2 Edk 13:11 - BAEBOLO ANZƐƐ BULUKU NWUANZANWUANZA

¹¹ Bɛbɔ ɛyelalɛ azu bɛmaa Ɛdɛnkɛma nwonlomɔ nee nɔsolɛ biala na bɛkpu ɛyɛlɛ evuanlɛ, bɛfa kpanwo nwuanzanwuanza ne bɛgua ezukoa nvutuke ɛkponle ne azo, bɛnea ezukoa nvutuke kɛnlaneɛ mbaka ne mɔ azo, amaa ahɛnlaneɛ mɔɔ gyigyi zo la ada nɔsolɛ biala. Ɔluakɛ yɛyɛ mɔɔ Ɛdɛnkɛma yɛ Nyamenle ne ɛze yɛ la, na bɛmɛ, bɛkpo ye.

2 Edk 13:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:5

Ɔboalekɛ Ebileham diele me ne na ɔvale me folɛdulɛ, ɔlile me mɛla nee ngyehyɛlɛ ne mɔ azo.”

2 Edk 13:10

“Na yɛmɛ, Ɛdɛnkɛma a le yɛ Nyamenle a, yɛɛ yɛtɛkpole ye. Yɛlɛ sɛlɛvolɛma mɔɔ kɔ Ɛdɛnkɛma anyunlu maa yɛ na bɛle Aalɔn abo zo amra a, yɛɛ yɛlɛ Livaema mɔɔ boa bɛ a.

2 Edk 2:3

Akee Sɔlɔmɔn vale nrɛlaleɛ hɔmanle Taya Belemgbunli Helam kɛ, “Kɛmɔ ɛ nee me ze Devidi bɛzile bɛyɛle mɔɔ ɛmanle bɛpɛle sida mbaka bɛrɛlɛle ye bɛmanle ɔzile ye sua ɔdɛnlanle nu la, ɛ nee medame noko ɛyɛ ye zɔhane ala.

2 Edk 2:4

Nea, mesi sua meamaa bɛazonle Ɛdɛnkɛma me Nyamenle ne wɔ nu. Mebadu sua ne meazie ɛkɛ meamaa ye na bɛayela ɛyɛlɛ mɔɔ bɔ evuanlɛ la bɛamaa ye, na yɛava yɛ kpanwo nwuanzanwuanza azubɔdeɛ ne yeamaa ye dahuu. Yɛbayela nane yeabɔ azu wɔ ɛkɛ ne nwonlomɔ nee nɔsolɛ, Ɛnwomenlelielɛ Kenle ne, nee Siane Fofolɛ Ɛvoyialilɛ, yɛɛ ɛvoyia ngakyile mɔɔ ɛha la ɛlilɛ nu. Ɛdɛnkɛma yɛ Nyamenle ne a ɛhyehyɛ na yeyila zolɛ yemaa Yizilayɛma kɛ bɛyɛ ye zɔhane dahuu a.

2 Edk 4:20

akee kɛnlaneɛ mbaka ne mɔ nee ahɛnlaneɛ ne mɔ mɔɔ bɛva ezukoa nvutuke kpalɛ a bɛyɛ na bɛsɔ wɔ Nwuanzanwuanza Nu Nwuanzaanwu Ɛleka ne, kɛmɔ bɛhilele la,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:38

“Mekɛ kɔsɔɔti mɔɔ bara la, kenle ko biala fa mboane mralɛ nwiɔ mɔɔ ɛli ɛvolɛ ngoko la bɔ azu wɔ azukponle ne azo.

Yizikeɛle Buluku ne 44:15

Awulae Nyamenle zele me kɛ, “Livaema sɛlɛvolɛma mɔɔ le Zeedɔko abo zo amra la yɛɛ bara me nyunlu arazonle me a. Bɛmɛ yɛɛ bɛbarazonle me na bɛava nane ɛnlome nee mogya bɛabɔ azu bɛamaa me a, ɔluakɛ bɛmɛ a bɛgyinlanle bɛnleanle me Ɛzonlenlɛ Sua ne azo, bɛlile nɔhalɛ bɛmanle me wɔ mekɛ mɔɔ Yizilayɛma hakyile bɛ nzi zile me la a.

Yizikeɛle Buluku ne 44:8

Bɛannea me ninyɛne nwuanzanwuanza ne mɔ boɛ, na bɛva nyɛvolɛ kɛ bɛmɛ yɛɛ akee bɛnlea ninyɛne mɔɔ wɔ me Ɛleka Nwuanzanwuanza ne la azo a.

Yizikeɛle Buluku ne 48:11

Azɛlɛ ɛhye bayɛ Zeedɔko abo zo amra ne mɔ mɔɔ bɛwula bɛ sɛlɛvolɛ na bɛlile me mɛla zo bɛzonlenle me nɔhalɛ nu, na bɛamkpo me wɔ mekɛ mɔɔ Yizilayɛma dele atua, na Livaema kpole me la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:53

Na Livaema ne bayɛ azokoɛleɛ abɔ ayia Ndanlɛ Sua ne na bɛazinza, amaa awie ambikye ye na yeaha me ɛya yeamaa meava me ɛya ne meagua Yizilayɛma anwo zo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:46

na Mosisi hanle hilele Aalɔn kɛ, “Fa wɔ ɛyɛlɛkpunlɛ kyɛnze ne, fa senle wɔ azukponle ne azo gua nuhua, na fa ɛyɛlɛ gua senle ne anu. Akee ka ɛ nwo ndɛndɛ fa kɔ menli ne anwo lɔ na kɔyɛ mgbɔdalɛ nzɛlɛlɛ maa bɛ. Maa ɔyɛ ndɛ! Ɛdɛnkɛma ɛya ne ɛdwu aze, yɛɛ ewulenzane ɛbɔ ɔ bo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:6

Ɛhyema nwonlomɔ ɛ nee ɛ sa zo ne mɔ bɛva ahyɛnze mɔɔ bɛfa bɛkpu ɛyɛlɛ la, bɛva senle bɛgua nu, bɛva ɛyɛlɛ bɛgua nu na bɛva bɛhɔ Ɛdɛnkɛma anyunlu. Na mɔɔ Ɛdɛnkɛma kɛnlea nu kɛye ye la, yemɔ a ɔle nwuanzanwuanza a. Bɛmɛ Livaema, akee bɛyɛ bɛmaa yebo zolɛ!”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:19

Saa amungu ne sinze Ndanlɛ Sua ne azo kyɛ a, Yizilayɛma ne yɛ tieyɛ maa Ɛdɛnkɛma, bɛndu bɛ bo.

Edwɛkpa ne kɛmɔ Luku hɛlɛle la 1:9

Kɛmɔ sɛlɛvolɛma ngyehyɛlɛ ne de la, bɛguale nzeleba ne la ɔbɔle Zɛkalaya kɛ yemɔ a ɔwɔ kɛ ɔkpu ɛyɛlɛ wɔ azukponle ne azo a. Yemɔti ɔhɔwolole Ɛzonlenlɛ Sua ne anu na ɔhɔle Awulae azukponle ne anwo