2 Edk 11:16 - BAEBOLO ANZƐƐ BULUKU NWUANZANWUANZA

¹⁶ Na bɛdabɛ mɔɔ ɛnee bɛyeye bɛ ahonle nu kɛ bɛsonle Yizilayɛ Ɛdɛnkɛma Nyamenle ne la vi Yizilayɛ mbusua ekpunli ekpunli ne mɔ anu hɔle Gyɛlusalɛm hɔbɔle azu manle Ɛdɛnkɛma, bɛ ze mɔ Nyamenle ne.

2 Edk 11:16 ပူးပေါင်းရင်းမြစ်များ

1 Edk 16:29

Bɛmaa anyunlunyia mɔɔ fɛta Ɛdɛnkɛma la ɛha ye; bɛva azubɔdeɛ bɛrɛla ɔ nyunlu. Bɛzie bɛ nwo nwuanzanwuanza bɛyeyɛ Ɛdɛnkɛma, na bɛbɔ bɛ ti aze bɛmaa ye.

1 Edk 22:1

Yemɔti Devidi zele kɛ, “Ɛke yɛɛ Ɛdɛnkɛma Nyamenle ne Ɛzonlenlɛ Sua ne bagyinla a. Ɛke yɛɛ azukponle mɔɔ Yizilayɛma kɔsɔɔti babɔ bɛ ɛyelalɛ azu ne mɔ zolɛ la bagyinla a.”

1 Edk 22:19

Zɔhane ati bɛva bɛ ahonle nee bɛ ɛkɛla muala bɛzonle Ɛdɛnkɛma bɛ Nyamenle ne. Bɛdwazo bɛzi Ɛdɛnkɛma bɛ Nyamenle ne Ɛzonlenlɛ Sua ne, amaa bɛanyia ɛleka kpalɛ bɛava Ɛdɛnkɛma Ngyekyeleɛ Ɛlɛka ne nee Nyamenle ahyɛnze nwuanzanwuanza ne mɔ mɔɔ bɛfa bɛsonle ye la bɛazie.”

2 Edk 11:17

Bɛmanle Dwuda maanle ne gyinlanle na bɛmanle Sɔlɔmɔn ara Rilihɔbowam nyianle gyinlagyakɛ ɛvolɛ nsa, ɔluakɛ wɔ ɛvolɛ nsa ne anu, bɛvale Devidi nee Sɔlɔmɔn agyakɛ na bɛyɛle mɔɔ Devidi nee Sɔlɔmɔn yɛle la bie.

2 Edk 15:12

Na bɛyɛle ngyehyɛlɛ kɛ bɛfa bɛ ahonle nee bɛ ɛkɛla muala bɛazonle Ɛdɛnkɛma, bɛ ze mɔ Nyamenle ne.

2 Edk 15:15

na Dwudama amuala anye liele kpole wɔ ɛhye anwo. Ɔluakɛ bɛvale bɛ ahonle muala a bɛhanle ndane bɛlile amonle ne a. Bɛvale bɛ ɛhulolɛ kɔsɔɔti bɛzonlenle Ɛdɛnkɛma, na Ɛdɛnkɛma liele bɛ dole nu na ɔmanle bɛ nzo nu dwole bɛ wɔ adenle biala anu.

2 Edk 15:9

Ɛnee menli dɔɔnwo vi Yifelaem, Manasɛ, nee Semɛyɔn maanzinli ne mɔ anu wɔ Yizilayɛ ɛdu ɛradoa Belemgbunli Esa, ɔluakɛ bɛnwunle kɛ Ɛdɛnkɛma ye Nyamenle ne nee ye lua. Belemgbunli Esa boɔboale bɛ kɔsɔɔti nee Dwudama nee Bɛngyamanema amuala anloa.

2 Edk 19:3

Noko akee, bɛnwu kpalɛ ekyi bie wɔ wɔ nuhua, ɔluakɛ wɔzɛkye bozonle raalɛ Ahyela ne ananze ne mɔ na wɔdua bɛ ɛzonlenlɛ wɔ maanle ye anu. Eza wɔva wɔzie wɔ ahonle nu kɛ ɛsonle Ɛdɛnkɛma ala.”

