2 Edk 1:2 - BAEBOLO ANZƐƐ BULUKU NWUANZANWUANZA

² Belemgbunli Sɔlɔmɔn dendɛle hilele Yizilayɛma amuala: safohyenlema mɔɔ nea ɛlɔnema apenle apenle nee ɛya ɛya nwo zo, ndɛnebuavolɛma, Yizilayɛ maanle mgbanyima ne mɔ, yɛɛ mbusua mgbanyinli.

2 Edk 1:2 ပူးပေါင်းရင်းမြစ်များ

1 Arl 3:4

Kenle ko Belemgbunli Sɔlɔmɔn hɔle Gebɛyɔn kɛ ɔkabɔ azu, ɔluakɛ ɛkɛ ne a azukponle mɔɔ di munli la wɔ a, yɛɛ eza yeyela nane kɛyɛ nyɛ wɔ ɛkɛ ne yebɔ azu mekɛ dɔɔnwo.

1 Edk 13:1

Belemgbunli Devidi nee ye safohyenlema mɔɔ nea ɛlɔnema apenle yɛɛ ɛlɔnema ɛya anwo zo la vale adwenle.

1 Edk 15:12

Ɔzele Livaema ne mɔ kɛ, “Bɛmɛ a bɛle Livae mbusua mgbanyinli a, bɛzie bɛ nwo nwuanzanwuanza na bɛnlea bɛmaa bɛ mediema Livaema mɔɔ ɛha la ɛzie bɛ nwo nwuanzanwuanza na bɛhɔva Ɛdɛnkɛma, Yizilayɛ Nyamenle ne Ngyekyeleɛ Ɛlɛka ne bɛrazie ɛleka mɔɔ meziezie memaa ye la.

1 Edk 15:3

Akee Devidi boɔboale Yizilayɛma amuala anloa wɔ Gyɛlusalɛm kɛ bɛkava Nyamenle Ngyekyeleɛ Ɛlɛka ne bɛarazie ye ɛleka ne mɔɔ yeziezie yemaa ye la.

1 Edk 24:31

Abusua kpanyinli ne nee ɔ mediema ngakula ne mɔ ko a guale nzeleba hyɛle gyima ne a, kɛmɔ bɛ busuanli Aalɔn abo zo amra sɛlɛvolɛma ne yɛle la. Belemgbunli Devidi, Sɛlɛvolɛ Zeedɔko, Ahemɛlɛke, yɛɛ sɛlɛvolɛma mbusua mgbanyinli nee Livae mbusua mgbanyinli ne mɔ a nleanle manle bɛguale nzeleba ne bɛyɛle ngyehyɛlɛ ne a.

1 Edk 24:4

Bɛhyɛle Ɛlieza abo zo amra ne anu ekpunli bulu nee nsia, yɛɛ bɛhyɛle Yetamaa abo zo amra ne anu ekpunli mɔtwɛ. Bɛyɛle ye zɔhane, ɔboalekɛ ɛnee mbusua mgbanyinli dɔɔnwo wɔ Ɛlieza abo zo amra ne anu tɛla Yetamaa.

1 Edk 27:1

Yizilayɛ mbusua safohyenlema mɔɔ nea ɛlɔnema apenle nee ɛlɔnema ɛya nwo zo, nee mbɔlɔba mgbanyinli mɔɔ nleanle maanle ne bule la ɛne. Ɛvolɛ biala anu, siane ko biala ekpunli ko mɔɔ bɛ nloa le menli apenle ngoko abulanwiɔ nee nna la yɛɛ nee bɛ safohyenle kpanyinli ne bayɛ gyima a.

1 Edk 28:1

Belemgbunli Devidi akee yɛle kɛ Yizilayɛ mgbanyima kɔsɔɔti ɛrayia Gyɛlusalɛm. Yemɔti mbusua ekpunli ekpunli ne mɔ mgbanyinli, mgbanyima mɔɔ maanle ne anu gyima nwo amaamuo wɔ bɛ sa nu, mbusua mgbanyinli, bɛdabɛ mɔɔ bɛnea belemgbunli nee ɔ mra ne mɔ nyɛmoa nee gya zo, suakunlu ɛkɛ ne mgbanyima kɔsɔɔti, safohyenle mgbanyinli mɔɔ nea ɛlɔnema apenle nee ɛlɔnema ɛya nwo zo, yɛɛ maanle ne anu adile adile rayiale Gyɛlusalɛm.

1 Edk 29:1

Belemgbunli Devidi akee zele ɛlɔne mɔɔ rayiale la kɛ, “Me ra Sɔlɔmɔn yɛɛ Nyamenle ɛnlea nu ɛye ye a, noko ɔtɛde kakula, ɔ ti ɛtɛtinle. Gyima ne mɔɔ gyi ɔ nyunlu la le kpole. Ɔluakɛ suakunlu ne mɔɔ bɛbazi la ɛnle sonla ɛdeɛ. Ɔle Ɛdɛnkɛma Nyamenle ne suakunlu.

2 Edk 1:3

Sɔlɔmɔn lile bɛ ti na ɔ nee menli ne hɔle Gebɛyɔn, ɔluakɛ ɛkɛ ne yɛɛ Ndanlɛ Sua ne mɔɔ bɛsonle Nyamenle wɔ nu, mɔɔ Ɛdɛnkɛma sonvolɛ Mosisi zile wɔ fienemgbole ne anu la wɔ a.

2 Edk 29:20

Na Belemgbunli Hɛzikaya boɔboale ye mgbanyima mɔɔ wɔ suakpole ne azo la anloa na bɛhɔle Ɛdɛnkɛma Ɛzonlenlɛ Sua ne anu.