2 Edk 13:15 - BAEBOLO ANZƐƐ BULUKU NWUANZANWUANZA

¹⁵ Akee Dwudama bɔle bubu na Nyamenle manle Gyɛlɔbowam nee Yizilayɛ ɛlɔnema ne lile akoatɔ wɔ Abaegya nee Dwuda ɛlɔnema anyunlu.

2 Edk 13:15 ပူးပေါင်းရင်းမြစ်များ

2 Arl 5:1

Nrenya bie, bɛfɛlɛ ye Neeman; ɔle safohyenle kpanyinli mɔɔ nea Selea ɛlɔnema ne anwo zo a. Selea belemgbunli ne bu ye kpalɛ eza ɔkulo ye edwɛkɛ, ɔboalekɛ ɔlua Neeman anwo zo Ɛdɛnkɛma ɛmaa Seleama ɛli Yizilayɛma anwo zo konim. Neeman le katakyie, noko ɔle kokobɛvolɛ.

2 Edk 14:11

Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”

2 Edk 14:12

Yemɔti Ɛdɛnkɛma lile Sudanema anwo zo konim, na ɔmanle bɛ kpɔvolɛma ne guale ndwɛlɛ aze wɔ Belemgbunli Esa nee Dwuda ɛlɔnema anyunlu.

2 Edk 18:31

Yemɔti mɔɔ safohyenlema ne nwunle Gyɛhɔhyafate la, bɛdwenlenle kɛ Yizilayɛ belemgbunli ne ɔ, na bɛhakyile bɛ nye kɛ bɛ nee ye kaho. Gyɛhɔhyafate deanle nuhua na Ɛdɛnkɛma raboale ye. Nyamenle manle menli ne mɔ hwenle bɛ nzi,

2 Edk 20:21

Akee ɔ nee menli ne bɛhanle bɛ ti bɛkpulale nwolɛ na ɔyele menli mɔɔ ɛwula ɛzonlenlɛ adɛladeɛ ɛli ɛlɔnema ne ati la, na ɔzele bɛ kɛ bɛdo edwɛne bɛmaa Ɛdɛnkɛma na bɛye ye ayɛlɛ bɛze kɛ, “Bɛyɛ Ɛdɛnkɛma mo, ɔluakɛ ye ɛhulolɛ kpundii ne ɛnlɛ awieleɛ.”

2 Edk 20:22

Mɔɔ bɛbɔle ɔ bo kɛ bɛto edwɛne bɛaye Ɛdɛnkɛma ayɛlɛ la, Ɛdɛnkɛma manle Amɔnoma, Mowabema, nee Yidɔmma mɔɔ ɛra badoa Yizilayɛma nee bɛ aho la anye zo danle bɛ, na bɛhuhunle bɛ nwo.

Edwɛndolɛ Buluku ne 47:1

Maanle maanle kɔsɔɔti ɛbɔ bɛ sa nu! Bɛva anyelielɛ bɛdea bɛdo edwɛne bɛmaa Nyamenle!

Edwɛndolɛ Buluku ne 47:5

Nyamenle ɛvo ɛdɛnla ye ebia nu, bɛlɛbɔ aweɛne ndendenle, bɛtea nu anyelielɛ nu.

Ayezaya Buluku ne 37:36

Ɛdɛnkɛma soanvolɛ ne hɔle Aselea ɛlɔnema azokoɛleɛ ne na ɔhɔhunle bɛ nuhua apenle ngoko ɛya ko abulatwɛ nee nnu. Mɔɔ menli dwazole nwonlomɔ mangyee ne la ɛnee bɛ kɔsɔɔti bɛ avunli gua ɛkɛ.

Dwɔhyua Buluku ne 11:8

Ɛdɛnkɛma manle Yizilayɛma lile konim. Yizilayɛma voanle bɛ toonwo bɛhɔdwule Mezelɛfo Meeyem nee Saedɛn, toonwo bɛhɔdwule Mezepa Bɔnza ne anu wɔ aduduleɛ nehane. Na bɛhonle toonwo Yizilayɛma wiele bɛ kpɔvolɛma ne amuala ku.

Dwɔhyua Buluku ne 6:16

Fane nsuu ne azo, mɔɔ sɛlɛvolɛma ne wule aweɛne ne mɔ anu la, Dwɔhyua zele menli ne kɛ, “Bɛdea nu, ɔluakɛ Ɛdɛnkɛma ɛva suakpole ye ɛmaa bɛ!

Dwɔhyua Buluku ne 6:20

Zɔhane ati sɛlɛvolɛma ne bɔle bɛ aweɛne ne mɔ anu. Menli ne dele ala la, bɛdeanle nu kpole ko, ɛnee bane ne mɔɔ bɛhye ye suakpole ne anwo la ɛde ɛgua aze, gɔɔ. Na Yizilayɛ ɛlɔnema ne nyianle adenle hɔle suakpole ne azo na bɛhonle bɛvale.

Maanlebuvolɛma Buluku ne 4:15

Na Ɛdɛnkɛma manle Balake hanle Sesɛla nee ye ɛlɔnema nee ye konle mbulalɛ ehwili ne mɔ senle dwɛɛ, na bɛhunle bɛ bie mɔ. Sesɛla vi ye konle mbulalɛ ehwili ɛdeɛ ne anu dwule na ɔvale ɔ gyakɛ ɔzɔle zolɛ.