2 Edk 12:2 - BAEBOLO ANZƐƐ BULUKU NWUANZANWUANZA

² Kɛmɔ bɛanli nɔhalɛ bɛammaa Ɛdɛnkɛma la ati, mɔɔ Rilihɔbowam lile ɛvolɛ nnu wɔ Dwuda ebia ne azo la, Yigyibiti Belemgbunli Hyaehyake ratetale Gyɛlusalɛm.

2 Edk 12:2 ပူးပေါင်းရင်းမြစ်များ

1 Arl 11:40

Yemɔti Sɔlɔmɔn bɔle adwenle kɛ ɔku Gyɛlɔbowam, na Gyɛlɔbowam nriandile hɔdanenle Yigyibiti Belemgbunli Hyaehyake. Ɔdɛnlanle Yigyibiti ɔhɔkpulale mekɛ mɔɔ Sɔlɔmɔn hɔle ayile nu la.

2 Arl 7:6

Ɔluakɛ Ɛdɛnkɛma manle Selea ɛlɔnema ne dele ɛnelɛ kpole bie mɔɔ kile kɛ ɛlɔne ɛva bɛ aze a. Ɛnelɛ ne zɔho konle ehwili dɔɔnwo nee mgbɔnwɔ nee ɛlɔne kpole bie agyakɛ abo. Yemɔti bɛhanle bɛhilele bɛ nwo ngoko kɛ, “Bɛnlea kɛ Yizilayɛ belemgbunli ɛhɔbɔ Hɛte nee Yigyibiti arelemgbunli ɛkpa yemaa bɛva bɛ ɛlɔne bɛra yɛ nwo zo a.”

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

2 Edk 14:8

Ɛnee Esa lɛ ɛlɔnema apenle ngoko ɛya nsa mɔɔ vi Dwuda a. Bɛlɛ bɛ sa nu enyinlike nee atwɛ, yɛɛ Bɛngyaman maanzinli nu amra apenle ngoko ɛya nwiɔ abulatwɛ mɔɔ bɛdabɛ noko bɛdedɛ atwɛ nee bɛ sa nu enyinlike nee ɛda a. Bɛ muala bɛ ze konle nye zo kpalɛ.

2 Edk 14:9

Sudanenli bie mɔɔ bɛfɛlɛ ye Zilaa la vale konle radoale Belemgbunli Esa. Ɔlɛ ɛlɔnema mgbe yɛɛ konle ehwili ɛya nsa, na bɛrale toonwo bɛradwule Malihyaa.

2 Edk 24:18

Bɛgyakyile ɛzonlenlɛ wɔ Ɛdɛnkɛma, bɛ ze mɔ Nyamenle ne Ɛzonlenlɛ Sua ne anu, na bɛhɔzonlenle bɛ bozonle raalɛ Ahyela ne ananze ne mɔ, na bɛzɔle mmonle. Na Nyamenle ɛya ne rale Gyɛlusalɛm amra nee Dwudama amuala anwo zo.

Ayezaya Buluku ne 18:2

na bɛsoa ɛbɔfoɔma wɔ ndɔ ɛlɛne nu bɛmaa bɛkɔ Azule Naele ne nyiakɛ. Bɛmɛ soanvolɛma mɔɔ anwo yɛ ndɛ a, bɛhɔ maanle bie mɔɔ nuhua menli ne le ndendenle, bɛ nwo yɛ fɛ na menli mɔɔ ewiade amra amuala sulo bɛ la anu; ɔle maanle mɔɔ anwo yɛ ɛzulolɛ na ɔdi konim wɔ konle nu a, yɛɛ ye azɛlɛ ne, azule dɔɔnwo ɛgyigya nuhua.

Ayezaya Buluku ne 63:10

Noko bɛdele ɔ nwo atua na bɛmanle ye Sunsum Nwuanzanwuanza ne lile nyane. Yemɔti ɔhakyile ɔ nwo ɔyɛle bɛ kpɔvolɛ na ɔdaye mumua ne ɔhonle ɔtiale bɛ.

Gyɛlɛmaya Buluku ne 2:19

Wɔ amumuyɛ ne badua wɔ kakɛ, ɛkpolɛ mɔɔ wɔkpo me la babua wɔ ewule fɔlɛ. Nwu ye kɛ ɔle nyane nee munzule ɔmaa wɔ kɛ ɛkɛkpo Ɛdɛnkɛma wɔ Nyamenle ne; ɛnzulo me fee, Tumivolɛ Awulae Nyamenle a se a.

Gyɛlɛmaya Awolɛyelɛ 5:15

Yɛ fɛlɛkolilɛ ɛwie; yɛ agolezilɛ ɛhakyi yɛ nyanelilɛ.