2 Edk 11:13 - BAEBOLO ANZƐƐ BULUKU NWUANZANWUANZA

¹³ Sɛlɛvolɛma nee Livaema mɔɔ wɔ Yizilayɛ la amuala vi ɛleka ne mɔ mɔɔ bɛdede la rale Belemgbunli Rilihɔbowam anwo ɛkɛ wɔ Dwuda.

2 Edk 11:13 ပူးပေါင်းရင်းမြစ်များ

1 Arl 12:17

Na Rilihɔbowam ziele Yizilayɛma mɔɔ wɔ Dwuda azuamgbole ne mɔ azo la.

1 Arl 15:17

Yizilayɛ Belemgbunli Beeyahya vale konle doale Dwudama na ɔkyekyele Releema, amaa yeadua adenle mɔɔ awie ɛngɔ Dwuda yɛɛ awie vi Dwuda ɛnvinde ɛngɔ ɛleka biala la.

2 Arl 4:42

Mekɛ bie noko, nrenya bie vi Beeyale-Hyalehya vale kpanwo ahunguma abulanwiɔ yɛɛ abɛlɛ mɔɔ bɔ zo mɔɔ bɛlɛbu zolɛ la kodoku nu rɛlɛle Yilaehya. Na Yilaehya zele ye sonvolɛ ne kɛ, “Fa maa Nyamenle kpɔmanvolɛma asa azo ne mɔ maa bɛli.”

2 Edk 11:12

Ɔvale atwɛ nee bɛ sa nu enyinlike ɔhɔle azuamgbole ɛhye mɔ biala azo, amaa bɛ nwo ayɛ se. Na ɔlile ye belemgbunli ne wɔ Dwuda nee Bɛngyaman maanzinli ne mɔ anu ala.

2 Edk 11:14

Livaema vile ɛleka mɔɔ bɛdede la na bɛgyakyile bɛ nwo ninyɛne bɛrale Dwuda nee Gyɛlusalɛm, ɔboalekɛ Yizilayɛ Belemgbunli Gyɛlɔbowam nee ɔ bo zo amra yele bɛ gyima nu kɛ bɛnle Ɛdɛnkɛma sɛlɛvolɛma bieko.

2 Edk 16:1

Belemgbunli Esa lile ɛvolɛ abulasa nee nsia wɔ ebia zo la, Yizilayɛ Belemgbunli Beeyahya vale konle doale Dwudama, na ɔbɔle ɔ bo kɛ ɔkyekye Releema, amaa yeadua adenle mɔɔ awie ɛngɔ awie ɛmba Dwuda la.

2 Edk 23:2

Bɛhɔle Dwuda azuamgbole ne mɔ azo, na bɛhɔvale Livaema mɔɔ wɔ maanle ne anu la nee Yizilayɛ mbusua mgbanyinli bɛrale Gyɛlusalɛm.

2 Edk 30:1

Kɛmɔ ɛnee sɛlɛvolɛma ne anu dɔɔnwo anwo ɛnde la ati, menli ne angola anli Akpabɛnwo Ɛvoyia ne wɔ ye mekɛ ne anloa pɛpɛ wɔ siane ne mɔɔ lumua la anu. Ɛnee eza menli dɔɔnwo anloa ɛtɛyiale Gyɛlusalɛm. Yemɔti Belemgbunli Hɛzikaya nee ye mgbanyima nee Gyɛlusalɛm amra amuala liele dole nu kɛ ɔwɔ kɛ bɛdi ɛvoyia ne wɔ siane nwiɔ ne anu. Belemgbunli ne noko zoanle menli manle bɛvale nrɛlaleɛ bɛhɔle Yizilayɛ nee Dwuda maanle ne mɔ anu. Eza ɔhɛlɛle Yifelaem nee Manasɛ mbusua ekpunli ekpunli ne mɔ na ɔdole ɛsalɛ ɔvɛlɛle bɛ kɛ bɛrɛla bɛmaa bɛli ɛvoyia ne bɛwula Ɛdɛnkɛma, Yizilayɛ Nyamenle ne anyunlunyia.

Gyɛlɛmaya Buluku ne 23:38

Na saa bɛka kɛ, ‘Ɛdɛnkɛma adesoa ne’, wɔ mekɛ mɔɔ meze bɛ kɛ bɛmmaka kɛ, ‘Ɛdɛnkɛma adesoa’ la a,

Mɛla 12:19

Saa bɛdwu bɛ azɛlɛ ne azo na bɛtɛnla aze a, anrɛɛ bɛnlea boɛ na bɛ rɛle anvi Livaema mɔɔ wɔ bɛ avinli la.

Dwɔhyua Buluku ne 22:19

Saa bɛnea na bɛ azɛlɛ ne ɛnle ɛleka mɔɔ bɛtɛnla bɛsonle Nyamenle a, ɛnee bɛrɛla Ɛdɛnkɛma azɛlɛ ye azo, ɛleka mɔɔ ye Ndanlɛ Sua ne wɔ la na bɛralie yɛ azɛlɛ ne bie. Bɛmmasi azukponle bɛboka Ɛdɛnkɛma yɛ Nyamenle ne ɛdeɛ ne anwo. Bɛmmako bɛtia Ɛdɛnkɛma yɛɛ bɛmmamaa yɛte atua.