2 Edk 12:13 - BAEBOLO ANZƐƐ BULUKU NWUANZANWUANZA

¹³ Belemgbunli Rilihɔbowam dɛnlanle Gyɛlusalɛm a lile ye ebia ne a. Ɔlile ɛvolɛ abulanla nee ko la yɛɛ ɔbɔle ɔ bo kɛ ɔdi belemgbunli a, yɛɛ ɔlile ebia ne ɛvolɛ bulu nee nsuu. Gyɛlusalɛm yɛɛ Ɛdɛnkɛma ɛkpa nu ɛye ɛvi Yizilayɛ mbusua ekpunli ekpunli ne mɔ anu kɛ yemɔ ala a ɔle suakpole mɔɔ ye duma ɛla zolɛ a. Bɛfɛlɛ Rilihɔbowam ɔ nli Neeyama. Ɔ nli le Amɔnonli.

2 Edk 12:13 ပူးပေါင်းရင်းမြစ်များ

1 Arl 11:1

Sɔlɔmɔn anye liele nyɛvolɛ mraalɛ dɔɔnwo anwo. Ɔgyale Yigyibiti belemgbunli ne ara raalɛ ne, eza ɔgyale Mowabe, Amɔn, Yidɔm, Saedɛn nee Hɛte mraalɛ.

1 Arl 11:36

Mebamaa Sɔlɔmɔn ara nrenya ne azie abusua ekpunli ko ala na dahuu meanyia me akɛlɛ Devidi abo zo amra ne bie ali ebia wɔ Gyɛlusalɛm. Suakpole ɛhye yɛɛ mekpa nu meye kɛ bɛzonle me wɔ zolɛ a.

1 Arl 14:21

Sɔlɔmɔn ara Rilihɔbowam lile ɛvolɛ abulanla nee ko la yɛɛ ɔbɔle ɔ bo kɛ ɔdi belemgbunli wɔ Dwuda a. Ɔdɛnlanle Gyɛlusalɛm ɔlile ebia ne ɛvolɛ bulu nee nsuu. Gyɛlusalɛm a le suakpole mɔɔ Ɛdɛnkɛma nleanle Yizilayɛ azuamgbole ne mɔ anu yele ziele ɛkɛ kɛ bɛzonle ye wɔ zolɛ a. Rilihɔbowam ɔ nli le Amɔnonli, bɛfɛlɛ ye Neeyama.

2 Edk 12:1

Mɔɔ Rilihɔbowam belemgbunlililɛ ne gyinlanle zo na ɔnyianle gyinlagyakɛ la, ɔkpole Ɛdɛnkɛma Mɛla ne mɔ na ɔmanle Yizilayɛma kɔsɔɔti kpole Ɛdɛnkɛma.

2 Edk 13:7

Menli agbamgbanvolɛ bie bɛdabɛ noko bɛhɔlile ɔ nzi na bɛkpole Sɔlɔmɔn ara Rilihɔbowam wɔ mekɛ mɔɔ Rilihɔbowam le kakula na ye adwenle ɛtɛtinle na yeahola yeagyinla bɛ nloa la.

2 Edk 6:5

‘Sumunli kɛ menyele me menli ne menvile Yigyibiti azɛlɛ zo la, metɛneanle Yizilayɛ mbusua ekpunli ekpunli ne mɔ anu metɛtule suakpole ko metɛmanle me nwo kɛ bɛzi sua wɔ ɛkɛ ne na me duma ɛla zolɛ, eza metɛneanle nu metɛtule awie ko kɛ ɔli belemgbunli ɔnlea me menli Yizilayɛma anwo zo.

2 Edk 6:6

Noko kɛkala, menlea nu meye Gyɛlusalɛm kɛ ɛkɛ ne yɛɛ bɛzonle me a, yɛɛ meye Devidi kɛ ɔli belemgbunli ɔzie me menli Yizilayɛma.’ ”

Nihɛmaya Buluku ne 13:1

Kenle ko ne mɔɔ bɛlɛkenga Mosisi Mɛla ne bɛahile menli ne la, bɛradwule kpɔkɛ bie mɔɔ se ɔnle kɛ bɛmaa Amɔnonli anzɛɛ Mowabenli biala adenle bɛmaa ɔboka Nyamenle menli ne anwo la,

Nihɛmaya Buluku ne 13:26

Menzele bɛ kɛ, “Nyɛvolɛ mraalɛ ɛhye mɔ ati yɛɛ Belemgbunli Sɔlɔmɔn yɛle ɛtane a. Wɔ maanle maanle dɔɔnwo avinli, belemgbunli biala ɛnle ɛkɛ mɔɔ nee ye sɛ a. Ye Nyamenle ne hulole ye na ɔyɛle ye Yizilayɛ maanle ne kɔsɔɔti belemgbunli. Noko akee maanle maanle gyɛne nu mraalɛ ɛgyalɛ manle ɔdaye bɔbɔ ɔyɛle ɛtane.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:24

Bɛzi ndɛtɛlɛ azukponle bɛmaa me na bɛva bɛ mboane nee nlankɛ azubɔdeɛ ne mɔ bɛbɔ ɛyelalɛ azu nee anzonudwolɛ azu wɔ zolɛ bɛmaa me. Ɛleka biala mɔɔ menwɔze bɛ kɛ bɛzonle me la, mebara mearayila bɛ.

Yizikeɛle Buluku ne 48:35

Bane nna ne mɔɔ bɛnra suakpole ne yia la amuala tendenle le mita apenle ngɔnla. Suakpole ne duma, ɔvi ɛnɛ mɔɔ kɔ la a le “Ɛdɛnkɛma Wɔ Ɛke.”

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 12:5

Ɛdɛnkɛma bɛ Nyamenle ne banlea aye ɛleka ko avi bɛ mbusua ekpunli ekpunli ne azɛlɛ ne mɔ anu, na yeava ye duma yeado zolɛ, yɛadɛnla ɛkɛ, na ɛkɛ ne yɛɛ ɔwɔ kɛ bɛkɔ bɛkɔsonle ye a.

Mɛla 23:3

“Ɔnle kɛ Amɔnonli anzɛɛ Mowabenli biala wolo Ɛdɛnkɛma menli ne avinli. Ɔ bo zo amra, toonwo mɔɔ badwu awolɛndoazo bulu ne azo bɔbɔ la, bɛye bɛ bɛvi Ɛdɛnkɛma menli ne avinli bɔkɔɔ,