2 Edk 20:3

Ɛzulolɛ hanle Gyɛhɔhyafate na ɔzɛlɛle moalɛ ɔvile Ɛdɛnkɛma ɛkɛ ne, na ɔzele kɛ Dwudama kɔsɔɔti ɛhye ɛhɔne.

2 Edk 20:4

Na Dwudama amuala yiale kɛ bɛsɛlɛ Ɛdɛnkɛma moalɛ, menli vi Dwuda azuamgbole ne mɔ amuala azo rale nzɛlɛlɛ ne bie.

2 Edk 30:11

Menli ekyi bie mɔɔ wɔ Ahya, Manasɛ, yɛɛ Zɛbulɛn la yɛɛ nlunle bɛ nwo na bɛrale Gyɛlusalɛm a.

Dwobu Buluku ne 34:14

Saa ɔdie ye sunsum ne nee ye ɛnwomenle ne a,

Edwɛndolɛ Buluku ne 108:1

O Nyamenle, me ahonle gyi kpundii, me ahonle gyi kpundii! Mebado edwɛne meaye wɔ ayɛlɛ! Me ɛkɛla, dwazo!

Edwɛndolɛ Buluku ne 62:10

Mmafa ɛ rɛle ɛwula apobɔlɛ nu, mmafa ɛ nye ɛto ɛwualɛ zo; saa anwonyia nu noko a, mmafa wɔ ahonle ɛto zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:21

Bɛdabɛ noko mɔɔ bɛambu Ɛdɛnkɛma edwɛkɛ ne bie la gyakyile bɛ sonvolɛma nee bɛ nyɛmoa wɔ bɛ ɛya avule ne mɔ anu.

Daneɛle Buluku ne 6:14

Belemgbunli dele edwɛkɛ ne la, ɔgyegyele ye adwenle dɔɔnwo. Ɛbɔ ye nwonlomɔ ne toonwo mɔɔ kɔdwu nɔsolɛ nu la ɛnee ɔlɛkpondɛ adenle yealua nu yealie Daneɛle.

Hozia Buluku ne 4:8

Bɛdidi me menli ne ɛtane nwo, bɛyɛ adidikpoku wɔ me menli ne ɛtaneyɛlɛ nwo.

Hagae Buluku ne 1:5

Zɔhane ati medame Tumivolɛ Ɛdɛnkɛma, mese: Bɛnlea kɛ bɛwie ye a.

Zɛkalaya Buluku ne 8:21

menli vi azuamgbole dɔɔnwo azo bahɔ azuamgbole zo ahɔze kɛ, ‘Bɛmaa yɛha yɛ nwo waa yɛhɔ yɛhɔzɛlɛ Ɛdɛnkɛma na yɛzonle Tumivolɛ Ɛdɛnkɛma. Bɛrɛla bɛmaa yɛhɔ.’

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 32:46

ɔzele bɛ kɛ, “Bɛva mɛla mɔɔ meva memaa bɛ ɛnɛ la amuala bɛzie bɛ ahonle nu na bɛli zolɛ, amaa bɛaha bɛahile bɛ mra, na bɛdabɛ noko bɛali zolɛ.

Dwɔhyua Buluku ne 22:19

Saa bɛnea na bɛ azɛlɛ ne ɛnle ɛleka mɔɔ bɛtɛnla bɛsonle Nyamenle a, ɛnee bɛrɛla Ɛdɛnkɛma azɛlɛ ye azo, ɛleka mɔɔ ye Ndanlɛ Sua ne wɔ la na bɛralie yɛ azɛlɛ ne bie. Bɛmmasi azukponle bɛboka Ɛdɛnkɛma yɛ Nyamenle ne ɛdeɛ ne anwo. Bɛmmako bɛtia Ɛdɛnkɛma yɛɛ bɛmmamaa yɛte atua.