɛ la ɛnrɛva bɛ rɛle ɛnrɛwula mɔɔ sisile bɛ la anu, na bɛbava bɛ rɛle bɛawula Ɛdɛnkɛma, Yizilayɛ Nwuanzanwuanza Ko ne anu nɔhalɛ nu.

Ayezaya Buluku ne 2:22

Bɛhwe bɛ nwo bɛvi sonla mɔɔ ɛnwomenle ala a ɔdie la anwo. Duzu nvasoɛ a wɔ sonla nwo zo a?

Ayezaya Buluku ne 26:13

O Ɛdɛnkɛma yɛ Nyamenle, menlenlɛ bie mɔ ɛzie yɛ ɛlɛ, noko wɔmɔ ala yɛɛ yɛdie wɔ yɛto nu a.

Gyɛlɛmaya Buluku ne 1:19

Bɛbaho bɛatia wɔ, na bɛnrɛhola wɔ, ɔluakɛ me nee wɔ lua kɛ medie ɛ ti. Medame Ɛdɛnkɛma a mese a.”

Sɛlɛ 26:8

Bɛ nuhua nnu bɔbɔ bahola aha menli ɛya agua ɛbɔ nu, yɛɛ bɛ nuhua ɛya bahola aha apenle bulu agua ɛbɔ nu; na bɛbahu bɛ kpɔvolɛma amuala.

Emɔzo Buluku ne 5:9

Yemɔ yɛɛ ɔsɛkye anwosesebɛma na ɔbubu bɛ aranemgbole ɔgua a.

Zɛkalaya Buluku ne 2:8

Nrɛlaleɛ ɛhye yɛɛ Tumivolɛ Ɛdɛnkɛma vale zoanle me wɔ maanle maanle ne mɔ mɔɔ rawuale bɛ la anu a, ɔluakɛ awie mɔɔ kɛva ɔ sa kɛha bɛ la ɛva ɔ nye kuduarizi ne ɛwɔ baka zo.

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Dw 14:1

Gyisɛse zele bɛ kɛ, “Bɛmmamaa bɛ rɛle bɔ na bɛdi nyane. Bɛlie Nyamenle bɛli na bɛlie medame noko bɛli.

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

Ɛzoanvolɛma Gyima ne 2:21

Na ɔbara kɛ awie biala mɔɔ kɛbɔ Awulae duma la bɛkɛlie ye ngoane.’

Ɛzoanvolɛma Gyima ne 3:16

Gyisɛse ɛhye duma nu nee ye tumi zo nee diedi wɔ ye duma ne anu yɛɛ nrenya ɛhye ɛnɛ gyi bɛ nyunlu ɛke kɛ yede kpɔkɛ bɔkɔɔ a.

Ɛzoanvolɛma Gyima ne 9:4

Ɔpɛle ɔfinle na ɔdele kɛ ɛnelɛ bie se, “Sɔɔlo! Sɔɔlo! Duzu ati a ɛlɛyɛ me kpɔdekpɔde zɛhae ɛ?”

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Mɛla 32:27

Noko mesulo ɔ nzi kɛ kpɔvolɛ ne kɛha me ɛya, anrɛɛ mɔɔ kyi bɛ la ɛnrɛde ɔ bo, na bɛkɛha kɛ yɛli konim, na tɛ mame Ɛdɛnkɛma yɛɛ meyɛ a.’

Mɛla 32:30

Kɛ ɔkɛyɛ na baholɛ avoa apenle, na menli nwiɔ aha apenle bulu agua ɛbɔ nu ɛ? Kyesɛ Ɛdɛnkɛma bɛ Bodane ne ɛdɔne bɛ ɛmaa, na Ɛdɛnkɛma ɛye bɛ ɛmaa.

Mɛla 32:36

Ɔluakɛ Ɛdɛnkɛma balie ye menli ne ati, na yeanwu ye ngɛkɛlɛ anwunvɔne, saa ɔnwu kɛ bɛ anwosesebɛ ɛwie, na alehelɛ nee ahanra muala ɛlɛminli a.

Maanlebuvolɛma Buluku ne 7:7

Na Ɛdɛnkɛma zele Gedɛyɔn kɛ, “Menli ɛya nsa ne mɔɔ vale bɛ sa venle nzule ne nlonle la, bɛmɛ yɛɛ mefa bɛ mealie Yizilayɛma a; memaa bɛali Medeanema anwo zo konim. Yemɔti menli mɔɔ ɛha la, maa biala ɛzia ɛhɔ sua nu.”

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”

1 Sam 17:47

na menli mɔɔ ɛyia ɛke la kɔsɔɔti anwu kɛ Ɛdɛnkɛma ɛnva dadeɛ nee atwɛ a die ye menli a, ɔluakɛ konle ne le ye ɛdeɛ, na Ɛdɛnkɛma baye bɛ kɔsɔɔti amaa yɛ.”

1 Sam 2:9

“Ɔsinza menli mɔɔ di nɔhalɛ maa ye la, na ɔmaa amumuyɛma minli esike nu, ɔluakɛ tɛ sonla ɔdaye ye anwosesebɛ yɛɛ ɔfa ɔdi konim a.