2 Edk 12:10 - BAEBOLO ANZƐƐ BULUKU NWUANZANWUANZA

¹⁰ Belemgbunli Rilihɔbowam vale kɔbele yɛle bie ziele bɛ bo zo, na ɔvale ɔwulale sinzavolɛma mɔɔ sinza belemgbunli ɛkɛ ne la mgbanyima ne mɔ asa anu.

2 Edk 12:10 ပူးပေါင်းရင်းမြစ်များ

2 Sam 23:23

Ɔle katakyie wɔ katakyiema abulasa ne avinli, noko ɔndo “Nsa Ne.” Na Devidi manle ɔnleanle ye sinzavolɛma ne anwo zo.

2 Sam 8:18

Gyɛhɔyada ara Bɛnaya a nea Devidi sinzavolɛma ne anwo zo a yɛɛ Devidi amra mrenya ne mɔ le sɛlɛvolɛma.

1 Arl 10:16

Belemgbunli Sɔlɔmɔn manle bɛyɛle bɛ sa nu enyinlike mgbole ɛya nwiɔ na ɔmanle bɛholole ezukoa nvutuke mɔɔ asɛɛ to tone nu kilo nsuu la bɛguale ko biala anwo.

1 Arl 14:27

Yemɔti Belemgbunli Rilihɔbowam vale ayera nee kɔbele yɛle bie ziele bɛ bo zo na ɔvale ɔwulale sinzavolɛma mɔɔ wɔ belemgbunli sua nu ɛkɛ ne la asa anu.

1 Edk 11:25

Bɛbɔ ye duma bɛboka “Abulasa Ne” anwo, noko ɔndo “Nsa Ne.” Devidi yɛle ye menli mɔɔ sinza belemgbunli la kpanyinli.

2 Edk 12:11

Mekɛ biala mɔɔ belemgbunli ne ɛlɛkɔ Ɛdɛnkɛma Ɛzonlenlɛ Sua ne anu la, sinzavolɛma ne basoa di ɔ nyunlu kɔ eza bɛsoa bɛba, na akee yeava yeahɔzie bɛ bo zo ne wɔ sinzavolɛma sua ne anu.

2 Edk 12:9

Na Yigyibiti Belemgbunli Hyaehyake rale Gyɛlusalɛmma anwo zo; ɔravale Ɛdɛnkɛma Ɛzonlenlɛ Sua ne anu ezukoa nee ninyɛne nee belemgbunli suakunlu ɛkɛ ne gya nu ninyɛne kɔsɔɔti ɔhɔle; ɔvale debie biala. Eza ɔsesale bɛ sa nu enyinlike ne mɔ mɔɔ Belemgbunli Sɔlɔmɔn vale ezukoa nvutuke yɛle la ɔhɔle.

Gyɛlɛmaya Awolɛyelɛ 4:1

Ezukoa nvutuke ne ɛlu, ezukoa nvutuke kpalɛ anye ɛhakyi. Ɛzonlenlɛ Sua ne awolɛ ne mɔ ɛkponde suakpole ye awɔdenle ne mɔ azo.