2 Edk 1:6 - BAEBOLO ANZƐƐ BULUKU NWUANZANWUANZA

⁶ Sɔlɔmɔn hunle nyɛmoa apenle, yelale bɛ bɔle azu wɔ kɔbele azukponle ne mɔɔ gyi ɛleka mɔɔ bɛsonle la anyunlu ɛkɛ ne la azo manle Ɛdɛnkɛma.

2 Edk 1:6 ပူးပေါင်းရင်းမြစ်များ

1 Arl 3:4

Kenle ko Belemgbunli Sɔlɔmɔn hɔle Gebɛyɔn kɛ ɔkabɔ azu, ɔluakɛ ɛkɛ ne a azukponle mɔɔ di munli la wɔ a, yɛɛ eza yeyela nane kɛyɛ nyɛ wɔ ɛkɛ ne yebɔ azu mekɛ dɔɔnwo.

1 Arl 8:5

Belemgbunli Sɔlɔmɔn nee Yizilayɛma amuala yiale Ngyekyeleɛ Ɛlɛka ne anyunlu na bɛhunle mboane nee nlankɛ dɔɔnwo kpalɛ bɛbɔle azu.

1 Arl 8:63

Sɔlɔmɔn vale nlankɛ apenle ngoko abulanwiɔ nee nwiɔ yɛɛ mboane apenle ngoko ɛya ko abulanwiɔ bɔle anzonudwolɛ azu manle Ɛdɛnkɛma. Na belemgbunli nee Yizilayɛma kɔsɔɔti dule Ɛzonlenlɛ Sua ne manle Nyamenle.

1 Edk 29:21

Aleɛ hyenle la bɛhunle nane bɛbɔle azu, bɛdule bɛwulale Ɛdɛnkɛma asa anu, na bɛvale bɛmanle menli ne lile. Eza bɛhunle nlankɛ nyinli apenle, mboane nyinli apenle, yɛɛ mboane mralɛ apenle na bɛyelale bɛ bɛbɔle azu bɛmanle Ɛdɛnkɛma wɔ ye azukponle ne azo. Eza bɛvale nwanye bɛbɔle azu.

2 Edk 8:12

Sɔlɔmɔn bɔle ɛyelalɛ azu wɔ Ɛdɛnkɛma azukponle ne mɔɔ yezi ye wɔ Ɛzonlenlɛ Sua ne anyunlu ɛkɛ ne la azo manle Ɛdɛnkɛma.

Ayezaya Buluku ne 40:16

Lɛbanɔn mbaka ɛnza senle wuda, yɛɛ ye nyɛmoa ɛnza ɛyelalɛ azu bɔ.