2 Edk 13:19 - BAEBOLO ANZƐƐ BULUKU NWUANZANWUANZA

¹⁹ Abaegya voanle Gyɛlɔbowam na ɔhonle ɔvale azuamgbole: Bɛtɛle nee ye namunamu, Gyɛhyeena nee ye namunamu, yɛɛ Yifolɔn nee ye namunamu boka nwolɛ.

2 Edk 13:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:19

Ɔdonle ɛleka zɔhane Bɛtɛle. (Ɛnee bɛfɛlɛ suakpole ne Lɛze.)

2 Edk 13:18

Yemɔti Dwuda lile Yizilayɛma anwo zo konim kenle ko ne, ɔboalekɛ bɛvale bɛ rɛle bɛwulale Ɛdɛnkɛma, bɛ ze mɔ Nyamenle ne anu.

2 Edk 13:20

Gyɛlɔbowam amkpazi bieko ɛlɛ wɔ mekɛ mɔɔ Abaegya de aze la, na Ɛdɛnkɛma manle anwonyane bɔle ye na ɔwule.

2 Edk 15:8

Mɔɔ Belemgbunli Esa dele Nyamenle kpɔmanvolɛ Azalaya Nyamenle nrɛlaleɛ ne la, ɔzile ahonle na ɔmanle bɛyeyele mmonle mɔɔ wɔ Dwuda nee Bɛngyaman maanzinli ne mɔ anu la amuala, nee azuamgbole mɔɔ yeho yeva bɛ wɔ Yifelaem awoka ne mɔ azo lɔ la amuala azo. Akee ɔyɛle Ɛdɛnkɛma azukponle ne mɔɔ wɔ Ɛdɛnkɛma Ɛzonlenlɛ Sua ne anyunlu ɛkɛ ne la boɛ.

2 Edk 17:2

Ɔvale ɛlɔnema ɔhɔguale azuamgbole mɔɔ bɛbɔ nwolɛ bane wɔ Dwuda la amuala azo. Ɔvale ɛlɔnema ekpunli ekpunli ɔkpondenle Dwuda maanle ne anu yɛɛ Yifelaem azuamgbole mɔɔ Belemgbunli Esa honle vale bɛ la azo.

Dw 11:54

Yemɔti Gyisɛse anye ɔ nwo anlua Dwudiya maanzinli ne anu, na ɔvile ɛkɛ ne ɔhɔle ɛleka bie mɔɔ bikye ɛsɛlɛ ne azo la, wɔ sua bie mɔɔ bɛfɛlɛ ye Yifelaem la azo; ɛkɛ ne yɛɛ ɔ nee ye ɛdoavolɛma ne dɛnlanle a.

Dwɔhyua Buluku ne 10:19

na bɛmɛ, bɛmmatɛnla ɛkɛ. Bɛdoa bɛ kpɔvolɛma ne na bɛbu bɛ nzi bɛ nee bɛ ɛho; bɛmmamaa bɛkɔ bɛ azua ne mɔ azo. Ɛdɛnkɛma bɛ Nyamenle ne ɛye bɛ ɛmaa kɛ bɛli bɛ nwo zo konim.”

Dwɔhyua Buluku ne 10:39

Ɔvale sua ne na ɔhyele ye belemgbunli ne. Eza ɔvale azua mɔɔ zuozua suakpole ne la. Bɛhunle awie biala mɔɔ wɔ azua ne mɔ azo la. Dwɔhyua yɛle Dibɛ nee ye belemgbunli ne kɛ mɔɔ ɔyɛle Hibulɔn yɛɛ Lebena nee bɛ arelemgbunli ne mɔ la.

Dwɔhyua Buluku ne 11:12

Dwɔhyua vale azuamgbole ne mɔ amuala, ɔhunle arelemgbunli ne mɔ, ɔhunle menli mɔɔ wɔ zolɛ la amuala, kɛmɔ Ɛdɛnkɛma sonvolɛ Mosisi zele la.

Dwɔhyua Buluku ne 15:9

Ɔvi ɛkɛ ne ɔkɔ Nɛfetowa Nzubula ne mɔ azo, ɔdwu azuamgbole ne mɔɔ bikye Yifolɔn Boka la. Ɔbele ɛkɛ ne ɔkɔ Beeyala (anzɛɛ Keleate Gyialem)

1 Sam 31:7

Mɔɔ Yizilayɛma mɔɔ wɔ Gyɛzɛli Bɔnza ne anzi lɔ mɔɔ di kɔ Azule Dwɔdan aduduleɛ la dele kɛ Yizilayɛ ɛlɔnema ne ɛgua ɛbɔ nu na bɛhu Sɔɔlo nee ɔ mra ne mɔ la, bɛvile bɛ azua ne mɔ azo bɛguale ɛbɔ nu. Na Filisitiama radɛnlanle azua ne mɔ azo.