2 Edk 13:14 - BAEBOLO ANZƐƐ BULUKU NWUANZANWUANZA

¹⁴ Na mɔɔ Dwudama nwunle kɛ konle ne ɛzi bɛ nyunlu nee bɛ nzi la, bɛzunle bɛvɛlɛle Ɛdɛnkɛma, na sɛlɛvolɛma ne mɔ bɔle bɛ aweɛne ndendenle ne mɔ anu.

2 Edk 13:14 ပူးပေါင်းရင်းမြစ်များ

1 Edk 5:20

Bɛvale bɛ rɛle bɛwulale Nyamenle anu na bɛzɛlɛle ye kɛ ɔboa bɛ. Na Nyamenle diele bɛ nzɛlɛlɛ na ɔmanle bɛlile Heegama nee bɛ boavolɛma anwo zo konim.

2 Edk 14:11

Na Belemgbunli Esa zɛlɛle Ɛdɛnkɛma ye Nyamenle ne kɛ, “O Ɛdɛnkɛma, awie biala ɛnle ɛkɛ mɔɔ kola boa, kɛ ɛdawɔ ala yɛɛ ɛkɛgyinla tumima nee koahweabanema avinli a. Boa yɛ, O Ɛdɛnkɛma yɛ Nyamenle, ɔluakɛ wɔmɔ yɛɛ yɛ rɛle wɔ wɔ nu a, yɛɛ wɔ duma nu a yɛra yɛbadoa menli pemgbenleamgbe ɛhye mɔ yɛ nee bɛ aho a. O Ɛdɛnkɛma, wɔmɔ a ɛle yɛ Nyamenle a. Mmamaa dasanli di ɛ nwo zo konim.”

2 Edk 18:31

Yemɔti mɔɔ safohyenlema ne nwunle Gyɛhɔhyafate la, bɛdwenlenle kɛ Yizilayɛ belemgbunli ne ɔ, na bɛhakyile bɛ nye kɛ bɛ nee ye kaho. Gyɛhɔhyafate deanle nuhua na Ɛdɛnkɛma raboale ye. Nyamenle manle menli ne mɔ hwenle bɛ nzi,

2 Edk 32:20

Na Belemgbunli Hɛzikaya nee Emɔzo ara Nyamenle kpɔmanvolɛ Ayezaya zɛlɛle ɛhye anwo, na bɛzunle bɛvɛlɛle Nyamenle.

Edwɛndolɛ Buluku ne 50:15

Bɛzu bɛvɛlɛ me kenle biala mɔɔ ngyegyelɛ kɛdo bɛ la, na mebalie bɛ, na bɛaye me ayɛlɛ.”

Edwɛndolɛ Buluku ne 91:5

Ɛnrɛzulo nɔɔzo anu ɛzulolɛ ne, anzɛɛ alehyenlɛ nu ɛda ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:10

Mɔɔ belemgbunli ne kpumgbunle bɛ na Yizilayɛma manle bɛ nye zo nwunle kɛ Yigyibitima ɛlɛba bɛ nwo zo la, ɛzulolɛ hanle bɛ. Yizilayɛma zunle vɛlɛle Ɛdɛnkɛma,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:9

Saa bɛ nee bɛ kpɔvolɛma mɔɔ ɛlɛsisi bɛ wɔ bɛ azɛlɛ ne azo la kaho a, bɛwu aweɛne ndendenle ne mɔ anu nzinrenzinra bɛhile kɛ konle ɛzi. Na medame, Ɛdɛnkɛma bɛ Nyamenle ne, mebaboa bɛ na mealie bɛ meavi bɛ kpɔvolɛma asa anu.

Dwɔhyua Buluku ne 6:16

Fane nsuu ne azo, mɔɔ sɛlɛvolɛma ne wule aweɛne ne mɔ anu la, Dwɔhyua zele menli ne kɛ, “Bɛdea nu, ɔluakɛ Ɛdɛnkɛma ɛva suakpole ye ɛmaa bɛ!

Dwɔhyua Buluku ne 8:20

Eyaema dole bɛ nye bɛ nzi la, bɛnwunle kɛ senle ɛdɔ bɛ sua ne azo na ye esike ɛdwazo bolonwonwo zɛhae. Zɔhane ati ɛnee akee bɛnnwu ɛleka mɔɔ bɛnriandi bɛabɔ bɛ ti a, ɔboalekɛ Yizilayɛma ne mɔɔ nriandile hɔle ɛsɛlɛ ne azo la akee ɛzi ɛgyinla kɛ bɛ nee bɛ ko.