2 Edk 13:10 - BAEBOLO ANZƐƐ BULUKU NWUANZANWUANZA

¹⁰ “Na yɛmɛ, Ɛdɛnkɛma a le yɛ Nyamenle a, yɛɛ yɛtɛkpole ye. Yɛlɛ sɛlɛvolɛma mɔɔ kɔ Ɛdɛnkɛma anyunlu maa yɛ na bɛle Aalɔn abo zo amra a, yɛɛ yɛlɛ Livaema mɔɔ boa bɛ a.

2 Edk 13:10 ပူးပေါင်းရင်းမြစ်များ

2 Edk 13:11

Bɛbɔ ɛyelalɛ azu bɛmaa Ɛdɛnkɛma nwonlomɔ nee nɔsolɛ biala na bɛkpu ɛyɛlɛ evuanlɛ, bɛfa kpanwo nwuanzanwuanza ne bɛgua ezukoa nvutuke ɛkponle ne azo, bɛnea ezukoa nvutuke kɛnlaneɛ mbaka ne mɔ azo, amaa ahɛnlaneɛ mɔɔ gyigyi zo la ada nɔsolɛ biala. Ɔluakɛ yɛyɛ mɔɔ Ɛdɛnkɛma yɛ Nyamenle ne ɛze yɛ la, na bɛmɛ, bɛkpo ye.

2 Edk 13:9

Bɛvoa Ɛdɛnkɛma sɛlɛvolɛma ne mɔ mɔɔ le Aalɔn abo zo amra la, nee Livaema kɔsɔɔti na bɛdabɛ bɛye bɛ sɛlɛvolɛma kɛ maanle gyɛne gyɛne ne mɔ yɛ ye la. Awie biala mɔɔ kɛhola kɛva ɛnlankɛ nyinli ekyi ko anzɛɛ mboane nyinli ngyikyi nsuu kɛrabia ɔ nwo la ɛnee bɛyɛ ye sɛlɛvolɛ mɔɔ ɔko bɛ nyamenle ne mɔ mɔɔ ɛnzɔho ɛhwee la anyunlu a.

Nihɛmaya Buluku ne 13:30

Akee menuanle menli ne wɔ nyɛleɛ biala mɔɔ ɛnle yɛ maamɛla la anwo, na mengyɛle sɛlɛvolɛma nee Livaema gyima ne memanle bɛ.

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:53

Na Livaema ne bayɛ azokoɛleɛ abɔ ayia Ndanlɛ Sua ne na bɛazinza, amaa awie ambikye ye na yeaha me ɛya yeamaa meava me ɛya ne meagua Yizilayɛma anwo zo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:40

Ɛhye yɛle kɔkɔbɔlɛ manle Yizilayɛma kɛ, ɔnle kɛ awie biala mɔɔ ɛnle Aalɔn abo zo sonla la ba azukponle ne anwo bayela ɛyɛlɛ maa Ɛdɛnkɛma. Anrɛɛ bɛkɛzɛkye ye kɛ bɛzɛkyele Kɔla nee ye menli ne la. Ɛlieza yɛle ɛhye mɔ amuala, kɛmɔ Ɛdɛnkɛma luale Mosisi anwo zo zele ye la.

Dwɔhyua Buluku ne 24:17

Ɛdɛnkɛma yɛ Nyamenle ne a yele yɛ nlenya mɔ nee yɛdayɛ vile ahanra ɛzonlenlɛ nu wɔ Yigyibiti a, yɛɛ yɛnwunle nwanwane ninyɛne mɔɔ ɔyɛle la. Ɛdɛnkɛma bɔle yɛ nwo bane wɔ maanle maanle mɔɔ yɛluale bɛ avinli yɛrale la asa anu.