2 Edk 12:3 - BAEBOLO ANZƐƐ BULUKU NWUANZANWUANZA

³ Ɔvale ɛlɔnema mɔɔ ka konle ehwili la apenle ko ɛya nwiɔ yɛɛ ɛlɔnema mɔɔ ka mgbɔnwɔ la apenle ngoko abulasia a ɔrale a. Na menli mɔɔ ɔ nee bɛ vi Yigyibiti rale: Lebeyama, Sɛkema, nee Sudanema, bɛmɛ, awie ɛnze bɛ nloa.

2 Edk 12:3 ပူးပေါင်းရင်းမြစ်များ

2 Sam 10:18

na Seleama guale ye bɛ nzi. Devidi hunle Seleama ɛya nsuu mɔɔ ka konle ehwili la, menli mɔɔ ka mgbɔnwɔ la apenle ngoko abulanla na ɔbodale safohyenle kpanyinli Hyobake mɔɔ nea bɛ ɛlɔnema ne mɔ anwo zo la, na ɔwule ɛkɛ ne ala.

2 Arl 7:6

Ɔluakɛ Ɛdɛnkɛma manle Selea ɛlɔnema ne dele ɛnelɛ kpole bie mɔɔ kile kɛ ɛlɔne ɛva bɛ aze a. Ɛnelɛ ne zɔho konle ehwili dɔɔnwo nee mgbɔnwɔ nee ɛlɔne kpole bie agyakɛ abo. Yemɔti bɛhanle bɛhilele bɛ nwo ngoko kɛ, “Bɛnlea kɛ Yizilayɛ belemgbunli ɛhɔbɔ Hɛte nee Yigyibiti arelemgbunli ɛkpa yemaa bɛva bɛ ɛlɔne bɛra yɛ nwo zo a.”

2 Edk 14:12

Yemɔti Ɛdɛnkɛma lile Sudanema anwo zo konim, na ɔmanle bɛ kpɔvolɛma ne guale ndwɛlɛ aze wɔ Belemgbunli Esa nee Dwuda ɛlɔnema anyunlu.

2 Edk 14:8

Ɛnee Esa lɛ ɛlɔnema apenle ngoko ɛya nsa mɔɔ vi Dwuda a. Bɛlɛ bɛ sa nu enyinlike nee atwɛ, yɛɛ Bɛngyaman maanzinli nu amra apenle ngoko ɛya nwiɔ abulatwɛ mɔɔ bɛdabɛ noko bɛdedɛ atwɛ nee bɛ sa nu enyinlike nee ɛda a. Bɛ muala bɛ ze konle nye zo kpalɛ.

2 Edk 14:9

Sudanenli bie mɔɔ bɛfɛlɛ ye Zilaa la vale konle radoale Belemgbunli Esa. Ɔlɛ ɛlɔnema mgbe yɛɛ konle ehwili ɛya nsa, na bɛrale toonwo bɛradwule Malihyaa.

2 Edk 16:8

Na ɛnee Sudan nee Lebeya ɛnlɛ ɛlɔnema pemgbenleamgbe nee konle ehwili yɛɛ menli mɔɔ ka mgbɔnwɔ la dɔɔnwo ɔ? Noko kɛmɔ ɛvale ɛ rɛle ɛwulale Ɛdɛnkɛma nu la, ɔyele bɛ ɔmanle wɔ.

Ayezaya Buluku ne 43:3

Ɔluakɛ medame a mele Ɛdɛnkɛma bɛ Nyamenle ne, Yizilayɛ Nwuanzanwuanza Ko ne, bɛ Dievolɛ ne a. Mefa Yigyibiti meyɛ bɛ ɛkpɔnedeɛ, mefa Sudan nee Siba memaa na medie bɛ.

Yizikeɛle Buluku ne 30:5

“Sudanema, Lebeyama, Ledeama, Arelebiama amuala, yɛɛ Kɛɛbema mɔɔ bɛbɔle bɛ ɛkpa wɔ konle ne anu la amuala baho adɔ. Me menli ne bie mɔ noko baho adɔ.”

Daneɛle Buluku ne 11:43

Yigyibiti anwonyia kpokpoti: ezukoa nvutuke, dwɛtɛ fufule, yɛɛ debie biala mɔɔ sonle bolɛ la bapɛ ali ye ɛkɛ. Ɔbaho yeava Lebea nee Sudan.

Nahum Buluku ne 3:9

Sudan nee Yigyibiti le ye anwosesebɛ mɔɔ ɛnga aze ɛlɛ a. Pɛɛte nee Lebeya boa ye wɔ konle nu.

Yekile 9:16

Mendele kɛ sogyama mɔɔ dede mgbɔnwɔ zo la angome le mgbe ngoko ɛya nwiɔ.

Maanlebuvolɛma Buluku ne 4:13

ɔvale ye konle mbulalɛ ehwili ɛya ngɔnla ne nee ye ɛlɔnema kɔsɔɔti mɔɔ wɔ Halohyɛte, mɔɔ wɔ bɛdabɛ mɔɔ bɛnle Dwuuma la maanle nu la, na ɔ nee bɛ rale azule Kaehyɔn ne anloa.

Maanlebuvolɛma Buluku ne 6:5

Ɔluakɛ saa bɛse kɛ bɛba a bɛfa bɛ nlankɛ nee ndanlɛ azua a bɛba a. Bɛ somaa maa bɛyɛ menyemenye kɛ abɛbɛ la. Menli nee afunlumu mɔɔ kɛra maanle ne anu la, awie ɛngola bɛ tia. Saa bɛba a bɛsɛkye debie biala mɔɔ wɔ ɛya ne mɔ anu la.

1 Sam 13:5

Filisitiama boɔboale bɛ nwo kɛ bɛ nee Yizilayɛma kaho. Bɛvale ɛlɔnema mɔɔ ka konle ehwili la apenle ngoko abulasa, ɛlɔnema mɔɔ ka mgbɔnwɔ la apenle nsia, yɛɛ ɛlɔnema mɔɔ dua aze la kɛyɛ kɛ ɛnweazo ɛnwea. Bɛrayɛle azokoɛleɛ wɔ Mekemahye, wɔ Bɛtehavɛn aduduleɛ afoa nu.