2 Edk 11:21 - BAEBOLO ANZƐƐ BULUKU NWUANZANWUANZA

²¹ Ɛnee Rilihɔbowam kulo Meeyaka tɛla ye mraalɛ ne mɔ nee ye mgbɔnla ne mɔ amuala. Ɔgyale mraalɛ bulu nee mɔtwɛ yɛɛ ɔvale mgbɔnla abulasia. Ɔwole mralɛ mrenya abulanwiɔ nee mɔtwɛ yɛɛ mralɛ mraalɛ abulasia.

2 Edk 11:21 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:24

Ye mgbɔnla Wulumaa ɔdaye noko ɔwole Tiba, Geeham, Teehahye, yɛɛ Meeyaka.

2 Sam 5:13

Devidi vi Hibulɔn rale Gyɛlusalɛm la, ɔgyale mraalɛ dɔɔnwo, eza ɔvale mgbɔnla dɔɔnwo na ɔwole mralɛ mrenya nee mralɛ mraalɛ dɔɔnwo.

1 Arl 11:3

Ɔgyale arelemgbunli amra mraalɛ ngome ɛya nsuu yɛɛ ɔlɛ mgbɔnla ɛya nsa. Na ye mraalɛ ne mɔ hakyile ye adwenle.

1 Arl 15:2

Ɔlile ebia ne ɛvolɛ nsa wɔ Gyɛlusalɛm. Ɔ nli a le Abaehyalɔn (Abesalɛm) ara raalɛ Meeyaka.

2 Edk 11:23

Ɔvale nrɛlɛbɛ ɔmanle ɔ mra mrenya ne mɔ gyima wɔ Dwuda nee Bɛngyaman maanzinli ne mɔ anu, na ɔkpondenle bɛ wɔ azuamgbole ne mɔ mɔɔ bɛbɔ nwolɛ bane la azo. Ɔmanle bɛ debie biala mɔɔ ɔwɔ kɛ bɛ sa ka ye la na ɔgyigyale mraalɛ ɔmanle bɛ.

Mɛla 17:17

Ɔnle kɛ ɔgya mraalɛ dɔɔnwo, ɔboalekɛ ɛhye bamaa ɔ rɛle avi Ɛdɛnkɛma ye Nyamenle ne, yɛɛ eza ɔnle kɛ ɔ nye bolo dwɛtɛ fufule nee ezukoa nvutuke dɔɔnwo ɛnyianlɛ.

Mɛla 21:16

kenle mɔɔ selɛ ne kyɛ ye ninyɛne nu kɛ ɔ mra mrenya ne mɔ agyadeɛ la, ɔnle kɛ ɔyɛ kɛ asɛɛ raalɛ ne mɔɔ ɔkulo ye la ara ɛdeɛ ne a le kpanyinli a.

Maanlebuvolɛma Buluku ne 8:30

Gedɛyɔn wole mralɛ mrenya abulasuu, ɔluakɛ ɔgyale mraalɛ dɔɔnwo.