2 Edk 12:14 - BAEBOLO ANZƐƐ BULUKU NWUANZANWUANZA

¹⁴ Ɔyɛle ɛtane ɔtiale Ɛdɛnkɛma, ɔboalekɛ ɔkpole Ɛdɛnkɛma.

2 Edk 12:14 ပူးပေါင်းရင်းမြစ်များ

1 Arl 14:22

Dwudama yɛle ɛtane dɔɔnwo tiale Ɛdɛnkɛma dɛlale bɛ ze mɔ bɔbɔ, na ɔlua zolɛ Ɛdɛnkɛma vale ɛya.

1 Edk 29:18

Yɛ nlenya mɔ Ebileham, Ayezeke, nee Gyekɔbo Ɛdɛnkɛma Nyamenle, maa tunwomaa sunsum ye mɔɔ menli ye ɛnyia ye la ɛdɛnla bɛ nu dahuu na ɔnyi, na maa bɛli nɔhalɛ bɛmaa wɔ.

2 Edk 11:16

Na bɛdabɛ mɔɔ ɛnee bɛyeye bɛ ahonle nu kɛ bɛsonle Yizilayɛ Ɛdɛnkɛma Nyamenle ne la vi Yizilayɛ mbusua ekpunli ekpunli ne mɔ anu hɔle Gyɛlusalɛm hɔbɔle azu manle Ɛdɛnkɛma, bɛ ze mɔ Nyamenle ne.

2 Edk 19:3

Noko akee, bɛnwu kpalɛ ekyi bie wɔ wɔ nuhua, ɔluakɛ wɔzɛkye bozonle raalɛ Ahyela ne ananze ne mɔ na wɔdua bɛ ɛzonlenlɛ wɔ maanle ye anu. Eza wɔva wɔzie wɔ ahonle nu kɛ ɛsonle Ɛdɛnkɛma ala.”

2 Edk 30:19

“Ahunlunyele Ɛdɛnkɛma ɛva awie biala mɔɔ ɛva ye ahonle ɛmaa Nyamenle, bɛ ze mɔ Ɛdɛnkɛma Nyamenle ne, na ɔ nwo ɛnde, kɛmɔ ye ɛzonlenlɛ nu mɛla ne de la ɛtane ɛhyɛ ye.”

Edwɛndolɛ Buluku ne 57:7

O Nyamenle, me ahonle gyi kpundii, me ahonle gyi kpundii! Mebado edwɛne meaye wɔ ayɛlɛ!

Edwɛndolɛ Buluku ne 78:37

Bɛanva bɛ ahonle bɛammaa ye; bɛanli nɔhalɛ wɔ ye ngyekyeleɛ ne anwo.

Edwɛndolɛ Buluku ne 78:8

amaa bɛanyɛ kɛ bɛ nlenya mɔ, bɛanyɛ awolɛndoazo atuadelɛma nee anzosesebɛ; awolɛndoazo mɔɔ ɛnnea ɛleka ko, mɔɔ ɛnli nɔhalɛ ɛmmaa Nyamenle la.

Ayezaya Buluku ne 45:19

Meanga ye fealera nu, wɔ awozinli azɛlɛ bie azo; meanga meangile Gyekɔbo abo zo amra kɛ, ‘Bɛva basabasayɛlɛ bɛkpondɛ me bo zo.’ Medame Ɛdɛnkɛma, meka nɔhalɛ ne, meka mɔɔ le nɔhalɛ la meto gua.”

Yizikeɛle Buluku ne 33:31

Bɛba ɛ nwo ɛkɛ, kɛmɔ awie biala ba la, bɛbatɛnla ɛ nwo ɛkɛ kɛ asɛɛ me menli la, na bɛtie mɔɔ ɛka la, noko bɛnrɛyɛ ye ɛlɛ, ɔluakɛ bɛfa bɛ nloa a bɛkile bɛ ɛhulolɛ a, na bɛ ahonle ɛdeɛ, yemɔ ɔgyi bɛdabɛ bɛ ngome bɛ kpalɛyɛlɛ zo.

Edwɛkpa ne kɛmɔ Mateyu hɛlɛle la 7:7

“Bɛbiza na bɛ sa kɛha ye; bɛkpondɛ na bɛkɛnwu ye; bɛbɔ nu na bɛkɛbuke bɛ.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

1 Kɔl 16:13

Bɛyɛ bɛ nye gyɛlɛmgbɛɛnye, bɛgyinla kpundii wɔ diedi ne anu, bɛnyia akɛnrasesebɛ, bɛmaa bɛ nwo ɛyɛ se.

Mɛla 5:29

Anrɛɛ bɛanyia adwenle mɔɔ le zɛhae la dahuu, kɛ bɛkɛzulo me na bɛkɛli me mɛla ne mɔ azo, amaa yeayɛ boɛ yeamaa bɛ nee bɛ mra dahuu.

1 Sam 7:3

Samoɛle zele Yizilayɛma kɛ, “Saa bɛfa bɛ ahonle kɔsɔɔti bɛazia bɛara Ɛdɛnkɛma ɛkɛ ne a ɛnee bɛkpo bɛ maanle gyɛne nu nyamenle ne mɔ kɔsɔɔti nee bɛ bozonle raalɛ Asetate ananze ne ɛzonlenlɛ. Bɛdu bɛ nwo kɔsɔɔti bɛmaa Ɛdɛnkɛma na bɛzonle ɔ ngomekye na ɔkɛlie bɛ ɔkɛvi Filisitiama asa anu.”