2 Edk 10:15 - BAEBOLO ANZƐƐ BULUKU NWUANZANWUANZA

¹⁵ Yemɔti belemgbunli andie menli ne mɔ edwɛkɛ biala, ɔluakɛ Nyamenle a hyehyɛle manle ɔrale ye zɔhane a, amaa Ɛdɛnkɛma edwɛkɛ ne mɔɔ ɔluale Nyamenle kpɔmanvolɛ Ahaegya mɔɔ vi Hyaelo la anwo zo ɔhanle ɔhilele Nibate ara Gyɛlɔbowam la ayɛ nɔhalɛ.

2 Edk 10:15 ပူးပေါင်းရင်းမြစ်များ

2 Sam 17:14

Abesalɛm nee Yizilayɛma kɔsɔɔti hanle kɛ, “Huhyae adwenle ne le kpalɛ tɛla Ahetɔfɛle folɛdulɛ ɛdeɛ ne.” Ɔluakɛ Ɛdɛnkɛma ɛhyehyɛ kɛ ɔsɛkye Ahetɔfɛle folɛdulɛ ɛdeɛ ne, amaa yeamaa munzule ado Abesalɛm.

1 Arl 12:15

Belemgbunli ne ande ɔ nyunlu angile menli ne, ɔboalekɛ ɛnee Ɛdɛnkɛma kulo kɛ ye edwɛkɛ ne mɔɔ ɔvale ɔluale Nyamenle kpɔmanvolɛ Ahaegya mɔɔ vi Hyaelo la anloa kɛ ɔha ɔhile Gyɛlɔbowam la yɛ nɔhalɛ.

1 Arl 12:24

“Bɛmmafa konle bɛtoa bɛ mediema Yizilayɛma; bɛzia bɛhɔ sua nu. Medame Ɛdɛnkɛma a memaa ɛhye ɛzi a.” Bɛdiele Ɛdɛnkɛma nrɛlaleɛ ne na bɛhɔle sua nu.

1 Arl 22:20

na Ɛdɛnkɛma ɛlɛbiza kɛ, ‘Nwane a kɛhola kɛli Ehabe adwenle kɛmaa ɔkɛhɔwu Releemɔto mɔɔ wɔ Geleade la a?’ Na ko ka ɛhye, ɛnee ko noko ɛha bie gyɛne.

2 Edk 10:14

Belemgbunli Rilihɔbowam dendɛle, kɛmɔ mgbavolɛ ne mɔ zele ye la na ɔhanle kɛ, “Egya zoale bɛ adesoa ɛnlomboɛ, na mame, mebava bie meaboka nwolɛ. Egya vale nɛnemile a bole bɛ a, na mame, mebava empele mɔɔ anloa yɛ nyane kɛ nyamenleakɛlɛ ɛbɔlɛ la a meabila bɛ a.”

2 Edk 11:4

‘Bɛmmakɔ bɛ nee bɛ mediema ne mɔ kɔko. Awie biala ɛzia ɛhɔ ye sua zo, ɔluakɛ medame a meyɛ ɛhye a.’ ” Yemɔti bɛdiele Ɛdɛnkɛma ane, na bɛ nee Gyɛlɔbowam angɔngo.

2 Edk 22:7

Na ɛnee Nyamenle ɛhyehyɛ kɛ wɔ Dwɔlam ɛkpɔlalɛ nu yɛɛ Ehazaya balua ayia munzule a. Mɔɔ Ehazaya dwule Dwɔlam anwo ɛkɛ wɔ Gyɛzɛlii la, ɔ nee ye bɛ mu nwiɔ bɛhɔle kɛ bɛkayia Nemehyae ara Gyihu mɔɔ ɛnee Ɛdɛnkɛma ɛmaa bɛkpokpa ye nwole kɛ ɔbɔ Ehabe sua nu amra abo zo la adenle.

2 Edk 9:29

Ninyɛne bieko mɔɔ Sɔlɔmɔn yɛle nee ye nyɛleɛ, ɔvi mɔlebɛbo ne kɔdwu awieleɛ ne la, bɛhɛlɛ bɛ kɔsɔɔti wɔ Nyamenle Kpɔmanvolɛ Neetan Tetedwɛkɛ Buluku ne, Ahaegya mɔɔ vi Hyaelo la Nyamenle Nrɛlaleɛ Buluku ne, yɛɛ Nyamenle Sonla Yedo Ɛnyelɛzodeɛnwunlɛ Buluku ne mɔ anu. Yedo buluku ne eza ka Nibate ara Gyɛlɔbowam mɔɔ lile ebia wɔ Yizilayɛ la anwo edwɛkɛ.

Ayezaya Buluku ne 19:14

Ɛdɛnkɛma ɛye anyezota ɛdo Yigyibitima anwo, yemaa bɛbɔ atondo wɔ bɛ debie biala ɛyɛlɛ nu kɛ nzanli mɔɔ ɛbo ɛfefe ɛla nu la.

Dw 19:24

sogyama ne zele bɛ nwo kɛ, “Bɛmmamaa yɛsuosua nu; bɛmaa yɛgua nwolɛ nzeleba yɛnlea ahenle mɔɔ ɔkɛyɛ ye ɛdeɛ la.” Ɛhye zile amaa Nyamenle Edwɛkɛ ne ayɛ nɔhalɛ kɛ, “Bɛhyɛle me adɛladeɛ ne mɔ bɛvale, na me bubu ne, bɛguale nwolɛ nzeleba.” Mɔɔ sogyama ne mɔ yɛle la ɛne.

Ɛzoanvolɛma Gyima ne 2:23

Nyamenle ɔdaye ye ɛhulolɛ zo, ɔliele ɔdole nu kɛ bɛkɛye Gyisɛse bɛkɛmaa bɛ; yɛɛ bɛdabɛ noko bɛmanle menli mɔɔ ɛnze Nyamenle la bɔle ye meanubaka nu hunle ye a.

Ɛzoanvolɛma Gyima ne 4:28

Bɛyiale nu bɛvale adwenle bɛyɛle debie biala, kɛmɔ ɛdawɔ wɔ tumi ɛhulolɛ ngyehyɛlɛ ne de la.

Mɛla 2:30

“Na Hɛhyebɔn Belemgbunli Saehɔn amkponle kɛ ɔkɛmaa yɛkɛze ye azɛlɛ ne azo. Ɔluakɛ ɛnee Ɛdɛnkɛma bɛ Nyamenle ne ɛmaa yɛsolo na yeyɛ dapele, amaa yeaye ye yeamaa bɛ, kɛmɔ ɔde kɛkala la.

Maanlebuvolɛma Buluku ne 14:4

Samesɛn ɔ ze nee ɔ nli ɛnze kɛ ɛhye mɔ kɔsɔɔti Ɛdɛnkɛma yɛɛ ɛlɛyɛ a, ɔluakɛ ɛnee Ɛdɛnkɛma ɛlɛkpondɛ adenle yealua nu yeadua Filisitiama kakɛ. Mekɛ zɔhane anu ɛnee Filisitiama a sie Yizilayɛma a.

1 Sam 2:25

Saa sonla fo ɔ gɔnwo a, Nyamenle a di ɔ ti edwɛkɛ maa ye a, na saa sonla fo Ɛdɛnkɛma a ɛnee nwane a di ɔ ti mgbɔdalɛ a?” Noko Yilae amra ne mɔ andie bɛ ze aneɛ, ɔluakɛ ɛnee ɔle Ɛdɛnkɛma ɛhulolɛ kɛ ɔku bɛ.