2 Edk 12:5 - BAEBOLO ANZƐƐ BULUKU NWUANZANWUANZA

⁵ Nyamenle kpɔmanvolɛ Hyɛmaya rale Belemgbunli Rilihɔbowam nee Dwuda mgbanyima ne mɔ kɔsɔɔti mɔɔ ɛnee Hyaehyake ati bɛyia Gyɛlusalɛm la anwo ɛkɛ na ɔzele bɛ kɛ, “Ɛdɛnkɛma se, ‘Bɛkpo me, yemɔti medame noko mekpo bɛ memaa Hyaehyake.’ ”

2 Edk 12:5 ပူးပေါင်းရင်းမြစ်များ

2 Sam 24:14

Na Devidi zele Gaade kɛ, “Mewɔ anwongyelelɛ nu! Noko akee kɛ dasanli kɛdua me kakɛ la, maa Ɛdɛnkɛma mumua ne ɛdua me kakɛ, ɔluakɛ yemɔ, ye anwunvɔnezelɛ le kpole.”

1 Arl 12:22

Na Nyamenle zoanle ye kpɔmanvolɛ Hyɛmaya kɛ

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

2 Edk 11:2

Na Ɛdɛnkɛma zele Nyamenle sonla Hyɛmaya kɛ,

2 Edk 12:15

Rilihɔbowam nyɛleɛ mɔɔ ɔyɛle, ɔvi mɔlebɛbo ne mɔɔ kɔdwu awieleɛ ne la, bɛhɛlɛ bɛ muala wɔ Nyamenle Kpɔmanvolɛ Hyɛmaya nee Nyamenle Sonla Yedo Tetedwɛkɛ Mbuluku ne mɔ anu. Ɛnee mekɛ biala konle wɔ Dwuda Belemgbunli Rilihɔbowam nee Yizilayɛ Belemgbunli Gyɛlɔbowam avinli.

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 24:20

Na Nyamenle Sunsum ne dwule sɛlɛvolɛ Gyɛhɔyada ara Zɛkalaya anwo zo; ɔhɔgyinlanle ɛleka mɔɔ awie biala nwu ye la, na ɔzele bɛ kɛ, “Nyamenle se, ‘Duzu ati a bɛtietia Ɛdɛnkɛma Mɛla ne mɔ azo na bɛhwe munzule bɛmaa bɛ nwo ɛ? Kɛmɔ bɛkpo Ɛdɛnkɛma la, ɔdaye noko yekpo bɛ.’ ”

Edwɛndolɛ Buluku ne 37:33

Ɛdɛnkɛma ɛnrɛye ye ɛnrɛmaa ɔ sa ɛnrɛha ye, bɛdi ye edwɛkɛ a, ɔnrɛmaa bɛnrɛbua ye ewule fɔlɛ.

Gyɛlɛmaya Buluku ne 2:19

Wɔ amumuyɛ ne badua wɔ kakɛ, ɛkpolɛ mɔɔ wɔkpo me la babua wɔ ewule fɔlɛ. Nwu ye kɛ ɔle nyane nee munzule ɔmaa wɔ kɛ ɛkɛkpo Ɛdɛnkɛma wɔ Nyamenle ne; ɛnzulo me fee, Tumivolɛ Awulae Nyamenle a se a.

Gyɛlɛmaya Buluku ne 23:33

Ɛdɛnkɛma zele me kɛ, “Saa menli ɛhye mɔ bie anzɛɛ Nyamenle kpɔmanvolɛ anzɛɛ sɛlɛvolɛ bie biza wɔ kɛ, ‘Ɛdɛnkɛma adesoa ne a le duzu’ a, ka kile ye kɛ: Mese, bɛmɛ bɛdabɛ a bɛle adesoa bɛmaa me a, na mebavuandi bɛ meagua. Medame Ɛdɛnkɛma a mese a.

Gyɛlɛmaya Buluku ne 4:18

Dwuda, wɔ ndenle mɔɔ ɛlua nu nee wɔ nyɛleɛ a ɛmaa ɛhye ɛra ɛ nwo zo a. Wɔ awieleɛ ne ala ɛne, wɔ awieleɛ ɛyɛ ɛnwonle, na yeha wɔ dedee yeha wɔ ahonle mɔɔ la ɛ kunlu la.

Gyɛlɛmaya Buluku ne 5:19

Saa wɔ menli ne biza kɛ duzu ati a Ɛdɛnkɛma yɛ Nyamenle ne ɛyɛ ninyɛne ɛhye mɔ a, ka kile bɛ kɛ, ‘Bɛkpole medame, Ɛdɛnkɛma bɛ Nyamenle ne na bɛzonlenle nyamenle gyɛne gyɛne wɔ bɛdabɛ bɛ maanle nu, yemɔti bɛbazonle nyɛvolɛ wɔ maanle mɔɔ ɛnle bɛ ɛdeɛ la anu.’ ”