2 Edk 12:1 - BAEBOLO ANZƐƐ BULUKU NWUANZANWUANZA

¹ Mɔɔ Rilihɔbowam belemgbunlililɛ ne gyinlanle zo na ɔnyianle gyinlagyakɛ la, ɔkpole Ɛdɛnkɛma Mɛla ne mɔ na ɔmanle Yizilayɛma kɔsɔɔti kpole Ɛdɛnkɛma.

2 Edk 12:1 ပူးပေါင်းရင်းမြစ်များ

1 Arl 12:17

Na Rilihɔbowam ziele Yizilayɛma mɔɔ wɔ Dwuda azuamgbole ne mɔ azo la.

1 Arl 14:21

Sɔlɔmɔn ara Rilihɔbowam lile ɛvolɛ abulanla nee ko la yɛɛ ɔbɔle ɔ bo kɛ ɔdi belemgbunli wɔ Dwuda a. Ɔdɛnlanle Gyɛlusalɛm ɔlile ebia ne ɛvolɛ bulu nee nsuu. Gyɛlusalɛm a le suakpole mɔɔ Ɛdɛnkɛma nleanle Yizilayɛ azuamgbole ne mɔ anu yele ziele ɛkɛ kɛ bɛzonle ye wɔ zolɛ a. Rilihɔbowam ɔ nli le Amɔnonli, bɛfɛlɛ ye Neeyama.

1 Arl 9:9

Na menli babua kɛ, ‘Ɔboalekɛ bɛkpole Ɛdɛnkɛma bɛ Nyamenle ne mɔɔ nee bɛ ze mɔ vi Yigyibiti rale la na bɛzonlenle nyamenle gyɛne, bɛbɔle bɛ ti aze bɛmanle bɛ. Ɛhye ati yɛɛ Ɛdɛnkɛma ɛmaa munzule ɛhye ɛdo bɛ a.’ ”

2 Arl 17:19

Noko Dwudama bɔbɔ anli Ɛdɛnkɛma bɛ Nyamenle ne mɛla ne mɔ azo. Bɛzukoale bɛbule amaamuo ne mɔɔ Yizilayɛma hɔvale rale la bie.

2 Edk 11:17

Bɛmanle Dwuda maanle ne gyinlanle na bɛmanle Sɔlɔmɔn ara Rilihɔbowam nyianle gyinlagyakɛ ɛvolɛ nsa, ɔluakɛ wɔ ɛvolɛ nsa ne anu, bɛvale Devidi nee Sɔlɔmɔn agyakɛ na bɛyɛle mɔɔ Devidi nee Sɔlɔmɔn yɛle la bie.

2 Edk 11:23

Ɔvale nrɛlɛbɛ ɔmanle ɔ mra mrenya ne mɔ gyima wɔ Dwuda nee Bɛngyaman maanzinli ne mɔ anu, na ɔkpondenle bɛ wɔ azuamgbole ne mɔ mɔɔ bɛbɔ nwolɛ bane la azo. Ɔmanle bɛ debie biala mɔɔ ɔwɔ kɛ bɛ sa ka ye la na ɔgyigyale mraalɛ ɔmanle bɛ.

2 Edk 11:3

“Ka kile Sɔlɔmɔn ara Rilihɔbowam mɔɔ sie Dwuda nee Yizilayɛ kɔsɔɔti mɔɔ wɔ Dwuda nee Bɛngyaman maanzinli ne mɔ anu la kɛ, Ɛdɛnkɛma se,

2 Edk 12:13

Belemgbunli Rilihɔbowam dɛnlanle Gyɛlusalɛm a lile ye ebia ne a. Ɔlile ɛvolɛ abulanla nee ko la yɛɛ ɔbɔle ɔ bo kɛ ɔdi belemgbunli a, yɛɛ ɔlile ebia ne ɛvolɛ bulu nee nsuu. Gyɛlusalɛm yɛɛ Ɛdɛnkɛma ɛkpa nu ɛye ɛvi Yizilayɛ mbusua ekpunli ekpunli ne mɔ anu kɛ yemɔ ala a ɔle suakpole mɔɔ ye duma ɛla zolɛ a. Bɛfɛlɛ Rilihɔbowam ɔ nli Neeyama. Ɔ nli le Amɔnonli.

2 Edk 24:18

Bɛgyakyile ɛzonlenlɛ wɔ Ɛdɛnkɛma, bɛ ze mɔ Nyamenle ne Ɛzonlenlɛ Sua ne anu, na bɛhɔzonlenle bɛ bozonle raalɛ Ahyela ne ananze ne mɔ, na bɛzɔle mmonle. Na Nyamenle ɛya ne rale Gyɛlusalɛm amra nee Dwudama amuala anwo zo.

Ayezaya Buluku ne 1:4

Aa, maanle mɔɔ ɛtane ɛyi ye tɛkɛɛ a, menli mɔɔ ninyɛndane ɛyɛlɛ ɛli bɛ ti a, esiayɛɛ mralɛ, menli mɔɔ nzisi ala a bɛdi a, bɛbɔ munzule! Bɛkpo Ɛdɛnkɛma, bɛhyi Yizilayɛ Nwuanzanwuanza Ko ne, na bɛhakyi bɛ nzi bɛzi ye bɔkɔɔ.

Gyɛlɛmaya Buluku ne 2:31

O bɛmɛ awolɛndoazo ɛhye, bɛdie Ɛdɛnkɛma edwɛkɛ ne. Meyɛ fienemgbole memaa Yizilayɛ, anzɛɛ azɛlɛ mɔɔ awozinli kabii ɛheda zo la ɔ? Duzu ati a me menli ne se, ‘Yɛlɛ fanwodi, yɛnrɛzia yɛnrɛra ɛ nwo ɛkɛ bieko’ a?

Hozia Buluku ne 13:1

Dɛba ne, saa Yifelaem tendɛ a, menli nwo wozo bɛ; bɛkpogyale ye zo wɔ Yizilayɛma avinli; na ɔluale bozonle Beeyale anwo zo ɔyɛle ɛtane na ɔwule.

Maeka Buluku ne 6:16

Ɔluakɛ Belemgbunli Ɔmelae nee ɔ ra Belemgbunli Ehabe amumuyɛ mɛla ne mɔ nee bɛ folɛdulɛ ne a bɛli zolɛ a, amaa meanyia adenle meayɛ suakpole ne suadu na zolɛ menli kɔsɔɔti anrese. Yemɔti ɛbazoa me menli ne mɔ kɔsɔɔti ndeanlɛ ne.”

Mɛla 32:15

“Nyamenle menli ne hyenle yɛle kpukpotoloo, bɛyɛle mgbole mbelane tutoboo, bɛkpole bɛ Nyamenle ne mɔɔ bɔle bɛ la, na bɛkpole bɛ Ngoanelielɛ Bodane ne.

Mɛla 32:18

Bɛandwenle Bodane ne mɔɔ bɔle bɛ la anwo, bɛ rɛle vile Nyamenle ne mɔɔ wole bɛ la.

Maanlebuvolɛma Buluku ne 2:15

Kɛmɔ Ɛdɛnkɛma kɔkɔ ne mɔɔ ɔbɔle bɛ, nee ye ndane ne mɔɔ ɔhanle ɔdole zolɛ la se la, mekɛ biala mɔɔ Yizilayɛma kɛhɔ konle nloa la, Ɛdɛnkɛma ko tia bɛ wɔ bɛ munzule ɛbɛla ne ati, na bɛnwunle amaneɛ kpole.